جابولنا إكتئاب

[دمعه حائره]

جابولنا إكتئاب خلاص كنا قولنا هاتحلى حياتنا وننسي أيام الشقى والعذاب وقومنا بثورة فـ طلعت مؤامرة وأحلامنا كانت خيال وسراب وصبحت عيشتنا كئيبة وغريبة مابين هى ثورة لأ...ده إنقلاب وجوا المدارس وفـ الجامعات لافيهم حد دارس ولافاتح كتاب إهانة وشتيمة وتكسير عزيمة ياتسكت وترضي ياعيشتك هباب تموت جوا ملعب ولامزلقان حياتك رخيصة وزى التراب وإيه ذنب جندى بيحمى بلادة يخسر حياتة فى عز الشباب بالذمة دى عيشة مصر العزيزة تبقى بلاد الدمار والخراب كفاية أرحمونا هاتموتونا كرهنا حياتنا وجالنا إكتئاب صرخة مواطن دمعه حائره 21-11-2013

[Lost Pearl]

هو في ناس جالها اكتئاب و ناس جالها مناعة او بمعني اصح تناحة

ربنا يصلح حالنا ،، مش عارفة اقول ربنا يكون فـ عون مين و لا مين بالظبط

كلمات جميلة اوي

تسلم ايديكي ،، تقييمي

[فتحى عيسى]

ياريت كان إكتئاب وبس ده فقدان ثقة وخوف من قادم لعين
وحكام ايديهم في الطين مرتعشة جبانة عواجيز عايزين عكاز
والبلد مش مستحملة
الرائعة المدهشة دمعه حائرة
ترجمة لواقع فعلا مسيطر علي النفوس
قلم يكتب بإحساس وبلغة ندية صابحة
سلم القلم والبنان
مودتي وإحترامي

[أحمد الجمل]

الله الله الله
أيه الجمال ده كله !!!!
ما شاء الله لا قوة إلا بالله
قصيدة أكثر من رائعة والله
وأتمنى تثبيتها لروعة مضمونها ونبل ما ورد فيها
سلمتِ وسلمت أناملك الذهبية أختي الفاضلة
وأرجو أن لا تكفي عن الكتابة ، فأنت شاعرة بالفطرة موهوبة
تحيتي ومودتي
ودمت في أمان الله

[Lamees]

سلم النبض والفكر دمعة
والله عبرتي عن حالتنا كلنا
فعلاً جالنا أكتئاب من اللي بيحصل
ولفين رايحين والله ما نعرف

تقييمي + ***** نجوم

[جبل عالي]

ايوة والله صح الكلام وصح قولك

زادت الحيرة وزاد الإكتئاب

تسلمي لروعة الطرح ولقوة الوصف

تحيتي لقلمك الراقي

[™Amiliya]

كفاية أرحمونا

تسلمي منة ع الكلمات الصارخة

دام قلمك

[مِسكُ الشَهادة]

كلمات ثمينة وقوية تهدف للخير والصلاح
لهذا الوطن الغالي الذي عاش فينا جميعا ً
كل شكري وتقديري لقلمك الرائع
أختي الغالية منة ...
تحياتي

[ويبقى الأثر]

رائعه دمعه
صرخه فى وجه الظلم بحروف عاميه جميله
أبدعت غاليتى
تقيم وتثبت لروعتها
تقديرى

[פﭠة ﺳگـړُھَہّ]

كلماتك فى الصميم دمعه
للأسف مضحوك علينا
فى اللى فات وبيتسرق منا اللى جاى
تحياتى لقلمك الرائع