اه يابلد

[جـــــراح المشــاعر]

انا هاكتب بقالي كتير بقول هاكتب وماكتبتش بقول اشعار تقول الحب ومعجبتش ولا تلومو كلام شاعر بعيد سافر ولكني مسافرتش غريب حاضر بكل مكان ويخسارة محضرتش حقوق بلدي انا اعرفها انا اسف ومنفعتش اه يابلد ياللي خيرك علي ولادك ما بيصرش ووجع البعاد لاحبابك بيوجعنا وما بيضرش اه يابلد ياللي الحقوق فيكي بس كليه واياك نلاقي ف الوتر لحن بس لاغنية اه يابلد ياللي الهرم فيكي بقي سعلة للايجار حتي العقول راحت ورجعنا تاني خضار اه يابلد ياللي الكلام فيكي بقي سعلة موزونة والفكر فيكي خلاص بقي حالة مجنونة اه يابلد ياللي الرئيس فيكي شغال ميسكتش بيبص علي ساعته نعسان مغفلش اه يابلد ياللي حكمك بقي قاسي علي ولادك والدم يروي الارض مين حس بعنادك اه يابلد ياللي البياض فيكي احمر بلون الدم وياللي الجمال فيكي مليان بوجع الهم اه يابلد ياللي الحكم فيكي اصغر من الكلمة ياللي الكبير فيكي ميجوزش لية كلمه اه يابلد ياللي الشعار فيكي اخدو ناصرنا وراح حتي الشرف فيكي مقبلش يبقي سلاح اه يابلد ياللي الزمن منك اتعلم القسوة حتي العيال فيكي بالشدة والكسرة اه يابلد ياللي الحجاب منك بقي بس سلعه ووقت لما المراد بيتم بتظهرلنا النسوة اه يابلد كل الكلام اتقال ولاعدش عندي كلام حتي االبعاد قوال والباقي بس ملام اشكي لمين حالي والضحكة منسية حتي الهموم بتذيد بين ليلة وعشية

[دمعه حائره]

فعلا مابقاش فيه كلام يتقال دى الهموم بقت تهد جبال
تسلم ايمن رائعه كلمات وعودة قويه انارت الابداعات

[همسه دموع]

تسلم على كلماتك واحساسك
فعلا مهما قولنا مش هنوفيها
حتى الحقوق معدتش كليه

تسلم تحياتى

[Lamees]

كلمات روعة
واحساس فاق الخيال
مبدع انت لا جدال
ودي..~

[صمتى كلام]

اخى والله ساعة ما بسمع اى حاجه عن البلد

لسانى بيتعقد

مش عارف اقول ايه اخطلت الحق بالباطل

ومحدش فاهم حاجه

على كل حال

تسلم ايدك

[فتحى عيسى]

أخي الرائع جراح المشاعر
أحييك علي هذا النص الرائع
وهذا التجلي الوارف بالجمال
كتبت فوصفت فأبدعت
سلمت والنبض
مودتي وإحترامي

[☆منة الله☆]

حروف رغم مرارة الالم والحزن
على بلد بتضيع الا انها راقيه
سلمت وسلم مدادك استاذ جراح المشاعر
لروحك كل سعاده