( ومعانا اتصال تليفونى ونقول الووو ) ( الحلقة الثامنه )

[morshooo]

بسم الله الرحمن الرحيم

مزاج الخير

النهاردة معانا حلقه جديدة من برنامج

( ومعانا اتصال تليفونى ونقول الووو )

فى البدايه التوبيك هنعرض فيه

( نقد ) سواء النقد دا لظاهرة موجوده

فى ( المجتمع ) او ( المنتدى )

وهنكلم بصراحه وبراحتنا ومحدش يخاف ماتقلقوش

( الحظر ) جاهز

خاصه وان المنتدى فاضى فعايزين نفضيه على الاخر .

قبل ما نبدء حلقه النهارده عايزكم تشوفو الكلمتين دول :

حلقات البرنامج ممكن فى اى حلقه منها هيبقى فى نقد

لحالات ( للكبار فقط ) وادينى قايل اهو وكل حلقه هعلن دا

عشان الى يقرأ التوبيك يبقى هو المسئؤل عن الى شافه

ومحدش يقولى فى اعضاء صغيرين فالاعضاء الصغيرين

انا بقولهم ان فى اى حلقه ممكن يكون النقد ( للكبار فقط )

وعلى فكره لو حد شاف كلام خارج او فهمه غلط يبقى مش انا السبب

انتا السبب انك دخلت وقريت الكلام دا



تعالو نشوف حلقه النهاردة بتكلم عن ايه

الو

الو هانى معايا

لو عايزانى هانى مفيش مانع

يعنى مش انتا هانى اصل دا رقمه متسجل عندى

مانا بقولك لو عايزانى هانى مقدرش اقولك لا

طيب انا اسفه الرقم شكله غلط

لا والا يهمك عموما دا رقمى

طيب انتا الرقم دا جبته جديد

لا دا معايا من زمان انتى مين

انا زميله هانى

ماتسيبك بقى من هانى والكلام دا

شكلك فاهم

اكيد فاهم انتى مين وعايزه ايه

انتا فى منتدى ( بنات مصر )

تمام

واسمك فى المنتدى ( عاشق متيم )

بيقولو

والنبى معرفتك شكلها حلوه وفتحه خير

ههههههههه انتى احلا بس خير

والنبى يا خويا ( مورشو ) قالى لازم نعمل حلقه جديده قولتله لازم نجيب ( عاشق متيم )

اهاااا طيب والحلقه عن ايه يعنى

( البنات الشمال يا خويا )

اعوز بالله ومالقتوش غيرى انا ههههه

انا قولت اعرف منك يا خويا واسمع منك

تعرفى منى ايه وتسمعى منى ايه انتى كدا هتدى للاعضاء فكره
شمال عنى

والنبى ماحد هيقول حاجا احكيلى احكيلى وقولى قابلت بنت كدا قبل كدا

بصى انا مره عاكست بنت ومكنتش عايزه ترد عليه

اه وعملت ايه اوعا تكون سبتها

لا طبعا مشيت جنبها وشبكت صوابعى فى صوابعها

وطبعا سكتت ومقلتلكش حاجا

اه انتى عرفتى منين

كمل ياخويا كمل

المهم بعد كدا قولت لما احط ايدى على كتفها

اه ولقتها ساكتا برضو

اه قولت لا بقى هعمل الى انا عايزه معاها

اه حقك والنبى وبعدين كمل

بعد كدا بصتلها ضحكت ومسكت شعرها ولعبت فيه

اه والنبى وكان لعب جميل فكرنى بـ ( ابو تريكه )

ياستى فكرك ايه بس انا بكلم عنى انا

اه نسيت معلش كمل كمل

بعد كدا قولتلها ماتيجى ونجيب مليجى

ساعتها قالتلك ( مش هروووح عشان مانجبش فتوح )

ايه دا ايوه فعلا دا الى حصل معايا

والكلام دا كان فى مدينه نصر عند ( سيتى ستارز )

ايوه بالظبط انتى عرفتى منين

كمل وبعدين

بعد كدا روحنا قعدنا فى جنينة

ايوه وحاولت برضو تمسك ايديها

لا محصلش

لا حصل ههههه وكمان قولتلى احنا جايين نقضى ساعتين

بلاش ايه كمان وبعدين انتى عرفتى كل دا ازاى

اصل انا الى كنت معاك دى ههههههه

ينهار ابيض انتى ازاى

بس والنبى ماكنت اعرف انك عاشق

طيب خلاص بلاش تقولى الكلام دا فى المنتدى

لالالا ماتقلقش انا هقول لمورشو بس

لا دا بينزل على طول اى حاجا ومبيقطعش

بينزل ايه ومابيقطعش ايه قصدك ايه يعنى

الكلام قصدى الكلام بينزل الكلام زى ماهو من غير ما يقطع حاجا

عموما انا هقوله نزل الكلام دا ونعرضه على الاعضاء

اه وبعدين

ونشوف ايه رئيهم فى البنات دى الى ممكن من مقابله صدفه تتعرف وتخرج وتسمح للولد انه يحط ايده عليها واكنها تعرفه من زمان .
وممكن بعد الخروجه دى والا يكلمو بعض بعد كدا وهى تانى يوم تشوف شاب غيرة .



دى بنات بنشوفها فى جميع الاماكن والكلام دا بيحصل فعلا

وسواء الولد او البنت دى بيقضو مع بعض ساعتين وشكرا

انتو ايه رئيكم فى البنات دى والعيب فى مين بالظبط

الولد والا البنت .

[Lamees]

البنات دي للاسف تفتقد التوعية الاخلاقية
وبتكون اتربت في بيئة لا تعرف العيب والغلط من الصح
كمان بنات ينقصها الوازع الديني ومفيش عليها رقابة
كمان البنت دي وللاسف بترتكب جرم في حق نفسها
وطبعاً ده كله في غياب الدور التربوي للاسرة
وربنا يسترها على علينا وعلى الجميع

حلقة مفيدة يا مورشو وبتناقش قضية اخلاقية خطيرة
يارب التميز والابداع حليفك دائماً
روني ..~

[همسه دموع]

تصدق بقى يامورشو انها حلقه جميله جدا مفيده

وام بقى ايه الرئى يمكن تكون اكيد مش عندها وعى

والمفرود تبقى فهمه انه اللى هيعمل كده معها هيعمل مع غيرها وانا بتغلط فى حق نفسها واهلها

وبعدين الشاب كمان هيبصلها انها مش كويسه

حلقه حلوه منك بالتوفيق

[morshooo]

اقتباس المشاركة الأصلية كتبت بواسطة ro♥ony البنات دي للاسف تفتقد التوعية الاخلاقية وبتكون اتربت في بيئة لا تعرف العيب والغلط من الصح كمان بنات ينقصها الوازع الديني ومفيش عليها رقابة كمان البنت دي وللاسف بترتكب جرم في حق نفسها وطبعاً ده كله في غياب الدور التربوي للاسرة وربنا يسترها على علينا وعلى الجميع حلقة مفيدة يا مورشو وبتناقش قضية اخلاقية خطيرة يارب التميز والابداع حليفك دائماً روني ..~

كلامك صح
البنات دى بيكون عندها نقص اخلاقى
وعلى فكرة اغلبهم بيكونو اهليهم عارفين ان بنتهم
ماشيه بالشكل دا بس بيطنشوها ^^
ازاى مش عارف
تسلمى على المرور

[morshooo]

اقتباس المشاركة الأصلية كتبت بواسطة عاشقه للاحلام تصدق بقى يامورشو انها حلقه جميله جدا مفيده وام بقى ايه الرئى يمكن تكون اكيد مش عندها وعى والمفرود تبقى فهمه انه اللى هيعمل كده معها هيعمل مع غيرها وانا بتغلط فى حق نفسها واهلها وبعدين الشاب كمان هيبصلها انها مش كويسه حلقه حلوه منك بالتوفيق

تمام
بس على فكرة هى بتكون عارفا ان دا مجرد تضيع وقت
وتلاقيها معرفه زميلها كمان بالموضوع دا ^^
تسلمى على المرور