..{ فع‘ــآآليـآآت المنتــدى }..



آخر 12 مواضيع
أيران وحرب الجرذان
الكاتـب : ساحر الأحزان - آخر مشاركة : SiLver Spectra - مشاركات : 2 -
واجب عزاء لأختنا لميـس في وفاه والدتها
الكاتـب : ساحر الأحزان - آخر مشاركة : *فجر الاسلام* - مشاركات : 9 -
أمل
الكاتـب : د/ عبد الله - مشاركات : 5 -
حقائق لن يخبرك عنها احد ...يمكنك نشرها
الكاتـب : out off box - آخر مشاركة : أمير عسكر - مشاركات : 3 -
خطيئتي الكبرى .. قلم مهيب
الكاتـب : مهيب الركن . - آخر مشاركة : أمير عسكر - مشاركات : 4 -
ساحر الأحزان مع أعضاء بنات مصر في رمضان مع مـريم
الكاتـب : ساحر الأحزان - آخر مشاركة : مهيب الركن . - مشاركات : 4 -
تفرق معاه
الكاتـب : شاعر الحب الحزين - آخر مشاركة : ☆ شهـــاب ☆ - مشاركات : 7 -
بنفهم متأخر
الكاتـب : شاعر الحب الحزين - مشاركات : 6 -
ساحر الأحزان مع أعضاء بنات مصر في رمضان مع الملـكله كيلوباترا
الكاتـب : ساحر الأحزان - آخر مشاركة : واد حبيب - مشاركات : 2 -
الـيوم لك وغـدا عليك
الكاتـب : ساحر الأحزان - آخر مشاركة : مهيب الركن . - مشاركات : 5 -
يعز عليا
الكاتـب : شاعر الحب الحزين - مشاركات : 4 -
ساحر الأحزان مع أعضاء بنات مصر في رمضان مع حـياه
الكاتـب : ساحر الأحزان - آخر مشاركة : د/ عبد الله - مشاركات : 2 -

الإهداءات


الف مبروك يا ( خارج عن القانون ) الخطوبة

منتدى يوميات الاعضاء


إضافة رد
 
LinkBack أدوات الموضوع انواع عرض الموضوع
قديم منذ /11-18-2013, 06:41 PM   #1

مشرف الاسلامى سابقا

 

 رقم العضوية : 91636
 تاريخ التسجيل : Jan 2013
 الجنس : ~ ذكر
 المشاركات : 4,749
 الحكمة المفضلة : كلام الناس ..،،،مثل الصخور ، إما أن تحملها على ظهرك فينكسر أو تبني بها برجا تحت اقدامك فتعلو وتنتصر
 النقاط : عاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond reputeعاشق متيم has a reputation beyond repute
 درجة التقييم : 82843
 قوة التقييم : 42

عاشق متيم غير متواجد حالياً

أوسمة العضو

مسابقة تهييس تيت تيت خزعبلات بنات مصر المركز الثانى وسام  الاحساس الصادق وسام تكريم من الخزعبلات وسام المشرف المميز نجم الخزعبلايه المجنونه المركز الثانى وسام الحضور المميز تكريم فى قسم النقاش الرد القيم فى قسم النقاش 

افتراضي الف مبروك يا ( خارج عن القانون ) الخطوبة

بسم الله الرحمن الرحيم

العضو المتميز
وابن شبرا البار


خارج عن القانون





اخيراااااااااااااااااااااااااااااااااااااااااااااا ااااااا
خطب
====================
قصة الخطوبه

عكاشه كان ماشى فى يوم فى شارع الصفتى فلقى 2 عيال
بيعاكسوا بنت وبيرخموا عليها
الدم غلى فى عروق عكاشه وراح خابط عيل فيهم بالكتف
فالواد بيبص لقى عكاشه يفصل منه اتنين
راح الواد خاف وخد بعضه وصاحبه ومشيوا
عكاشه بيبص للبنت لاقها زى ما الكتاب قال ..
راح متنح ..
قالت له انا متشكره اوى
قال لها هااه
بقولك متشكرك
عكاشه : ايه
البنت : مش بيسمع ولا ايه ؟؟
عكاشه: لأ انا بسمع بس انتى ما شاء الله عليكى
طبعا البنت خدت بعضها ومشيت وسابت عكاشه واقف
روح عكاشه البيت وهو بيفكر فى البنت
بعد كام يوم راح الشارع تانى وقال اكيد هى هتمر من هنا
وفعلا مرت من هنا ومشى عكاشه وراها وعرف هى ساكنه فين ؟؟؟
روح عكاشه البيت وهو طاير من الفرحه
وطلع التليفون واتصل باتنين صحابه واتفق معاهم على حاجة
وظل عكاشه يراقب البنت كام يوم
وبالفعل دخلت البنت شارع وعكاشه كان مظبط مع صحابه انهم يعاكسوها
وفعلا ضايقوا البنت
وظهر عكاشه فى الوقت المناسب وضرب اللى بيعاكسوها
وطلعوا يجروا الولدين
طبعا البنت نظرت لعاكشه على اساس
انه ستيف اوستن وشكرته
وسابته ومشيت
عكاشه استغرب من رده فعل البنت وقال ايه البت العبيطه دى !!!!
كل يوم عكاشه كان بينتظرها على ناصيه الشارع
وقال انا لازم اكلمها بس اتكسف يكلمها
راح كاتب جواب وقال فيه
الى من سحرتنى من اول نظره
الى من صورتها لا تفارق خيالى
الى من اسهر افكر فيها طول الليالى
الى من دخلت قلب عكاشه الغالى
الى من لا اعرف اسمها ولكنها فى قلبى وعلى بالى
كتبت فيكى احلى قصائدى
نسجتك ابيات من خواطرى
كل ما احاول العبور
اقابل طيفك
ويأسرنى جمالك الفتان
فأصبحت سجينا لاجمل سجان
ويبقى حبى لكى يغرد فى كل الاوطان
لا تتركينى لدوامه الذكريات
اصارع الماضى وكل ما فات
فأنا سجين عينيكى تحن شجونى اليكى وتصرخ الاهات
وبقولك ايه كفايه كده اصل انا قربت على الجنان
وبدعى واقول يارب يا حنان يا منان
تحنى على قلبى العاشق الولهان
ده رقم تليفونى ؛ ادينى رنه صغيره وانا مش هفتح عليكى وهتصل بيكى
ولا اقولك ابعتيلى كلمنى شكرا بس استنى لما الساعة تيجى 12 علشان افتح العرض ؛ قبل كده ما تتصليش ولا تبعتى لانا معايا الدقيقة ب 14 قرش
وانتى ميرضكيش تغرمينى
مع تحياتى
عكاشه الغالى
ولكن عكاشه احتار يبعت لها الجواب ازاى
فقال انا هخليها تدخل فى شارع جانبى وامشى قدامها وارمى الورقة
وفعلا مشى قدامها ورمى الورقة
لكن لسوء حظه رجل كبير هو اللى شال الورقة من على الارض
وفتحها
وقال انتوا شباب .....
عكاشه قال فى عقل باله ارجعله الرجل ده ولا اعمل ايه ؟؟؟
والبنت ميته على نفسها من الضحك والرجل الكبير بيقرأ الجواب بصوت عالى فى الشارع
...
عكاشه رجع البيت وهو بيدعى على الرجل

عكاشه عاوز يكلم البنت لكن مكسوف
فتانى يوم جت البنت ومشيت من قدام عكاشه
فعكاشه لقى عيل صغير فنادى عليه وقال له روح قل للبنت اللى هناك دى انى معجب بيها
وهجيب لك كيس شيبسى بنص جنيه
الواد مش عجبه قال انا عاوز كيس شيبسى ب 3 جنيه وواحده كان بيبس
عكاشه بحلق للواد وقال له ليييييييييييييييييه ؟؟؟
هو انا بلاقى الفلوس على الرصيف ؛
كيس شيبسى بجنيه ولو مش عاجبك غور
فالواد قال له هات الجنيه الاول
عكاشه قال خد الجنيه وريحنا
مشى عكاشه والولد لحقوا البنت
ووقف عكاشه جمب عمود كهربا
وراح الواد فى نص الشارع قايل
( انتى يامزه اللى هناك ده بيحبك بس خلى بالك علشان بخيل )
وطلع الواد يجرى

عكاشه ساعتها كان هاين عليه يخلع العمود من مكانه من كتر الغيظ والناس كلها بتتفرج عليه
وروح عكاشه البيت وهو ذعلان
فلقى تليفونه بيرن
فرد
عكاشه : الو
المتصل : الو
عكاشه : مين معايا
المتصل : انا اللى فرجت كل الناس عليها
عكاشه عرف انها اللى معجب بيها
عكاشه : بقولك ايه انا مبحبش المعاكسات فى التليفون والكلام الفاضى ده ومبحبش التسالى
المتصل : انت بتتكلم ازاى ؟؟ انا البنت اللى انت كل يوم بتمشى وراها ؟؟؟
عكاشه : انا ما بمشيش ورا حد ؛
المتصل : انا غلطانه لك ( سلام )
عكاشه : استنى بص انتى خلقك ضيق كده ليه ؟ الواحد ما يعرفش يهزر معاكى شويه
البنت : شوف اسلوب كلامك يا عكاشه
عكاشه : ما انتى عارفه اسمى اهو
البنت : ما انت كاتبه فى الورقة ؛ امال جبت رقمك منين ؟؟
عكاشه : طب جبتى الورقة من الرجل ازاى ؟؟
البنت : مشيت وبعد شويه رجعت لقيتها مرميه فى الارض
فخدتها ؛ انت مجتش كلمتنى على طول ليه ؟؟
ايه لزمته اللى انت عملته ؟؟؟
عكاشه : اصل انا بتكسف وكده
البنت : هههههه هو فى حد بيتكسف فى الزمن ده ؟؟
عكاشه : انا
البنت : وياترى عاوز منى ايه ؟؟
عكاشه : معرفش من ساعة ما شفتك حصل ليا ايه ؟؟ بقيت عاوز اشوفك على طول
حتى وانا ماشى فى الشارع ببقى سرحان وبفكر فيكى
البنت : شكلك بتاع كلام
عكاشه : ربنا يسامحك ؛ ما انا لو كنت بتاع كلام ؛ كنت جيت وكلمتك من اول ما شفتك وخصوصا انك قلتى محدش بقى بيتكسف
البنت : انت عارف البلد بقت مليانه عيال ؛ كل شغلتها انهم يلعبوا على البنات
عكاشه : بس انا مش كده وعمرى ما هكون كده
البنت : وياترى شغال ولا قاعد فى البيت
عكاشه : قاعد فى البيت !!!! ليه فكرانى بنت ولا ايه ؟؟
البنت : انا اسفة ما اقصدش بس انت عارف ان البلد بقت مليانه عاطلين وكل واحد عاوز يقعد على مكتب وياخد مرتب عالى ومش عاوز يعمل حاجة
عكاشه : دى عيال فرافير ؛ عاوزه كل حاجة على الجاهز ومش عاوزه تتعب ؛
انا شغال فى شركه اكسسوارات للمحمول
البنت : ايوه استنى لحد الساعة ما تيجى 12 قبل كده ما تكلمنيش هههههههههههه
عكاشه : يعنى اكدب عليكى واغشك واقول لكى اتصلى بيا فى اى وقت ؛ لازم نبقى على نور من اولها
البنت : وانا بحب الصراحة
عفوا لقد نفذ رصيدكم يرجى اعاده شحن البطاقة
عكاشه : جتنا نيله فى حظنا الهباب ؛ شكل رصيدها فصل ؛
طب هعمل ايه دلوقتى
البنت : هل يا ترى ممكن يتصل ؟؟ لأ ما اعتقدش
عكاشه : استنى لحد ما الساعة تيجى 12 ولا اعمل ايه ؟
انا ابعت كلمنى شكرا للواد ماندو بتاع السنترال
يتصل ماندو بعكاشه
ماندو : مش هتبطل العادة اللى فيك دى ؛ خير عاوز ايه ؟؟
عكاشه : حولى 5 جنيه رصيد بس يكون علمك مش هدفع غير 5 جنيه بس
ماندو : انت عارف ان ال 5 ب 5 ونص
ومش كل مره ما تدفعش النص جنيه
عكاشه : اخلص بقى علشان عندى مكالمة
يحول ماندو الرصيد لعكاشة
عكاشه يتصل بالبنت
البنت : لسه فاكر تتصل ؛ شكلك كنت بتصلى الاستخاره هتتصل ولا لأ ؟؟
عكاشه : الصراحة انا كنت مستنى رد فعلك ؛ لو كنتى اتصلتى تانى كنت قلت انك مش قادره على بعدى
البنت : يا عم قول انك كنت بتفكر تتصل ولا لأ ؟؟
عكاشه : انا هقفل دلوقتى علشان عندى مشوار مهم ؛ هكلمك بالليل
البنت : قول انك خايف على الرصيد
عكاشه : على فكره الرصيد ما يفرقش معايا ؛ وانا مش من النوع المبذر ؛ وعندى مشوار
البنت : لو اتصلت بعد الساعة 10 مش هرد عليك
عكاشه : شكلك مش عاوزه نتكلم تانى
البنت : هههههههه ؛ مش بقولك خايف على الرصيد
عكاشه : هكلمك بعدين ؛ سلام
وقفل عكاشه السكة وكان
طاير من الفرحة
وبيقول لنفسه شكل الصناره غمزت
ولكن عكاشه اصر على اللى فى دماغه وما اتصلش بيها غير بعد 12
اتصل عكاشه 3-4 مرات ولكنها لم ترد
فضل يرن لحد ما ردت
البنت : مش بقولك بخيل بتقول لأ ..
عكاشه : انا بتعب فى الفلوس ومش بجبها بالساهل علشان اخلصها على التليفونات
البنت : وانا مش ارضى انك تخلصها على التليفونات
وقفلت السكة
عكاشه : الله يخربيت الجنان ؛ يعنى اشحن كل يوم كرت ب 50 علشان اعجبك ؛
اتصل بيها عكاشه لكن لقى تليفونها مقفول
عكاشه : مش ناقصة صداع
بعد نصف ساعة حاول عكاشه مره اخرى ولكن للاسف مقفول
فضل عكاشه يحاول للفجر
واخيرا رن
فضل يرن عكاشه يجى نصف ساعة واخيرا ردت
البنت : مش انا هخلص لك فلوسك ؛ بتتصل تانى ليه ؟؟؟
عكاشه : من الاخر انا بحبك واخترتك تكونى شريكة حياتى
البنت : على اساس انك تعرفنى بقالك 5 سنين
عكاشه : هو انتى ليه بستهزأى بمشاعرى
انا حبيتك من اول نظره
البنت : مش انت بتحبنى
عكاشه : ايوه
البنت : انا اسمى ايه ؟؟
عكاشه : هااااااااااااااه
البنت : هو فى واحد بيحب واحدة وميعرفش اسمها
عكاشه : اكيد اسمك قمر ولا عسل ولا سكر
البنت : لأ اسمى خفه
عكاشه :لأ بجد اسمك ايه ؟
البنت : انا مخصماك ومش هقول لك اسمى
عكاشه : انا عارف انك بتحبينى
البنت : ههههه ؛ صدق ضحكتنى وانا ماليش نفس اضحك
عكاشه : طالما مالكيش نفس تضحكى طب بتضحكى ليه ؟؟ شكل اسمك بهانه ولا ست ابوها
البنت : انا اسمى من 3 حروف
عكاشه : يبقى نكد
البنت : لأ يبقى استظراف
عكاشه : يبقى اسمك هوس ؛ جايه من مهووسه
البنت : ليه شايفنى بشد فى شعرى ؛ انا هقفل سلام
عكاشه : هو الواحد ما يعرفش يهزر معاكى
البنت : هزارك غلس ورخم
عكاشه : قوليلى اسمك ايه ؟
البنت : تدفع كام ؟؟ ولا اقولك بلاش اصل يحصلك حاجة
اسمى ( مي)
عكاشه : هو (مي ) 3 حروف
البنت : مش فى نقطتين تحت الياء
عكاشه : نقطتين !! الله يخربيت التعليم المجانى اللى خلاكى تدخلى مدارس
مي : هو انت بتكلم واحد صاحبك ؛ حسن طريقة كلامك شويه
عكاشه : ما انتى بتقولى كلام يجنن ؛ ال نقطتين ال
مي : خلاص ؛ انا مش هزر معاك تانى ؛ سلام
وتغلق السكة
عكاشه : الله يخربيت كده ؛ انا شكلى وقعت فى بنت مجنونه ؛ ولا هى البنات كلها كده
؛ صمويل دماغهم فكه
يتصل عكاشه بمي مره اخرى ولكنها لاترد ويكرر الاتصال حتى ترد
مي : نعم عاوز ايه ؟؟
عكاشه : عاوز سلامتك يا قلب عكاشه
عكاشه : هو انت اسمك عكاشه ؟
عكاشه : لأ دا اسم والدى ؛ انا اسمى محمد
مي : ماشى يا ميدو
عكاشه : بلاش ميدو دى علشان خاطر ده اسم ملك جبال الاحزان ومش عاوزه يذعل ويقول انا خدت اسمه
مي : ملك جبال ايه ؟؟؟
عكاشه : ده عضو معايا فى المنتدى
مي : هو انت مشترك فى منتدى
عكاشه : ايوه مشترك فى منتدى بنات مصر

مي : ايوه ايوه ؛ بتقول بنات
عكاشه : يا ستى انتى دماغك راحت بعيد ؛ احنا اخوات فى المنتدى
البنت : انت لازم تسيب المنتدى ده ؟؟؟
عكاشه : ما ينفعش اسيب المنتدى ؛ دا انا بنام واحلم بالمنتدى وبكلم الاعضاء وانا نايم ؛
غير كده لو سبت المنتدى ؛ طارق مش هيلاقى حد يحل مسابقاته
مي : يا أنا يا المنتدى
عكاشه : انا معرفكيش الا من كام يوم ؛ لكن انا مشترك من سنوات
وانا مش هسيب المنتدى ايا كان السبب
ولو راضيه على كده هبقى سعيد لانى حبيتك ؛ لكن لو اصريتى على انى هسيب المنتدى يبقى كل واحد من طريق

مى : شكلك بتحب المنتدى اوى ؛ وياترى مين العضوة اللى مش عاوز تسيب المنتدى علشانها
عكاشه : ممكن تبطلى الكلام العبيط ده ؛ احنا كلنا فى المنتدى اخوات
البنت : يعنى انا عبيطة ؛
متشكره اوى
وتغلق السكة
عكاشه : هى البنات كلها كده دماغها طقه ؛
ال اسيب المنتدى ال
مش لما اخد ال 200 جنيه بتوع مسابقة سيموجين
ويمر يوم كامل من غير ما عكاشه يتصل
تتصل مى بعكاشه
ولكن عكاشه لا يرد
وبعده كذا محاوله رد عكاشه
عكاشه : الو
مى : دا انت ما صدقت انك تخلص منى
عكاشه : انتى اللى اخترتى كدا
مى : انت لو كنت بتحبنى زى ما بتقول كنت اخترتنى مش اخترت المنتدى
عكاشه : اسألك سؤال ؟؟
مى : اتفضل
عكاشه : عندك صديقات مقربين منك
مى : ايوه عندى صديقتى انتيمتى
عكاشه : لو طلبت منك انك تقطعى علاقتك بيها ومتكلمهاش تانى ؛ ردك ايه ؟
مى : لأ طبعا مش هوافق ؛ دى مش صديقتى بس دى اختى
عكاشه : يبقى ما تطلبيش منى انى اعمل حاجة انتى ما تعرفيش الحاجة دى بتمثل ليا ايه ؟؟؟
مى : للدرجة دى بتحب المنتدى
عكاشه : لو مش بحبه مكنتش فضلت فيه
مى : بس انا برده ذعلانه منك لانك مش هان عليك تتصل بيا
عكاشه : انتى ما تعرفيش اليوم ده عدى عليا ازاى ؛ حسيت انى جسد من غير روح
مش كان ليا نفس فى حاجة ومش كنت طايق حد ؛
اليوم ده عدى عليا كأنه سنين ؛
انتى وحشتينى اوى
مى :
بجد يا محمد وحشتك
عكاشه : كلمة وحشتنى دى قليله ؛ لو عرفتى تعدى عدد قطرات المطر وعدد ورق الشجر هتعرفى انتى وحشتينى اد ايه ؟؟؟
واستمرت المكالمات والمقابلات بين عكاشه ومى وكل يوم يزداد حبهم اكتر
وعكاشه مبسوط وفرحان ؛
الحب برده بيخلى الشخص فى حاله غير الحاله
بس بتختلف من شخص للاخر
يعنى بيج بوص ( نور ) قاللى اللى بيحب بيتجنن
وعكاشه بقى بيعمل مشاركات فى مدونته غريبه
مثل
وله وله يا عرباوي
صايع يا وله وبتاع قهاوي
وله وله يا عرباوي
عرباوي عايز خد أحمر ومنين أجيب له خد أحمر
عايز عروسته تحط أحمر يا عرباوى

وله وله يا عرباوي
وله وله يا عرباوي
صايع يا وله وبتاع قهاوي
وله وله يا عرباوي
عرباوى عايز مشمشه ومنين أجيب له مشمشه
عايز عروسته مفرفشه يا عرباوى

وله وله يا عرباوي
وله وله يا عرباوي
صايع يا وله وبتاع قهاوي
وله وله يا عرباوي
عرباوى عايز فرش أخضر وأجيب له منين فرش أخضر
عايز عروسته تتمخطر يا عرباوى

وله وله يا عرباوي
وله وله يا عرباوي
صايع يا وله وبتاع قهاوي
وله وله يا عرباوي
عرباوي عاوز مشمشة ومنين اجيب له مشمشة
محلا الهزار بعد العشا يا عرباوى

وله وله يا عرباوي
وله وله يا عرباوي
صايع يا وله وبتاع قهاوي
وله وله يا عرباوي
عرباوي عاوز لقمة حاف ومنين اجيب له لقمة حاف
محلا الهزار ( تم حذف ذه الكلمة علشان فيها ايحاء ) يا عرباوى

الطشت قالى الطشت قالى يا حلوة يا اللى قومى استحمى




جموسة راحت تقابل جموسة يا عين
ملقتهاش جموسة يا عينى لقيتها بقرة يا عينى يا ليل


يا حلوه يا بلحة يا مقمعة
شرفتى اعمامك الاربعة


البت بيضا بيضا بيضا
البيت بيضا وانا اعمل ايه

بص ع الحلاوة حلاوة
ديه بلدى ونقاوة نقاوة

وشربت حجرين ع الشيشة ع الشيشة ع الشيشة
مع توتو السبع ويشا
وخدنى جعران والكابتن ورحنا عند احمد فيشة

ام كلاله ولدت يالا نروحلها
ناكل عيش وبندوق ونبارك لامها



ابص لروحى فجاة لقيتنى كبرت فجاة
تعبت من المفاجاة ونزلت دمعتى


ليه ماشى ع الارض يا بقف
انا ماشى لوحدى ع السقف رايح مشوار

وعكاشه بقت نفسه مفتوحة على الاخر
وعمل مشاركة فى مدونته وقال على وجبات اليوم ومواعيدها

الساعه 10 الصبح طبق فول بالتوم

الساعه 2 الظهر طبق فول نابت

الساعه 5 طبق ونص مكرونة

الساعه 8 ونص طبق فول نابت

الساعه 11 باذن الله طبق مكرونة

غير طبعا شويه ترمس وشويه سودانى على شويه بسكويت


ايه يا عكاشه هو انت جاى من الصومال

وتمر الايام والشهور وعكاشه يزداد تعلق وحب لها
واستمرت المكالمات والمقابلات
وفى يوم قالت لعكاشه
مي : احنا كل مره بنخرج ومش بتعزمنى على حاجة
عكاشه : هو احنا خارجين ناكل ولا نشرب ؛ احنا خارجين نشوف بعض لانك بتوحشينى ولما بشوفك مبيبقاش نفسى فى حاجة غير ابص لكى
مي : اعزمنى على الغدا بكره
عكاشه : بكره عندى شغل
مى : بكره الاحد اجازه
عكاشه : هو بكره الاحد
مي : ايوه
عكاشه : صدقى بكره فرح واحد صاحبى وناسى
مي : والله ؛ طب مبروك ؛ عقبالك
عكاشه : عقبال ما تنورى بيتنا يا قمر
مي : بطريقتك دى ؛ خلينى قاعده فى بيت اهلى احسن شكلى هاكل وجبه واحده وهتبقى عيش حاف
عكاشه : دا انتى لو طلبتنى لبن العصفور هجيبه لكى .
مي : ما هو باين ؛ دا انت بتتهرب من عزومه
عكاشه : يا ستى مش بتهرب وايه رأيك بقى انا عازمك بكره ؛
مي : مش بكره فرح صاحبك
عكاشه : انا اصلا متخانق معاه ؛ ومعقوله اروح لصاحبى واسيبك
مى : هتعزمنى فين بقى ؟؟؟
عكاشه : ايه رأيك اعزمك على كشرى الخديوى ولا كشرى الزعيم
مى : كشرى !!! ما تعزمنى على فول وطعميه احسن
عكاشه : صدقى نفسى فيهم ومش اكلتهم من فتره ؛ وانا موافق انى اعزمك على فول وطعميه وكمان بابا غنوج ومسقعة ؛ ان شاء ما حد حوش
مى متغاظه
مى : سك على العزومه وابقى كل فل وطعميه لوحدك ؛ اصل مضرين ليا
عكاشه : طب انتى عاوزه تروحى فين ؟؟؟
مى : مش عاوزه اروح فى حته ؛ خلاص انسى انى طلبت منك طلب
عكاشه : انا عازمك عند الشرقاوى بتاع الكبده ؛ ولا تحبى تروحى عند الشبراوى
مى : ومالك بتتكلم بفخر اوى ؛ وبتتكلم على الشرقاوى بتاع الكبده كأنك عازمنى فى ( اكوا ) على سرطان البحر
عكاشه : سرطان !!! ؛ ربنا يشفى كل مريض
الواحد يوفر فلوس العزومه ويتبرع بيها احسن
مر يومان من غير ما مى ترد على اتصالات عكاشه
ويتلقى عكاشه رساله من مى
نصها كالاتى
انا فى عريس متقدم ليا
وهو مطوع فى الجيش
وشاب كويس ؛ واهلى موافقين عليه
وانت من يوم ما عرفتك مش شفتك اخدت خطوه ؛
مستنيه ردك ؛ وياريت تتخلص من الصفة اللى فيك
رد عليها عكاشه
برساله نصها كالاتى
انتى عارفة انى انا عاوز ارتبط بيكى
بس انتى عارفة ظروفى
وانا حكيت لكى على مشكله صاحب البيت وانه عاوز موافقة السكان اننا نشيل السقف
ردت عليه مى برساله
نصها كالاتى
انت شخص جدع بس فيك عيب واحد انت عارفه
وانا مستعدة اعيش معاك فى اى مكان بس انت خد خطوة
رد عليها عكاشه برساله
هاجى اتقدم ازاى واقول لاهلك ايه
ردت عليه مى برساله
يا عم تعالى اتقدم واقرأ فاتحة وانا هستناك بس خد خطوة
رد عليها عكاشه برساله
خلاص ارفضى العريس المتقدم ليكى ؛ وهاتى رقم بابا اكلمه
بس انتى مهدى ليا الطريق
عكاشه : انا شكلى وقعت فى واحدة بخيله ؛ مش هاين عليها تتصل ومقضياها رسايل علشان عرض ال 50 رساله ؛
مش عارف ايه البخل اللى فى الناس ده !!!
يمر يوم وترسل مى رساله لعكاشه

مي : كلمت ماما وشرحت لها الموضوع وهى فهمت بابا على الحكايه وهو موافق وده رقمة 01000000000 كلمه
وفعلا يتصل عكاشه بوالد مي ويتفق معاه انه يزورهم الخميس القادم بس المفاجأة ان مى ساكنه فى المرج القديمه
بس قاعده مع اختها اللى متزوجه فى شبرا الخيمة لان زوج اختها مسافر

عكاشه يتصل بمى
عكاشه : انتى مش قلتى ليا ليه ؟ انك مش من شبر الخيمة
مى : هتفرق معاك فى حاجة ؛
عكاشه : وساكنه فين فى المرج
مى : فى الشيخ مليك
عكاشه : ما اعرفهوش ؛ ما تخلى اهلك يجى عند اختك وانا اجى لهم هنا
مي : انت كمان عاوز توفر ثمن المواصلات
عكاشه : مش كده بس خليهم هما يجوا اقرب
مى : انت مش اتفقت مع بابا ؛ نفذ اتفاقك
ويغلق عكاشه السكه مع مى
ويتصل بعم جمعة المكوجى
عكاشه : ازيك يا عم جمعة
المكوجى : مين معايا
عكاشه : انت مش عارفنى ؟؟ انا ليا عندك 25 قرش باقى مكوه القميص
جمعة : ازيك يا محمد يابنى ؛ معلش السن له احكام
عكاشه : ربنا يديك الصحة ؛ كنت عاوزك تشوف ليا بدله تمام ؛ علشان رايح اخطب
جمعه : الف الف مبروك ؛ البدله جاهزة ومغسوله ومكويه
بس نتفق على السعر الاول
عكاشه : هى ساعة زمن وهرجعها لك ؛ والمفروض تعمل معايا الواجب
المكوجى : ليه حد قالك انى فاتحه سبيل
عكاشه : ايه يا عم ؛ حد قالك انك هتجبى علينا
جهز البدله وهعدى عليك اخدها واديك حق تأجيرها ساعة
المكوجى : ساعة !! هو انت جاى تأجر عجله ؛ التأجير باليوم
عكاشه : سك على البدله ؛ مش عاوز منك حاجة
ويغلق عكاشه السكة ويتصل بمورشو
مورشو : ايه يا عوكش
عكاشه : ازيك ياض ؛ كنت عاوز منك خدمة
مورشو : اطلب
عكاشه : عاوزك تتصرف ليا فى بدله تكون تمام
مورشو : ليه ؟ عاوزها فى ايه
عكاشه : رايح مشوار ومحتاج بدله
مورشو : ايه رايح حفله ولا ايه ؟؟
عكاشه : رايح فرح واحد زميلى فى الشغل ومحتاج بدله
مورشو : خلاص طلبك عندى
ويذهب عكاشه تانى يوم لمورشو وياخد منه البدله
ويتصل عكاشه بمورشو
مورشو : البدله عامله ايه عليك
عكاشه : دى اكنها متفصله عليا بالظبط
مورشو : عد الجمايل ؛ بس انا فاكر ان انت عندك بدله
عكاشه : ايوه عندى بدله ؛ بس انا شايلها لمناسبه كبيره
مورشو : اقفل بدل ما اقفز لك من التليفون
=================
مى تتصل بعكاشه
مى : وحشتنى يا محمد
عكاشه : وانتى كمان وحشتينى
مى : مش تنسى تجيب علبه شوكولاته كويسه
عكاشه : ما نجيب كيلو بسبوسه وخلاص
مى : خطيب صاحبتى لما اتقدم لها جاب شوكولاته وجاتوه من لابوار
عكاشه : لابوار !!! حاضر هجيب علبه شوكولاته كويسه بس مش من لابوار
وسلام دلوقتى
ويغلق عكاشه السكة
عكاشه : ما كنت عايش كويس ؛ انا اللى جبت لنفسى وجع القلب ؛
ال عاوزه شوكولاته لابوار ؛ دا انتى ساكنه فى المرج يعنى اخرك كنافة شعر
تتصل مى بعكاشه
عكاشه: صدقى كنت لسه هتصل بيكى
وحشتينى فى الدقيقة دى
مى : علشان كده قفلت السكة فى وشى
ويصالحها عكاشه ويأتى يوم الخميس
ويجهز عكاشه نفسه ويقرر ان لا يركب مواصلات حتى لا يبهدل نفسه ويصل المطريه ويركب تاكسى للمرج القديمة
وتتصل مى بعكاشه
مى : انت فين ؟؟
عكاشه : انا جاى فى الطريق واعطيت العنوان للسواق
ويفصل تليفون عكاشه شحن
عكاشه : شد شويه يا اسطى احنا اتأخرنا على الناس
السواق : شكلك رايح تخطب
عكاشه بابتسامة : ايوه فى العنوان اللى اعطيته لك
السواق : انا هاخد منك 100 جنيه
عكاشه : ليه ؟؟؟؟؟؟؟؟؟؟؟؟ هو انت مودينى من مكه للاحساء ؛
المفروض كنت تقولى على الاجره قبل ما اركب
ولا انت بتجيب رجل الزبون
السواق : خلاص هعمل معاك واجب ومش هاخد منك اجره
عكاشه : ليه بس الاحراج ده ؛ الف شكر
يتصل السواق بشخص
ويخبره جهزه نفسكم انا جاى لكم
ويصل عكاشه بيت العروسه
السواق : حمد الله على السلامة ؛
عكاشه : هى العروسه ساكنه هنا فى الحته المقطوعة دى

ويدخل عكاشه البيت ؛ وينادى عليه السواق
: لو سمحت شويه مايه نشرب
عكاشه : تعالى يا عم اشرب
ويخبط عكاشه على الباب ؛ ويفتح الباب ويدفع السواق عكاشه الى الداخل ويجد مجموعة من الناس يكتفوه
السواق : مش كنت عاوز تدفع 100 جنيه ؛ اديك هتتجوز عروسه تمام
؛ يلا يا عم الشيخ اكتب
عكاشه : على جثتى
السواق : مش تقاوم علشان مش ندبحك ونبيعك اعضاء بشريه
؛ وهنكسب اكتر
ويكتب عكاشه الكتاب تحت ضغط
وتخرج العروسه





وينظر لها عكاشه بابتسامة عريضة ( عروستى )





تنبيه:
مش تزعل منى يا عكاشه علشان طلعتك بخيل









  رد مع اقتباس
قديم منذ /11-18-2013, 07:01 PM   #2

مراقبة عامة سابقه

 

 رقم العضوية : 76164
 تاريخ التسجيل : Oct 2011
 الجنس : ~ أنثى
 المشاركات : 37,548
 الحكمة المفضلة : كن متواضع كالمطر .. يسقط على قصور الأمراء وأكواخ الفقراء...
 النقاط : الأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond repute
 درجة التقييم : 8007752
 قوة التقييم : 4004

الأميرة رودي غير متواجد حالياً

 

 

 

 

أوسمة العضو

مسابقه قلم ونقاش مسابقة الموسوعة الفقهيه وسام عطاء رقابي 2015 وسام الاحساس الصادق فورم جود تالنت موسم رابع 35 وسام حملة تنشيط قسم الصحه مركز أول حملة تنشيط قسم اللغات مركز أول حملة كل يوم فى قسم مسابقة عالم الحيوان تكريم 

افتراضي

هههههههههههه
هما كلهم بيقعو من أول نظـره ليه
هاتلنا البنات بقى ياعاشق عاوزين نشوف قصص خطوبتهم هتبقى ازاى


اقتباس
[size="4"]ولا اقولك ابعتيلى كلمنى شكرا بس استنى لما الساعة تيجى 12 علشان افتح العرض ؛ قبل كده ما تتصليش ولا تبعتى لانا معايا الدقيقة ب 14 قرش[/size]

ياعكاشه ياجلده
فيه واحد يقول لحبيبته كده وهو لسه يادوب بيتعرف عليها
مالكش الا السواق اللى خطفك ده
تعيش وتاخد غيرها







  رد مع اقتباس
قديم منذ /11-18-2013, 07:25 PM   #3

مشرفة الفضفضة و عالم الرجل سابقا

 

 رقم العضوية : 94054
 تاريخ التسجيل : Jul 2013
 العمر : 35
 الجنس : ~ أنثى
 المكان : في قلب جدي
 المشاركات : 8,923
 الحكمة المفضلة : ليس لنا خيار آخر غير التفاؤل !
 النقاط : ™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute™Amiliya has a reputation beyond repute
 درجة التقييم : 10233
 قوة التقييم : 6

™Amiliya غير متواجد حالياً

أوسمة العضو

وسام الحضور الدائم لقسم قلم الاعضاء وسام مبدع المنتدى  النشاط الدائم فى النقاش وسام افضل قلم في الفضفضه افضل طفل تربوى أفضل متابع سهراية رمضانية وسام المشرف المميز مسابقه الابداع المركز الثالث اجمل لقطه من تصوير العضو المركز الثالث مسابقه بلاجوازالمركز الاول 

افتراضي

هههههههههههههههههه

فظيع وربنا







  رد مع اقتباس
قديم منذ /11-18-2013, 07:33 PM   #4

المراقب العـام

 

 رقم العضوية : 42511
 تاريخ التسجيل : Feb 2010
 الجنس : ~ رجل
 المكان : ارض الله واسعه في اي مكان موجود
 المشاركات : 50,534
 الحكمة المفضلة : لا يفيد الندم علي شئ قد انتهى
 النقاط : واد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond repute
 درجة التقييم : 2020794
 قوة التقييم : 1011

واد حبيب متواجد حالياً

 

 

 

 

 

أوسمة العضو

وسام شرفي للمشتركين وسام الاتقان 7 تكريم المنتدي في العيد النشاط الإشرافي وسام الوفاء 2017 وسام الابداع مسابقه  النقاش وسام  التميز مسابقه  النقاش 

افتراضي

هوه ينفع اقرء نص الموضوع ده
واكمل الباقي بكره؟
علي العموم
مبروك يا عكاشه







  رد مع اقتباس
قديم منذ /11-18-2013, 08:45 PM   #5

حـكايـه حـياه

 

 رقم العضوية : 50632
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 61,766
 الحكمة المفضلة : ان فعلت شىء يسعد غيرك فلا تحزن ولا تنتظر المقابل لصنعك
 النقاط : ساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond repute
 درجة التقييم : 2415889
 قوة التقييم : 1208

ساحر الأحزان غير متواجد حالياً

 

 

 

 

 

MY MmS

أوسمة العضو

مسابقه الحج تالت تكريم من دمعه حائره والاعضاء 16 137 73 مسابقه القلم المميز 16 وسام التوقع الصحيح للتصفيات النهائية لشخصية العام  وسام التوقع الصحيح لـ تصفيات شخصية العام2015 وسام الاحساس الصادق فورم جود تالنت موسم رابع 

افتراضي

عوكاشة بقى شاعر من غير ما تعرف

صبرت ونلت يا عوكاشة

الف مبروك

وبالرفاء والبنين

خيالك جميل عاشق

استمر بقى

بالتوفيق







  رد مع اقتباس
قديم منذ /11-18-2013, 09:35 PM   #6

مشرفة يوميات الأعضاء سابقا

 

 رقم العضوية : 32814
 تاريخ التسجيل : Oct 2009
 العمر : 38
 الجنس : ~ أنثى
 المكان : alex
 المشاركات : 13,735
 الحكمة المفضلة : إذا دعتك قدرتك على ظلم الناس . فتذكر قدرة الله عليك
 النقاط : حَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond reputeحَرفُُ هجآءّ has a reputation beyond repute
 درجة التقييم : 2881512
 قوة التقييم : 1441

حَرفُُ هجآءّ غير متواجد حالياً

أوسمة العضو

عطاء أشرافى التميز الاشرافى مميزة الهوايات وسام المشرف المميز مسابقه نهاية عام 2013المركز الاول وسام حرب الهوايات 2 مميز الاعمال اليدويه فوز فى مسابقة مركز اول فوز فى مسابقة افضل مدونة 

افتراضي

ههههههههههه
جامد جامد جامد
تتصور اصدق الكلام ده على عكاشه ههههههه
مش قصدى البخل
اقصد على الخجل
بس بردوا مطلعه راجل ابن بلد
وصريح
مع ان الموضوع للهزار بس وراه فايده جميله اوووى
تسلم عاشق
فى انتظار المزيد الكتيييييييييييييييييير







  رد مع اقتباس
قديم منذ /11-18-2013, 10:06 PM   #7

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 86,078
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 15238219
 قوة التقييم : 7620

دمعه حائره غير متواجد حالياً

 

 

 

 

 

MY MmS

أوسمة العضو

الكاتب المميز مسابقه القلم الماسي تكريم المنتدي في العيد 16 137 73 مسابقه القلم المميز مسابقة فضفضة 2 مسابقة الغرام المستحيل 1 مبدع الابداعات العاميه 

افتراضي

ههههه
ده انت مذاكر عكاشه ايه ده موتنى ضحك
خواطر وكلمنى شكرا وبلحه مقمعه
كوكتيل ماحصلش وختامها يجنن عروسه تودى للمشنقه
بس الاشعار الحلوة دى احنا هانبتعكم بعثه للابداعات







  رد مع اقتباس
قديم منذ /11-18-2013, 11:10 PM   #8

Captain Mohamed

مشرف الأقسام الرياضية سابقا

 

 رقم العضوية : 43773
 تاريخ التسجيل : Mar 2010
 العمر : 31
 الجنس : ~ ذكر
 المكان : Palestine & Egypt
 المشاركات : 10,648
 الحكمة المفضلة : DON'T cry over anyone who won't cry over you
 النقاط : game010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond repute
 درجة التقييم : 76344
 قوة التقييم : 39

game010 غير متواجد حالياً

إرسال رسالة عبر Yahoo إلى game010

أوسمة العضو
افتراضي

طيب والله انا افتكرتها بجد
وكنت هزعل منوا جاااااااامد اووووى
هههههههههههههههههههه
بس حلوة بجد
فى انتظار المزيد
تحياتى







  رد مع اقتباس
قديم منذ /11-19-2013, 01:11 AM   #9

 

 رقم العضوية : 74546
 تاريخ التسجيل : Apr 2010
 العمر : 35
 الجنس : ~ ذكر
 المكان : جمهوريه شبرا الديمقراطية المتحده
 المشاركات : 23,516
 الحكمة المفضلة : كن كما تحب ان تكون ولا تلتفت لاراء الكارهون
 النقاط : خارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond repute
 درجة التقييم : 2421980
 قوة التقييم : 1211

خارج عن القانون غير متواجد حالياً

 

 

 

 

 

أوسمة العضو

العقلية الاقتصادية semogein منظم مسابقات 437 402 286 167 89 

افتراضي

ههههههههههههههههههههههههههههههه

تصدق انا بالصدفه دخلت المنتدى من كمبيوتر فى الشغل

وشفت الاهداء من غير ما اخد بالى مين كاتبه

استغربت جدااا وقولت هو فيه حد غيرى باسم خارج عن القانون

بس افتكرت انك كنت بعتلى بتقولى ع انك هتعمل الموضوع ده

واتاكدت اكتر لما لقيتك انت اللى عامل الاهداء


وبصراحه توبيك جااااااااااامد فطست ع روحى من الضحك

وواضح انك مذاكر مدونتى كويس وقلبتها من فوقها لتحتيها بس معرفتش تجيب اسمى صح ^^

ومذاكر شبرا كويس جدا جدا
( الصفتى - الشبراوى -الخديوى - الزعيم - كبده الشرقاوى)

مكنش ناقص غير انك تقول ابو سعيد بتاع الفول ^^

استمر يا ابنى استمر







  رد مع اقتباس
قديم منذ /11-19-2013, 04:08 AM   #10

مدير عام ومؤسس العصر الذهبي للمنتدي

 

 رقم العضوية : 7111
 تاريخ التسجيل : Sep 2008
 الجنس : ~ ولد
 المكان : Damietta
 المشاركات : 22,359
 الحكمة المفضلة : لو القرد مات القرداتي هيعرف يشتغل ؟
 النقاط : SiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond repute
 درجة التقييم : 5771666
 قوة التقييم : 2886

SiLver Spectra غير متواجد حالياً

إرسال رسالة عبر Yahoo إلى SiLver Spectra

أوسمة العضو

16 عطاء بلا حدود وسام التحكيم فىForumsGotTalent تكريم ادارى تكريم المركز الثانى  Arab Idol وسام تاج الاداره وسام النشاط الادارى 197 167 

افتراضي

كان المفروض تعمله رخم اكتر من كدا يا عاشق
يا ابني دا عوكش في الحقيقة رخم جدا و اكتر من المنتدى كمان
و بيسوق النصاحه







  رد مع اقتباس
إضافة رد

الكلمات الدلالية (Tags)
مبروك, الخطوبة, الـ, القانون, يارد

« ( المشهد السابعه) مسابقه ( حوار مين دا ) واعلان الفائزين بالـ ( الحلقة السادسة ) | رسائل منتدايات زلبحة (الحلقة الأولى ) »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
خارج عن القانون رجع من جديد الملكة كيلوباترا منتدى سجل الاعضاء 30 07-24-2013 07:13 PM
بصراحة مع خارج عن القانون مِسكُ الشَهادة قسم مناقشة المواضيع المتداوله والمنقوله 20 04-27-2013 02:25 PM
خارج عن القانون > عـ كرسي الاعـتراف < ĶǎnDO̳̿uChǎ ツ كرسى الاعتراف 147 07-29-2011 12:53 PM
1000 مبروك ع التميز >> خارج عن القانون ♥..pure منتدى سجل الاعضاء 51 11-30-2010 09:19 AM

مجلة الحلوة / مذهلة

الساعة الآن 05:17 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩