معارضة لقصيدة المبدعة الرائعة قيثارة الصمت ( ما بين العدس والممبار )

[أحمد الجمل]

مالُه الْعدْس أو الْمُمبار
ولَمُون مِتْخَلِّلْ وخْيار

ياوْلِيّه ارْحَمِي رُوحِك وانْسي
سِيرْةِ اللّحْمَه ولَوْ بِهْزار

أحلِف بسماها وبترابها
أهرب م البيت ليل ونهار

وأسيبِكْ للْمِشْ ابُو دُودُهْ
ياكْلِكْ أوْ تاكْلِيه يا قِيثار

واوْعِي يِجِيلْنا ضْيُوفْ مِنْ أَهْلِكْ
راحْ اكَشَّرْ على طُول وانْهار

واضرب بوز مترين وتلاته
واعمل إني عبيط وحمار

أَطْفِي النّور ولا يعرفوا ياكْلوا
والْجَوّ يْوَلَّعْ هِنا نار

واقفل مَحْبس حتّى المَيَّه
واقْطَعْها عن كلّ الدار

وبْكِده أَضْمَنْ إنّْ هَيِمْشُوا
علشان البِيبِّيهْ غَدَّار

هُوّا انا ناقِصْ أَهْلِكْ ياخْتي
ييجُو وياكْلولْنا الممبار

ما كْفَايَهْ بتاكْلي كام طَقَّهْ
في الْيُوم وانا اقُولْ يا ستَّار

هَتَاكُلْنا وكمان بِتْحَلِّي
بَعْد الأكْل بْ شاي وفْشار

هَتْقُولِي وأَهْلَكْ راح اقُولِّكْ
لأْ أَهْلِي زَيِّي شُطَّار

★★★★★★★★

بقلمي
أحمـــ الجمل ـــد

[Lamees]

ايه حكاية الممبار معاكم
يا سلام على المواهب
والبخل بان اهو بسبب الممبار ^ــــ^

جميل اوي الحلمنتيشي ده
وحكاية البخل الخنيق اوي ده
كنت هنا
روني ..~

[ويبقى الأثر]

هههههههههههههههههههههه
لا بجد تحفه
ماشاء الله عليك استاذ احمد
قصيده حلمنتشيه ميه ميه
وطلعت قيثاره هيا المفتريه

بجد روووووووعه
وشرف كبير ان حضرتك تكتب معارضه لحرفى المتواضع
تسلم ايدك ويدوم ابداعك الجميل
تقديرى ونجومى

[همسه دموع]

هههههههههههههههههههههههههههههههههه

هههههههههههههههههههههههه
قيثارة الصمت
تيب دى عسوله
تبقى بخيل معها ياابو الكرم كله
جميله جدا يااحمد
تسلم تحياتى ليك

[دمعه حائره]

هههههه
لاانا لازم اخد دروس تقويه فى الحلمنتيشي
وكمان فى المبمبار من احمد الجمل وقيثار
يسلام عليك والله مبدع

[صمتى كلام]

معارضه جميله يا سيدى
اتحفنا بجميل نثرك
انتظرك فى كل صفحه
سلمت يدك

[أحمد الجمل]

اقتباس المشاركة الأصلية كتبت بواسطة ro♥ony ايه حكاية الممبار معاكم يا سلام على المواهب والبخل بان اهو بسبب الممبار ^ــــ^ جميل اوي الحلمنتيشي ده وحكاية البخل الخنيق اوي ده كنت هنا روني ..~

مليون مبرووووووووك أولا على الإشراف
ثانيا ؛ البركة في روعة قيثارة وجمال قصيدتها
اللي استفزت قلمي جدا وخلتني أكتب القصيدة دي
وانا منتظر رائعتك اللي هنفتح بيها تجربة الدويتو إن شاء الله
ألف شكر روني

[أحمد الجمل]

اقتباس المشاركة الأصلية كتبت بواسطة قيثارة الصمت هههههههههههههههههههههه لا بجد تحفه ماشاء الله عليك استاذ احمد قصيده حلمنتشيه ميه ميه وطلعت قيثاره هيا المفتريه بجد روووووووعه وشرف كبير ان حضرتك تكتب معارضه لحرفى المتواضع تسلم ايدك ويدوم ابداعك الجميل تقديرى ونجومى

اختيار حضرتك للموضوع الأصلي كان عبقري وجديد جدا وهادف
وكان لا بد انه يستفز كل الأقلام إما بالسجال أو بالمعارضة
يعني الفضل كله ليكي انتي
وبجد روحكم الحلوة هنا حببتني أكتر في العامية وبقيت متابع دائم للقسم
ربنا يجعل كل أيامكم فرح وسعادة
وأشكرك على رقتك وذوقك وكرم أخلاقك

[أحمد الجمل]

اقتباس المشاركة الأصلية كتبت بواسطة عاشقه للاحلام هههههههههههههههههههههههههههههههههه هههههههههههههههههههههههه قيثارة الصمت تيب دى عسوله تبقى بخيل معها ياابو الكرم كله جميله جدا يااحمد تسلم تحياتى ليك

هههههههههههه
بخيل ؟؟؟!!!
كل ده وبخيل ؟؟
عدس وممبار ومِشْ وشاي وفشار
وكل ده بخيل ؟؟
حرام عليكي ؛ دا تبذير
ههههههههه
لكن يالله مش مشكلة
الواحد مش عارف يعمل أيه في كرمه الزيادة أوي ده ^_^
أشكرك أختي الفاضلة على هذه المشاركة الرائعة
تحيتي وتقديري

[أحمد الجمل]

اقتباس المشاركة الأصلية كتبت بواسطة دمعه حائره هههههه لاانا لازم اخد دروس تقويه فى الحلمنتيشي وكمان فى المبمبار من احمد الجمل وقيثار يسلام عليك والله مبدع

ربنا يبارك في عمرك ويحفظك من كل سوء
شهادة أعتز بها جدا من مبدعة رائعة أنا أول المعجبين بها
ف شكرا من القلب
وتقبلي كل تقديري واحترامي
وخالص مودتي