رحلتى السياحية (الاسبوع الأخير) سفارى

[العاشق الذى لم يتب]

بسم الله نبدأ وعلى الله نتوكل ونقول : حكاوى ماكان وماشوفناه فى رحلتنا الجميلة مشينا من الفندق القريب للبحر وأخدت حبيبتى ربنا مايحرمنيش منها ومعانا صحبى ومراته وأتفقنا أنا وهو نروح نطير زى العصافير بس من غير أجنحة ومرة من عمرنا محدش ضمن الدنيا وأهو نعمل زى باقى البشر اللى ربنا منعم عليهم وبيتفسحوا ويركبو ا البيتش باجى ومش عارف معناها أيه السمية دى بالعربى ومتهيئلى والله أعلم معناها المركب الطائر أصلا أخوكم مالوش فى الانجلش صحبى قال أنا تقريبا قربت أخلص الفلوس اللى معايا قولت ولايهمك ياصديقى جيب الأسد مايخلاش يلا خليها تخرب بالمرة ونضيع تحويشة العمر ونفسح حبيباتنا هو أحنا لينا غير راضهم بس على الله يتمرفيهم مرات صحبى قالت أنالايمكن أركب اللى بتقولواعليه باضى قولتلها باضى مين ياجلها هو إحنا وخدينك على محل الملابس قالت ماليش دعوة أنا هستناكم من تحت وحبيبة قلبى قالت شوف يارفعت ياعمرى مدام هطير فى السما أنا هطير معاك نعيش سوى ونموت سوى تسلمى ياأحلى حبيبة فى الدنيا توكلناعلى الله وروحنا وتعالوا شوفنا وأحنا طاير فى السما دى صورته بعد مانزلنا من عليه انا وحبوبتى وصحبى ومراته اخدواواحد ويدوب مشيوا10 متر وراح نازل فى حفرة ومراته تصرخ وتقول أنا كان مالى ومال الباضى قولتلها أمال لوكنت ركبتى الضاى الطاير كان زمانك فى قاع البحر وهى تقول مش انت قولت تعالوا نطير اتفسحنا عقبال عندكم ولقينا جماعة من البدو ظراف والطاف وأحنا بنتمشى السلام عليكم: قالوا وعليكم السلام أهلا بالضيوف أتفضلوا إحنا صراحة كنامترددين نتفضل عندهم قال شيخهم والله لايمكن تمشوا من عير واجب الضيافة قولت يلا ياجماعة ياأما دبحونا ياأما كرمونا مااطولش عليكم ناس فى منتهى الكرم وحسن استقبال الضيوف وبسرعة جابوا خروف ودبحوه وأقل من ساعة كان الأكل جاهز بعد ماقدموا لينا القهوة العربية صراحة احتفلوابينا وكأننا ناس نازلة من السما حفاوة وكرم وجود مافيش كده ناس على طبيعتهم الفطرية وقال أيه أنا كنت بفكرهم مش عايشين أتارى أحنا اللى أخدتنا الحضرية والتمدين وخلتنا نسينا أصلنا وجدودنا صراحة قضينامعاهم حوالى من 3ساعات عمرى ماأنساهم أبدا مشينا من عندهم ورجعنا الفندق وخلاص بكرة نتوكل على الله وناخد الحافلة ونرجع بيتنا الصبح لاح والديك صاح ولمينا أغراضنا وربطنا الشنط وأخدنا سيارة داخلية من المدينة السياحة لحد باب المحطة وجات الحافلة وركبنا والحمدلله السواق ماكنش دخين ولاحاجة وابن حلال وصلنا البيت سالمين غانمين أستقبلونا الحبايب وسلمناعليهم آه ياحبيبتى حمدالله على سلامتك ياغالية الله يسلمك حبيبى صراحة قضينا فترة من أجمل أيام عمرى مبسوطة باحبيبتى ! هو فيه أحلى من كده انبساط ولاأجمل من كده فسحة بس أعملى حسابك خلصت الفلوس خالص يعنى لازم تعملى حالة تقشف ولايهمك ياعمرى طول ماأنت معايا معولش هم آه أصلا كل يوم هلاقى تحت راسك بيضة دهب ضحكت وضحكت معاها وعلمنا أن الله هو الرزاق ذو القوة المتين ويارب ياأحبابى تكونوا أعجبتم برحلة أخوكم رفعت أشوفكم بألف خير والسلام عليكم ورحمة الله وبركاته

[ويبقى الأثر]

الف حمدالله على سلامتك رفعت
كانت رحله جميله وموفقه
عشنا مع حروفك وروحك الحلوه رحله رائعه
والف سلامه على صحبك ومراته بقا يارب يكونو كمان وصلو سالمين
ربى يسعد اوقاتك
وبالتوفيق اخى

[ساحر الأحزان]

انت مدلع نفسك خالص

رحلة جميلة يا رفعت

موفق فيها

[جبل عالي]

جميل ماخطه قلمك اخي ورائع

مخيلة راقية ومميزة جدا

بكل التوفيق ان شاء الله

[العاشق الذى لم يتب]

اقتباس المشاركة الأصلية كتبت بواسطة قيثارة الصمت الف حمدالله على سلامتك رفعت كانت رحله جميله وموفقه عشنا مع حروفك وروحك الحلوه رحله رائعه والف سلامه على صحبك ومراته بقا يارب يكونو كمان وصلو سالمين ربى يسعد اوقاتك وبالتوفيق اخى

الله يسلمك منة
واشكرك جدا على السؤال والاطمئنان
الحمدلله وصلنا بالسلامة
مودتى

[العاشق الذى لم يتب]

اقتباس المشاركة الأصلية كتبت بواسطة ساحر الأحزان انت مدلع نفسك خالص رحلة جميلة يا رفعت موفق فيها

شكرا امجد
هناخد منها ايه بس
شرفنى مرورك
مودتى

[العاشق الذى لم يتب]

اقتباس المشاركة الأصلية كتبت بواسطة جبل عالى جميل ماخطه قلمك اخي ورائع مخيلة راقية ومميزة جدا بكل التوفيق ان شاء الله

شكرا لك اختى جبل
شرفنى مرورك
مودتى