أوعى تقول لأ

[دمعه حائره]

أوعى تقول لأ فى بلدنا ياسادة ماتقولش كفاية وأوعى تقول لأ هاتثور تتغابى على أم نافوخك بشاكوش تنـدق لاتقول بشويش ولاألحق ياشاويش حرمت هاطـق كان فين بقى عقلك سايب مصلحتك وتقول الحـق تطلع تتجمهر,,,كرامتك تتبعتر قـــدام الخلـق يضرب فـ شباب ويسجن فـ بنات وتبقى تصدق دستور متفصل وقانون للعُـزل وأوعالك تنطـق هاتعيش مسكين وتقول آسفين كان عندك حـق من غيرك إحنا تايهين فى وطنا وكنا هانغـرق لارغيف لاقين ومافيش بنزين عايشين بالـزق أوعى تقول لأ هاتعيش مستور وتاكل فسـدق خليك بقى هادى مااسمعش أنا صوتك وأدخل فى الشـق دمعه حائره 27-11-2013

[Lost Pearl]

اه و الله يا منة معاكى حق

أسوأ من أي فترة عدت علينا قبل كدة فعلا

و الله أعلم ايه جاي !!

تسلم ايديكي بجد

[واد حبيب]

بلدنا دي عوز 30 سنه علشان يصلح حالها
مفيش حد قادر يحكم البلد ويخليها حلوه
بس هنعمل ايه كل واحد شايف ان رائ بس هوه اللي صح
والتاني كلامه كله غلط
مفيش حد حيصلك حال البلد دي غير واحد بيخاف عليها بجد

[Reem♡A|❀]

رؤؤؤؤؤؤؤؤؤؤعهههَ
بجد تسسسـأإــمى
ويسلمكـَ قلمكَ الجميل َ
دومتىَ مبدعههَ ودأإم عطـأإئك

[فتحى عيسى]

أبقي قابليني لو حد قال لاء من أمتي كانت لاء في قاموسنا
من أمتي كنا احرار عشان نزعل لما الجزم تدوسنا
معملنا ثورتين والتالتة من خوفها مننا من غباوتنا علي راسنا بتبوسنا
وبتقول أعملوا معروف بلاش أنا المرة دية
النوبادي هتهرسنا
الرائعة دمعه حائرة
أحييك وهذا التجلي الوارف بحسه وثورتة قبل مداد قلمك المدهش
وإيقاعك الرائع الملفت
رائعة أنتِ بل أكثر بكثير
مودتي وإحترامي

[مِسكُ الشَهادة]

موضوع جميل وكلمات تلامس قلوب تتألم لحال الوطن ومن فيه
كلمات عبرت عن واقع وعن صرخات خلف الأنين
كلمات كلها إحساس وشعور لا يوصف لجماله
نقف إحترما ً لها ...
خالص تقديري وتحياتي لقلمك النابض
منة دمت ِ بخير...

[ساحر الأحزان]

لو مقلتش الحق

وسكت

ياما حتشوف

مش تسكت على الحق

مع قولة لا

جميلة يا منة

ربنا يصلح الاحوال

[اشرف 2006]

برضه هنقول لاء ومش هنستسلم لان ربنا سبحانه

وتعالى لايرضى بالظلم والحق فى النهايه لابد ان ينتصر


فدوله الظلم ساعه ودوله الحق الى يوم الساعه


وكما يقولون اليأس خيانه .. طول مافيه اما وعزيمه


ربنا هيكرمنا ان شاء الله واى حاجه غلط هنقولها لاء


خاطره رائعه كالعاده


تقبلى تحياتى

[طبيب الهوى]

ما دام بقول الحق


هفضل أصرخ وأقول لاء


لو كسروني ودكوني دَك


قلبي هينبض ويقول لاء


مش ههرب وأستخبىَ بالشَق


مصر أبنك هَج وطَق


ومش هيقول لندائك لاء


هذيان قلمي المجنون


أختي العزيزة مِنه


صرخة قوية من قلم مُتَمَكِن جداً مِن أدواته


جعلنا نصرخ ونقول لاء


للظلم للطغيان للتكفير


لاستخدام الدين والمتاجرة بِه بين البُسطاء


مِن أجل كُرسيٍ زائل لو دام لغيرهم ما أتىَ إليهِم



تقييمي البسيط + ***** 5



تحياتي لقلمك المُبدِع والراقي



أبو عصام

[همسه دموع]

من الاخر الناس كلها تايهه

وان جتى للحق عشن تسمعى حد وتقدرى تقولى مين ظالم ومنين مظلوم

هتطلعى بنتيجه وحده محتومه كلنا مظاليم
الساكت عن الحق شيطان اخرص بس فى الايام دى
السكت عن الحق مظلوم مقهور

سلمتى على كلماتك