تجميع رحلة أسبوع سفارى

[حجازى فارس المصرى]

على فكرة يا أحبابنا الكرام موضوع المسابقة كان مناسبا لى جدا لأنى بالفعل قمت برحلة لمدة أسبوع إلى مدينة أبى سمبل فى أسوان العام الماضى وكانت رحالة أكثر من رائعة وجاءت الرحلة أيضا فى وقت مناسب لانها كانت فى فصل الشتاء فالجو مناسب وكنت شخصيا أحتاج ~إلى تغير جو ...فما أكتبه من باب الحقيقة وليس الخيال /تحياتى لكم ...فلننطلق الى الرحلة فى أمان الله.


جانى جواب على طول مستعجل
قوم يا حجـــــــازى روح أبو سمبل
بينى وبينكم كانــــــــــــــت فرصة
ربك يسّـــــــــــــــــــر وحده وعدّل
ــــــــــــــــــــــــــــــــــــــــــــــــــ ـــ

وقت الرحلة معــــــــــــايا مناسب
خلينى أنسى شوية متـــــــــاعب
أصل أبويا كان متــــــــــــــــــــوفى
وكان الحزن لسه مقــــــــــــــــارب
ــــــــــــــــــــــــــــــــــــــــــــــــــ ــــ

قلنا نفـــــــــــــــــــــك شوية ونفرح
واقعد وحدى شــــــــــــوية وأسرح
يمكن بكرة ليــــــــــــــــــــنا يضحك
ياجى بخيره وشجره يطــــــــــــرح
ــــــــــــــــــــــــــــــــــــــــــــــــــ ـــــ

رحت مجهز على طول حـــــــــالى
وقلت ياربى سهلــــــــــــــــــــهالى
إنت يارب عالم وحـــــــــــــــــــــدك
اللى بيحصل واللى جـــــــــــرالى
ــــــــــــــــــــــــــــــــــــــــــــــــــ ـــــــــ

رحت لأمى طلـــــــــــــــبت رضاها
رفعت إيدها وخــــــــــــــدت دعاها
وقالت يابنـــــــــــــى فى حفظ الله
خشية ربك لا تنســـــــــــــــــــاها
_________________________

جبت الشنطة بجهز حـــــــــــالى
خلقى هــدومى وورقى ومـــــالى
واخدت كتابى ونيسى فـــى قتى
وقلت ياربـــــــــــــــــــى عدلهالى
ــــــــــــــــــــــــــــــــــــــــــــــــــ ــــــــــ
الموضوع الثانى من مسابقة أسبوع سفارى
مشاعر داخل الاتوبيس.

حطيت رجلى فى الأتوبيـــــــس
كان يوم أربع بكرة خمـــــــــــيس
ربك يبعت صحبة جمــــــــــــــيلة
حد يسلى ويبقى ونيــــــــــــس
ــــــــــــــــــــــــــــــــــــــــــــــــــ ـــ

وربك ســــــــــــهل جانى الوعد
حـــــــــــــــــــتة بنت إنما شهد
أخـــــــــــــــــلاق عالية إنما إيه
إســـــــــــــــــمك إيه قالت رغد
ــــــــــــــــــــــــــــــــــــــــــــــــــ ـــــ

يالاّ ياعم الأســـــــــــــــــــطة يالاّ
يومك أبيـــــــــــــــــــض زى الفلة
سوق على مهلك واحدة بواحدة
معانا الصحبة ويّا الشــــــــــــــلة
ــــــــــــــــــــــــــــــــــــــــــــــــــ ــــ

وفجأة سرحـــــــت بعيد بخيالى
فى أيام فاتـــــــــــــت ويّا ليالى
أغمض عينـــــــــــى وأفتح تانى
ألاقى بكــــــــــــــرةبصوته ندالى
ــــــــــــــــــــــــــــــــــــــــــــــــــ ــ

ساعة والتـــــــانية الوقت يفوت
بكلم نفســــــى من غير صوت
هى الدنيا طـــــــــريق والناس
واحد ياجى والتــــــــانى يموت
ــــــــــــــــــــــــــــــــــــــــــــــــــ ـ

خدنا طريق صحراوى على طول
سحر طبيــــــــــعة مش معقول
لو تلمح مساحــــــــــات الأرض
راح تنطــــــــــــــــــق الله وتقول
ــــــــــــــــــــــــــــــــــــــــــــــــــ ـ

صحرا بتوســــــــــــع اكبر واكبر
عاوزة إيادى فيــــــــــــها تعمر
تغرس فيــــــــــــــها نوايا الخير
يصبح توبـــــــــــــها أخضر أخضر
ــــــــــــــــــــــــــــــــــــــــــــــــــ ـــ

آه يا بـــــــــــــــلادى ليه الزنقة
وليه الدوشــــــــة وليه الخنقة
ميدوا إيدكو الخــــــــــير كتران
لو راح نســـــعى برضه هنلقى
ــــــــــــــــــــــــــــــــــــــــــــــــــ ـــ

فى نص طريقنــا فيه كافتريا
قلنا نريح فيـــــــــــــها شوية
شفت فيها جمال الـــــــنوبة
ناس بالطيبة يا خال محشية
ــــــــــــــــــــــــــــــــــــــــــــــــــ

ضحكت واحدة لىّ ســـــــمارة
آه يانا غلبى وآه يا خســـــــارة
تقولش النور شقشق فى البق
وســـــــــــــط الليل ضىّ قمارة
ــــــــــــــــــــــــــــــــــــــــــــــــــ

خدنا طريقنا وقلنا نكــــــــــمل
يالاّ يا أسطة عجل عجـــــــــل
خلينا نوصل يالاّهنـــــــــــــاك
لمحت عينى خلاص أبو سمبل
ـــــــــــــــــــــــــــــــــــــــــــــــــ
الجزء الثالث من مسابقة أسبوع سفارى
وصف الفندق والبحر

وصلت هناك كان داخل اللـــيل
وما كنتش حاجز جوا أوتيـــــــل
هى يا دوب غرفة وع/الــــــــكد
وكان ويّايا الـــــــــــعم خلـــــيل
ـــــــــــــــــــــــــــــــــــــــــــــ
ولأن سفرى مهمة فى شغلى
ومنها فسحة أنسى مشاغلى
كانت الغــــــــرفةوعم خلـــــيل
جنبى يشـــــــــخر وانا عمغلى
ــــــــــــــــــــــــــــــــــــــــــــــــ
أول ليلة بصراحـــــــــــةزهقان
ريحة الاوضةدخــــــــــان دخان
خفى الشويةالصــــــــحة ياعم
هى ناقصة خنــــــــــــقة كمان
ــــــــــــــــــــــــــــــــــــــــــــــــــ
وصراحـــــــة لله الأوضة مليحة
كبيرة وواسعة وشرحة وبرحة
فيها سريرين ودولاب ومــــراية
حتى النوركان لمبة شـــريحة
ــــــــــــــــــــــــــــــــــــــــــــــــــ
وأجمل حـــــــــاجة إن الأوضة
ملحق مســـجد جنب الميضة
يوم مايأذن أكــــــــون متوضى
وأصلى الوقت فريضـــة فريضة
ــــــــــــــــــــــــــــــــــــــــــــــــ
لكن عمى خليـل ما قعدشى
قلّى أنا بايت بــكرة وهمشى
قلت ياعـــم خليل قدباااااااااى
خلينى أغفل وينـــــام رمشى
ــــــــــــــــــــــــــــــــــــــــــــــــ
ورحت الصــــــــبح طالع بدرى
بعد فطورى وصـــــــلاة فجرى
رحت اتمشى وسـط الخضرة
كتر الفرحة خـــــــلانى أجرى
ـــــــــــــــــــــــــــــــــــــــــــــــ
آه ياســـــــــلام ع/الجو ياناس
آه ع/الـــــروعة وع/الإحساس
النســـــــمة بتاجى ترد الروح
مهما سكــــــرت بأجمل كاس
ــــــــــــــــــــــــــــــــــــــــــــــــ
وآه ياجمـــاله يابوى يا جماله
لما بيجــــــرى يابوى ياجماله
ألقى عنيـــــة خلاص بتزغلل
وأزعق والله أقـــــول يا جماله
ـــــــــــــــــــــــــــــــــــــــــــــــ
قصدى ياناس على نهر النيل
احكوا عنه جيل ورى جيــــل
قولوا ياولادنا حافظوا علـــــيه
واللى يخونه يبقى عمــــــيل
ـــــــــــــــــــــــــــــــــــــــــــــــ
نهر النيل حوالينا بيـــــــجرى
تبص شمالك أو من قبـــــلى
تلقى النيل حواليها محــــوط
إيه راح يوصف بس أنا شعرى
ـــــــــــــــــــــــــــــــــــــــــــــــ
على شط النيل معمولة حدايق
تقعد فيهــــــــــــــــا وبالك رايق
اســـــــــرح يالاّ وانسى حمولك
ولا تتعكـــــــــــــــــن ولا تتضايق
ــــــــــــــــــــــــــــــــــــــــــــــــــ
تلقى مراكــــــب فيها شراعى
شاقة النيل وبســـرب جماعى
تتمايل فى النيــــــــــل تتغازل
نستنى همومى وأوجــــــاعى
ــــــــــــــــــــــــــــــــــــــــــــــــــ
ورحنا طلعنا الرحلة يا خــــــــــال
فى قلب الصحرا وسط جبـــــــــال
شعاع الشمس فى وسط الرملة
زغلل عينى بأحـــــــــــــلى جمال
ــــــــــــــــــــــــــــــــــــــــــــــــــ ــ
ولمّ المعبد رحــــــــــــــــت كمان
شفت تاريخــــــــــــــنا مع الأزمان
بيقول إن بلادنا دى حــــــــــــــــرة
عراقة أصالة وبرضــــــــــــــه أمان
ــــــــــــــــــــــــــــــــــــــــــــــــــ ـــ
المعبد تلقاه منــــــــــــــــــــحوت
لتاريخ شاهد مش هيـــــــــموت
هى بلاد العــــــــــــــــــــزة بلادنا
وشفت كمان الضوء والصــــــــوت
ــــــــــــــــــــــــــــــــــــــــــــــــــ ـــ
المعــــــــــــــــــبد طالل ع/النيل
حاجة خرافة وشــــــــكل جميل
كل العالم جـــــــــــــــاى يتفرج
وأدى تاريخنا خيـــــــــــــــر دليل
ــــــــــــــــــــــــــــــــــــــــــــــــــ ـــ
وأحلى عزومة وأحلى ضيــــــافة
الكلمة الحلوة وعشرة لطافـــــة
طيبة الأصل جوا عـــــــــــروقهم
تلقى الطيبة فى العين متشافة
ــــــــــــــــــــــــــــــــــــــــــــــــــ ــ
وحلفوا علىّ جَََبَنَة(1) أشــــــرب بفتح الجيم والباء والنون
يالا حبيبى تعالى وقـــــــــــــرب
والله ما عارف إيـــــــــــــة الجبنة
قالو القهوة العربى تشـــــــــرب
ــــــــــــــــــــــــــــــــــــــــــــــــــ ـ
قلت الجبنة يعنى القــــــــــهوة
ردوا على وقالــــــــــــــــــو أيوة
وزقونى الفنجان مظـــــــــــبوط
حاجة لذيذة وكمان حــــــــــلوة
ــــــــــــــــــــــــــــــــــــــــــــــــــ
تسلم إيــــــــــــدكم والله ياعم
يا أهل الطيـــــــــبة أدبكم جم
قالوا مرحــــــــــب مرحب بيك
إحنا سعدنا ياغــــالى وتسلم
ــــــــــــــــــــــــــــــــــــــــــــــــ
وبعد ما خــــــلصت كل أيامى
رحت مجهز علـــى طول حالى
والله يا أمى مشــــــتاق ليكى
ركبت القطر وجيت طــــــوالى
ــــــــــــــــــــــــــــــــــــــــــــــــ
واقفة أمــــــــــــــى قدام بيتنا
جيت ياولــــــدى والله واحشنا
والله الوحشة ليكــــى يا أمى
يا غالية يا أمـــــى يازهرة بيتنا
ــــــــــــــــــــــــــــــــــــــــــــــــ
حجازى فارس المصرى

هذه الرحلة أذكركم أنها كانت حقيقة وليس من وحى الخيال وهى كانت إلى المدينة الجميلة أبى سمبل....وحاولت قدر الإمكان أن أنقل لكم الصورة على قدر حروفى المتواضعة....ولم أذكرالبيتش باجي لأنى لم أتعرض له فى رحلتى هذة فاقبلوا عذرى....خالص تحياتى

[صمتى كلام]

رحله جميله ياحجازى
اتمنى مثلها نحتاج ايضا تشجيع السياحه
نملك الكثر من الاثار وقليل من السياح
ولدنيا مدن جميله وخلابه

[نغم الشام بعد المغيب..]

	والله هي مو رحلة سفاري وبس ..هي ملحمة جلجامش ..! بس عنجد حلوة كتير واستمتعنا فيها وحسيت حالي سافرت وأنا بمكاني ..!! وهاد ان دل ع شيئ بدل على براعتك ودقة تصويرك وخيالك حتى لوكانت حقيقة . رائع .. رائع جداً أخ حجازي تسلم دياتك ويعطيك العافية مع فائق احترامي وتقيمي ..

..

[ويبقى الأثر]

رائع واكثر حجازى
عشناها معاك الاول اجزاء
وهنا كانت مجمعه
وصفت الرحله ببراعه
شوقتنا نزور اسوان الجميله
موفق دايما يارب

[جبل عالي]

رائع وأكثر ياحجازي

وشهادتي فيك مجروحة

صاحب قلم وموهبة قيمة جدا ماشاء الله

قلمك له نبرة صدق تصل لكل من قرأ

تحيتي وتقديري لك ولمداد قلمك

[حجازى فارس المصرى]

اقتباس المشاركة الأصلية كتبت بواسطة صمتى كلام رحله جميله ياحجازى اتمنى مثلها نحتاج ايضا تشجيع السياحه نملك الكثر من الاثار وقليل من السياح ولدنيا مدن جميله وخلابه

صمتى كلام أشكر لك حضورك الراقى
أيها الجميل خالص الود والتقدير

[حجازى فارس المصرى]

اقتباس المشاركة الأصلية كتبت بواسطة بعد المغيب.. والله هي مو رحلة سفاري وبس ..هي ملحمة جلجامش ..! بس عنجد حلوة كتير واستمتعنا فيها وحسيت حالي سافرت وأنا بمكاني ..!! وهاد ان دل ع شيئ بدل على براعتك ودقة تصويرك وخيالك حتى لوكانت حقيقة . رائع .. رائع جداً أخ حجازي تسلم دياتك ويعطيك العافية مع فائق احترامي وتقيمي .. ..

بعد المغيب صاحبة الحضور الراقى والمميز سعدنا بتواجدك كثيرا
فلا تحرمينا من إطلالتك الراقية دمتى بخير

[حجازى فارس المصرى]

اقتباس المشاركة الأصلية كتبت بواسطة قيثارة الصمت رائع واكثر حجازى عشناها معاك الاول اجزاء وهنا كانت مجمعه وصفت الرحله ببراعه شوقتنا نزور اسوان الجميله موفق دايما يارب

الأروع فى تواجدك قيثارة
طالما إشتقتى لزيارة أسوان
يبقى زى الفل بس أنا مش هسيبك تروحى
أسوان إلا إذا عديتى على قنا وشرفتيا ونورتينا
ولا إحنا مالناش نصيب
ههههههههههههههههه
خالص التحية لكى

[حجازى فارس المصرى]

اقتباس المشاركة الأصلية كتبت بواسطة جبل عالى رائع وأكثر ياحجازي وشهادتي فيك مجروحة صاحب قلم وموهبة قيمة جدا ماشاء الله قلمك له نبرة صدق تصل لكل من قرأ تحيتي وتقديري لك ولمداد قلمك

يا جبل أنا يكفينى مجرد مرورك وإن لم تشهدى لى
فوجودك يسعدنا أيتها الغالية فائق ودى واحترامى