اما انا جيت ازاى ||تابع للحمله ||

[Nàdøỡsha]

نبدأ بالحدوته ..~ أكتـر سـؤآل ممكـن يسأله الطـفل .. ماما انا جيت ازأي؟ مهند ولد جميل بيحب ينام بدري ويصحي بدري ويعمل وقت لكل حاجه وقت للمكعبات ووقت للمهارات ووقت للرسم ووقت للتليفزيون او الكمبيوار بيستني كل يوم جمعه لما يخلص يومه وماما تخلص شغل البيت وبابا يجي ويتجمعو كلهم ويتكلمو مع بعض ويسال بابا وماما علي الحاجأت الي هو مش عارفها جه يوم الجمعه واتجمعت الاسره الصغيرة بابا وماما ومهند واخته هند وبدأو يتكلمو مع بعض وسال مهند انا عايز اعرف انا جيت ازأي فكرت ماما في طريقه بسيطه توصله بيها المعلومه اخدت ماما مهند وراحت المطبخ جأبت قطن وفول ومايه وبلت القطنه وحطتها ف علبه وعليها الفوله وقالت لمهند خد معاك العلبه دي وكل يوم تشوف ايه الي هيحصل وتقولي ونكتب مع بغض ولما تكبر الفوله هنقعد مع بعض واقولك انت جيت ازأي اخد مهند الفوله وهو مستغرب ازأي هيعرف من الفوله دي انا جيت ازأي وقال لنفسه بس لازم اسمع كلام ماما وفضل يراقب الفوله ويقول لماما عالي بيحصلها لغايه ماكبرت راح مهند لماما يقولها ان الفوله كبرت خلاض وهو عايز يعرف هو جه ازأي قالت ماما هتعرف ف الميعاد الي احنا بنتجمع فيه عيط مهند وفضل يدبدب برجله في الارض انا عايز اعرف دلوقتي اصرت ماما علي موقفها وقالتله يامهند لازم يكون عندنا حاجه اسمها الصبر يعني تستني لغايه مايجي الوقت الي متعودين عليه وهتعرف كل حاجه ف وقتها لما جه مهند قعد مع اسرته الصغيره قالت ماما دلوقتي اقدر اقولك يامهند انت جيت ازأي لانك شاطر سمعت كلام ماما وصبرت بص ياحبيبي ربنا خلقنا راجل وست لازم نكبر ونتعلم وتشتغل وبعدين نتجوز واول مانتجوز لازم يكون في بيتنا حب عشان نقدر نحبكم ونبني بيتنا مع بعض اما بنتجوز ربنا بيدي الراجل بذرة ويقولها يحطها في بطن الست في مكان اسمه الرحم شبه الاوضه وده مكان بيكون دأفي جدأ في الشتا ومش حر في الصيف عشان البذرة دي لما تكبر وتبقي بيبي تقدر تقعد فيها لغايت ماتنزل زي الفوله اللي أديتهالك دي واول ويوم بعد يوم البذره دي بتكبر ف بطنها زي مالفوله كبرت واول ماتقدر تخرج للحياة تخرج زي الفوله ماطلعت جذور وساق واوراق وزهور وبعديت فوله تانيه نقدر ناخدها البيبي بيكون بذرة وبعدين بيطلع ايد ورجل وراس وبغد كده يبقي بيبي جميل يخرج ويكبر ويتعلم ويتجوز وربنا يديله بذرة عشان يجيب بيها بيبي جميل وتـووتـه تـووتـه .. خـلصت الحـدووته ..~

[بحر النسيان]

قصه جمييله جداا
وطريقه رائعه لتوصيل المعلومه

تسلمى على المجهوودك

[Stop Ana Eltop]

قصه جمييله جداا
الام دى ممتازه فعلا
انها تقدر توصل المعلومه لابنها بالطريقه دى
تسلمى على مجهوودك

[Nàdøỡsha]

تسـلموو للمـرور

منـوورين

[جبل عالي]

فعلا من أكتر الأسئلة التي يقف امامها

الوالدان ولا يستطيعون الاجابة

شكرا لك كل الشكر لروعة الفكرة

ولروعة التقديم

[العاشق الذى لم يتب]

قصة جميلة
وفيها فوائد وعظة
ومعلومات
تسلم الايادى
ويدوم النشاط
مودتى

[بحر النسيان]

فعلا سؤال سمعته كتير جدا

ودايما الام بتقف قدام هذا السؤال حائرة

شكرا على التوبيك الرائع

تحياااااااااااااتى

[PrinCesS Gege]

قصه جميله اوووووى
تسلم ايدك
مودتى

[AHMED SEVEN]

شكرا ليك على القصة والمجهود

ثانكس