تابع مسابقة صورة x رباعية 4

[بحر النسيان]

طبعا بعد عذاب الكام يوم الى فاتوا والواحد لغايط دلوقتى مش قادر يشم نفسه من مشوار اسيوط كان صعب بالنسبه ليه وخاصة انى اطلع من القاهره 12 ونصف الظهر اوصل اسيوط الساعه 7 بالليل كانت رحلة عذاب بس بجد اتبسط من جمال البلد وخفة دم اهلها ضحكت ضحك كتير قوى وشوفت حجات عمرى ماكنت اتخيلها يعنى مثلا تلاقى الارض كلها صحراء وفى وسط الرمال حاجه خضراء الله على جمال الزراعه وتبص حوليك وتلاقى كله رمال سمعت عن اماكن عمرى ماكنت اتصور اسمع عنها سمعت عن منفلوط ودى كانت البلد الى كان فيها اهل العريس ورحت اسيوط وفيها نزلت فى موقف الازهر وركبت من هناك للاربعين حضرت فرح فى قاعة الف ليله وليله ووصلنا العريس لشارع الجمهوريه باسيوط عرفت ان الشعراء بيتولدوا فى الصعيد ليه اكيد من جمال ما رات عينيى اتفرجت على جمال اسيوط وعرفت انها اجمل محافظات الصعيد بجد كانت رحله سعيده جدا بس كانت متعبه اوى من السفر اسيوط اجمل بلاد الصعيد سمعت عنها كتير من اهلها وان شاء الله وعد منى ان ازورك يااسيوط واقعد فيها اكتر وقت ممكن تانى يلا بقه ندخل على موضوعنا انا نسيت واخذنى الحديث عن اسيوط وجمالها ونسيت موضوعى الى وهو صورة x رباعية 4 واكيد جبل وقيثاره مستنين النهارده الاتنين وبحر مش منزل ليه ياترى ؟؟؟ انا عارف ان قدرهم اكون شاعر مبتدا نفسى اقوى افتح الرسائل وبص القى كاتبين ليه انت مش بتعرف تكتب داخل هنا ليه يابنى ارحمنا شويه من شعرك ده بس بيقولوا استمر استمر والقادم احلى وانا بحس ان القادم اوحش واوحش ههههههههههههههه نخش على الموضوع بقه ((((((((((((((1)))))))))))))))))))) شوفت مظلوم بيطلب الرحمه بيطلب حق من حقوقه مسلوب بيطلب والكل غافل عنه غيره خاد حقه وسابه مغلوب (((((((((((((((((((((((((((((((2)))))))))))))))))) )))))))))))))))))) ايد لوحدها مستحيل تنقذ بلادى اكيد يابلادى طول مااحنا ماتفرقين عمرك ماهترجعى تشد حيلك من تانى لازم نجتمع ونلم شملنا ونكون متجمعين (((((((((((((((((((((((((3)))))))))))))))))))))))) )))))) امى دايما فى حضنك الحنان كله وفى بعدك بقاسى كتير فى قربك اشم رائحة الجنه ولو تاخرت عنكى اشتاق لحضنك كتير ((((((((((((((((((((((((((((4))))))))))))))))))))) )))))))))) حبيبتى انكتب عليه السفر والفراق من اجلكى فى كل لحظه وفى كل دقيقه اراكى فى وحدتى انتى عروستى فى احلامى وفى سفرى انتى نور عيونى واشتياقى فى عودتى ((((((((((((((((((((((((5))))))))))))))))))))))))) )))))))))))))) كاد اليأس ان يقتلنى كدت انتهى كأصغر حشرة فى الكون كاد الامل ان يهجرنى وتنتهى امالى واسقط تحت يد الهون

[Stop Ana Eltop]

ايه دا ايه دا ايه دا

انا خايفه تاخد المركز الاول المرادى

ماشاء الله بتتطور من حلقه لحلقه

دام التمييز

[Lamees]

اقتباس المشاركة الأصلية كتبت بواسطة بحر النسيان وتنتهى امالى واسقط تحت يد الهون

متهيقلي كده انك دخلت المطبخ بأمارة يد الهون

اه منك عرفت السر ودخلت مسكت يد الهون

وكتبت الشعر وابدعت بئااا

مفيش ميرسي بئااا

على الوصفة الحلوة بتاعتي

بجد جميل اوي يا بحر المشاركات

تسلم الأيااااادي

[صمتى كلام]

اخى بحر النسيان حمدا لله على سلامة وصولك
رباعيات جميله اتمنى لك وللجميع
التوفيق

[ويبقى الأثر]

لالالالالا احنا اتقدمنا عن الاول طبعا
لو استمريت هتكتب عامى جميل جدا
جميل جدا تعبيرك بحر
وحمدالله على السلامه
اسيوط نورت بيك طبعا
ماشاء الله حفظت اسماء شوارعها اهو يارب تكون قضيت وقت جميل فى بلدى
معلش الرحله طويله علشان اول مره
رايك وشهادتك فى بلدى اسعدنى جدا
ويارب تتكرر بقا زى مابتقول
احنا نطول تشرف بلدنا بزيارتك اكيد

[بحر النسيان]

اقتباس المشاركة الأصلية كتبت بواسطة stop ana eltop ايه دا ايه دا ايه دا انا خايفه تاخد المركز الاول المرادى ماشاء الله بتتطور من حلقه لحلقه دام التمييز

لا لا المركز الاول صعب يابنتى

قول المركز ال 9 ولا العاشر

ايه ده بقه

ده حسد ولا ايه بالضبط

[بحر النسيان]

اقتباس المشاركة الأصلية كتبت بواسطة ro♥ony متهيقلي كده انك دخلت المطبخ بأمارة يد الهون اه منك عرفت السر ودخلت مسكت يد الهون وكتبت الشعر وابدعت بئااا مفيش ميرسي بئااا على الوصفة الحلوة بتاعتي بجد جميل اوي يا بحر المشاركات تسلم الأيااااادي

ميرسى على وصفة الكبده المحروقه

بجد شم رائحة الكبده عمل مفعول جامد

ومشوار اسيوط ده بقه

الله عليه

يسيح الدماغ ويجيب الاشعار

ممكن كمان زياره وتبصى تلاقينى ممكن اكون امير الشعراء فى 29999

هههههههههههههههههه

مرورك اسعدنى روووونى

تحياتى ليكى ولوصفاتك

[Stop Ana Eltop]

اقتباس المشاركة الأصلية كتبت بواسطة بحر النسيان لا لا المركز الاول صعب يابنتى قول المركز ال 9 ولا العاشر ايه ده بقه ده حسد ولا ايه بالضبط

اعتبره حسد مثلم هههههههههههههههه

لاء يابنى انت كنت المره الى فاتت التالت وان شاء الله المرادى التالت بردك هههههههه

بس يجى منك وهتبقى احسن ان شاء الله

[بحر النسيان]

اقتباس المشاركة الأصلية كتبت بواسطة صمتى كلام اخى بحر النسيان حمدا لله على سلامة وصولك رباعيات جميله اتمنى لك وللجميع التوفيق

الله يسلمك اخى

واتمنى ليك ايضا التوفيق

تحياتى وتقديرى على مرورك الجميل

بجد اسعدنى مرورك اخى

[بحر النسيان]

اقتباس المشاركة الأصلية كتبت بواسطة قيثارة الصمت لالالالالا احنا اتقدمنا عن الاول طبعا لو استمريت هتكتب عامى جميل جدا جميل جدا تعبيرك بحر وحمدالله على السلامه اسيوط نورت بيك طبعا ماشاء الله حفظت اسماء شوارعها اهو يارب تكون قضيت وقت جميل فى بلدى معلش الرحله طويله علشان اول مره رايك وشهادتك فى بلدى اسعدنى جدا ويارب تتكرر بقا زى مابتقول احنا نطول تشرف بلدنا بزيارتك اكيد

افهم من كده اننا بنتقدم ولا بنتاخر

يعنى استمر ولا بطل

مش عارف انا بقول بطل احسن من الهبل الى بتكتبه ده

اسيوط منوره بيكم وبااهلها

هو انا حفظت فيها كتير اوى

ده انا كنت اما امشى على بلد كنت لازم اسال عنها

وطبعا الذاكره عمرها ماهتنسى جمال اسيوط وحلاوتها

يابنتى والله بجد نفسى ازورها واتمتع بشوارعها

بلاد السحر والجمال

والله مش عشانك بس هى بلد جميله

وبناسها الطيبين

تحياتى وتقديرى لمرورك