افترقنا ..قصيده عمرى ..حصرى

[صمتى كلام]

فى عمر الانسان محطه يتوقف عندها كثيرا
وتلك القصيده محطة حياتى
كل ما فيها حقيقى بالحرف
تابعوها جيدا انها تهمنى جدا
...........

افترقنا
وفرقنا كان مختلف
حاولت ارجعلك كتير بس معرفتش
الوقت كان مختلف
حاولت العب دور البطل
بس القدر كان محترف
وانا اللى مافهمتش
.............
حاطط مابينا حدود لاهتقدرى تعديها
ولا انا كمان هقدر
فماتحرقيش قلبى بكلمة
انته اللى جتنى متأخر
الحكايه كلها لعبه قدر مش أكتر
..............
قلبى انا اللى اتجرح
وكل الالم فيا
حبى ليكى طرح فستان فرح
بس مش ليا
............
كتب الكتاب اهو بدأ
حلمى أتسرق
قلبى اتحرق
مع كل أمضه من أديكى على الورق
قلبى أتعصر
مع كل بصمه بصمتيها
دوستى بيها على قلبى
لحد ما أتكسر
حسيت انك بتنسينى
حسيت كل أيامى وسنينى
راحت هدر
كلمت نفسى كتير
حاولت انساكى
لقيت نفسى بتعصينى
أيدى تقولى ازى انسى
أديها ولمستها
ولون عينيها وأحمر شفايفها
ومشيتها
ومليون ألف ذكرى ساكنه
فى شرايينى
........
ليه ترمى عليا اللوم
وليه تعاتبينى
عايزانى ليه ما ازعلش
بعد ما سبتينى
كلها كام يوم وأشتاق لصوتك
وصوتك يجافينى
وأشتاق لحضنك مع ان عمرك
ما حضنتينى
واشتاق لزعلك
واشتاق لهمسك
وأشتاق لكلمة وحشتنى
منك وانا لسه شايفك
واشتاق انى اسمع بس اسمى
من بين شفايفك
..........
صبحت لغيرى ياطيرى
وغيرى ما هيسبكيش
مين اللى ممكن يسيبك
ويقدر يعيش
هواكى شربته من صغرى
ومشيت معاكى الطريق دغرى
بس انتى مافهمتيش
ان الحكايه كلها لعبة قدر
واحنا بشر
وده نصيبى فى هواكى
وانا لو كان قلبى
حتة حجر
برده مش هقدر انساكى

...

[ويبقى الأثر]

ومين فينا يقدر يقف فى
وش القدر

مش كل اللى بنحبه لينا
فى دنيا البشر

فى حب بنعطيه نبضنا
مع انه خطر

وحب مش واخدين بالنا منه
مع انه لينا منتظر

وكله فى الاخر ياصمت
لعبة قدر

الله عليك وعلى قلمك
ابدعت بجد
نجومى وتقييمى اخى

[أحمد الجمل]

إييييه يا صديقي
سامحك الله
فقد أهلكتني بهذه الرائعة المتقنة الصنع
وأجدت تصوير مشاهدها ببراعة حتى عشتُ كل تفاصيلها معك لحظة بلحظة
فأوجعتني أحاسيسك الموجوعة وآلمني نبضات قلبك المجروحة
وكأنها مرثية تستحق عليها كل عزاء
تحيتي لك أخي الفاضل
وكل احترامي وتقديري
ودمت في حفظ الله

[صمتى كلام]

اقتباس المشاركة الأصلية كتبت بواسطة قيثارة الصمت ومين فينا يقدر يقف فى وش القدر مش كل اللى بنحبه لينا فى دنيا البشر فى حب بنعطيه نبضنا مع انه خطر وحب مش واخدين بالنا منه مع انه لينا منتظر وكله فى الاخر ياصمت لعبة قدر الله عليك وعلى قلمك ابدعت بجد نجومى وتقييمى اخى

..........قيثارة الصمت كنت
اظن انى اعزف اللحن وحدى
فأذا بكى تعزفنى معى ذالك اللحن الحزين
يسعدنى وجودك كثيرا لا تغيبى

[صمتى كلام]

اقتباس المشاركة الأصلية كتبت بواسطة أحمـــ الجمل ـــد إييييه يا صديقي سامحك الله فقد أهلكتني بهذه الرائعة المتقنة الصنع وأجدت تصوير مشاهدها ببراعة حتى عشتُ كل تفاصيلها معك لحظة بلحظة فأوجعتني أحاسيسك الموجوعة وآلمني نبضات قلبك المجروحة وكأنها مرثية تستحق عليها كل عزاء تحيتي لك أخي الفاضل وكل احترامي وتقديري ودمت في حفظ الله

..............
استاذ احمد
يشرفنى مرورك ويدعمنى
ويجعلنى اريد ان اكتب اكتر لاتحرمنى
مرورك العطر

[احساسى صحيح]

فعلا كل حرف كتبتة
ملمسة واحساسة الصدق
حقا استمتعت بما اجاد بة قلمك واحساسك
وان شاء الله القادم اجمل واسعد
تقبل تحياتى

[دمعه حائره]

الفراق نصيب وقدر ومافيش حد بيهرب من نصيبه
كلمات حزينه ومعبره تسلم ويدوم تواجدك المميز

[صمتى كلام]

اقتباس المشاركة الأصلية كتبت بواسطة احساسى صحيح فعلا كل حرف كتبتة ملمسة واحساسة الصدق حقا استمتعت بما اجاد بة قلمك واحساسك وان شاء الله القادم اجمل واسعد تقبل تحياتى

.
شكرا اخى تواجد العطر
دام تواجدك فى صفحتى

[صمتى كلام]

اقتباس المشاركة الأصلية كتبت بواسطة دمعه حائره الفراق نصيب وقدر ومافيش حد بيهرب من نصيبه كلمات حزينه ومعبره تسلم ويدوم تواجدك المميز

..............
سيدتى دمعه حائره
يشرفنى وجودك حروفك تشع بالنور
نورتى

[Lamees]

ومين قال اني كمان هنساك
والقدر لعبها معايا زي ما لعبها معاك
في بعدك هتوحشني وهعيش على ذكراك
واحلم بصورتك وبقلبك تشوفني زي منا شيفاك

رائعة واكثر اخي بكل معنى للكلمة
رغم ما تحمله كلماتك من اوجاع
لقد عانينا معك ما عانيت
مع روعة تصويرك
وتشبيهاتك
تحيتي
روني ..~