هموت انا وتحيا بلادي

[فرانكو.هدوء ملك]

كان مبارك لشعبه حاكم..
ظلمه سائد كل الاماكن..
ثوره قامت
والدنيا هآجت
وشبابنا ثارت
خلع مبارك دخل السجون
حكم شوية جيشنا المصون
اعلان دستوري م مطول
وشعب حالف ليكمل
انتخابات شعب وشوري
خريج حضانه وسنه اولي
وسياسه بآهته ومشلوله
ودم سأل فوق الرصيف
نزل يطالب بالرغيف
صرخ الميدان وبأعلي صوته
وشباب ي عيني نازل لموته
رافض يعيش ومعاه سكوته
مات البطل..وممأتش صوته
وركبو ع الثوره الاخوان
قالو احنا معانا قرأن
أدونا فرصه وشوفو كمان...
أخدو كراسي البرلمان
رئيس وشعب وشوري
وموأزنه جاهزه ومحصوره
وكل مكان بقي فيه اخوان
وكل طريق فيه مية هجان
والاعلام صوته بالمجان
ضد الثوره
وضد الحكم
ضد نظام كامل بهتان
وكل واحد رافع شعار
دوله وليها مليون سمسار
وتمرد كارو من غير....:
والعسكر واقف يتفرج
مستني الضربه اللي تعرج
مستني التفويض ي جماعه
شيلو مرسي وحطو بتاعه
مصر هتولع بالولاعه
اعلام فاسد كله ضلال
امن وشرطه رجعو اشرار
وكل جبهه وليها قرار
‏..
ثوره كانت او انقلاب
خطوه وعدت بلاش عتاب
سلميه ف ارض المعموره
سلميه ف رآبعه وبالصوره
هآتو تخته وهآتو سبوره
‏..سجل ي كتاب الاموات
شوف كام من بطنها مات
سجل وسمة عار للعسكر
سجل يا كتاب التاريخ
الحقيقه مش البطيخ
سحل وضرب ونار اعصار
سجل وبلأها الاعذار
وبلاش هوية ال مآتو
اكتبلي علي قبره الشهيد
مهو مصري اصلا للنخاع
دون وسجل ب اقتناع
اكتب عن حرق المساجد
اكتب عن دم ال ساجد
جيش وشعب غلي الارهاب
ومعامله أوسخ م....:
فعلا ارهاب
والله ارهاب
تقتل شاب مسلم مسالم
رأفع اديه وتقتل ي ظالم
أديه ي حاكم مرفوعين
وأبتسامته ع الجبين
وفصدره تحفرله رصاصه
قتلته علشان ارهابي
ورصاصته وصلت لفؤادي
هموت انا وتحيا بلادي

[جبل عالي]

قصة شعب صبح تايه مبقاش عارف يمينه من شماله

والحكاية بقت على ده وده ... والكل بيشك في خياله

الحقيقة صبحت مغيبة والغرب بيشمت ويفرح بأفعاله

خايفين لبكره يموت ونفضل أتباع للشيطان وعياله




الله المستعان أخي

كلمات تصرخ بكل أصوات الألم والتوهة

لا دول بيشفوا لنا ألم ولا دول بيبطلوا دبح فينا

[فرانكو.هدوء ملك]

والله ي اختي مبئناش عارفين مين الي صح
وفالاخر مصر ام الي قتل وام الي مات مقتول
وربنا يصلح حالنا وحال البلد يا رب
شكرا لمروك الطيب المعطر

[ساحر الأحزان]

كلنا زائلون

والوطن حيظل باقى

مهما حدث

كلمات جميلة منك

دمت بخير

[ويبقى الأثر]

العقل تاه ومبقاش يفكر
معارض مؤيد كله بيتشطر
مانعرف الصادق من الكداب
توهه وربك معين ويدبر


ربنا يحفظ مصرنا اولا واخيرا
عاميه راقيه باحساسها الوطنى
دمت اخى ودام نبض القلم

[صمتى كلام]

اخى
عاميه جميله سلسه
توصف حال البلد اللى يحزن
بجد
والله ما انا عارف البلد رايحه فين
ان عايزها تركن على جنب وتنزلنى
عشان تعبت
وهى تكمل مشورها لوحدها
اصل شباب الازهر بقى ارهاب
انا ذهلت لما عرفت ان بنات اسكندريه
فيهم بنت بتدرس هندسه نوويه
الله المستعان
شكرا لك

[فرانكو.هدوء ملك]

اقتباس المشاركة الأصلية كتبت بواسطة ساحر الأحزان كلنا زائلون والوطن حيظل باقى مهما حدث كلمات جميلة منك دمت بخير

نورتني يا باشا

[فرانكو.هدوء ملك]

اقتباس المشاركة الأصلية كتبت بواسطة قيثارة الصمت العقل تاه ومبقاش يفكر معارض مؤيد كله بيتشطر مانعرف الصادق من الكداب توهه وربك معين ويدبر ربنا يحفظ مصرنا اولا واخيرا عاميه راقيه باحساسها الوطنى دمت اخى ودام نبض القلم

قيثاره شكرا لمرورك يا قمر

[فرانكو.هدوء ملك]

اقتباس المشاركة الأصلية كتبت بواسطة صمتى كلام اخى عاميه جميله سلسه توصف حال البلد اللى يحزن بجد والله ما انا عارف البلد رايحه فين ان عايزها تركن على جنب وتنزلنى عشان تعبت وهى تكمل مشورها لوحدها اصل شباب الازهر بقى ارهاب انا ذهلت لما عرفت ان بنات اسكندريه فيهم بنت بتدرس هندسه نوويه الله المستعان شكرا لك

اكتر من تلتين الشعب ارهاب والعيكر اصبحو مدنيين
ولو ارهاب فشرف ان يكون زعيم الارهابيين هو من وقف في 2005 وطألب بالقصاص من النظأم البائد
يكفينا شرف ان زعيم الارهاب لم يستخدم اي مواقف عنف حتي ضد معارضيه
يكفينا فخر ان من ادخلونا كاس العالم للانديه كانو الاتنين ارهاب
يكفينا فخرا .....