الداخليه بلطجيه :)

[نور ونار]

هدخل فى الموضوع على طول
زى ما انتوا شايفين العنوان ده مش سؤال
ولا تعجب ده اتهام واضح وصريح
لما كانوا بيهتفوا الاخوان ويقولوا بلطجيه
كنت بحس بالامتعاض واقول هو ايه
دى اللى ظابطه البلد
بس لما جامعه القاهره وكمان جامعه اسكندريه
يدخلها الداخليه
ويمارس فيها ممارسات عنف
زى ضرب بالخرطوش والميه والقنابل المسيله
للدموع هنا بقآآ نقف انتبآآآآآآآآآآآآآآه يا حضرات
اولا يا داخليه مالكيش تدخلى حرم الكليه !!
اتقالنا ده كان زماااااااان وجبرنا دلوقتى قانونى الداخليه
تدخل فى اى حته
بس ده من اسمه حرم الكليه !!
تدخل تضرب قنابل جوه الكليه اللى هو كدا كدا فى تجمعات
ويروح اللى مالوش فى حاجه مع اللى عامل مشاكل
هى دى حلولك يا داخليه
تموتى فى شبابك
اصل هما السبب هما بيكسروا فى السور وبيولعوا فى الكليه
هما يولعوا وانتوا بتضربوا
والكل يزيط فى الزيطه
والنتيجه ؟؟
موت طلبه من ضمنهم طالب هندسه محمد رمضان
ولا له فى المظاهرات ولا غيره
ذنبه ايه
ذنبه انه راح كليته عشان يتعلم ؟؟
ليه العنف ده
ماهو قالوا قابلينا العنف يولد عنف
ثم تصاريح مظاهرات ايه ؟؟
طول عمرنا بنعمل مظاهرات جوه الكليه
اصل الكليه مش مدرسه
اعمل كدآآ حاضر
الجامعه او الكليه ليست دراسه فقط ولكن كيان بحد ذاته بتتلاقى فيه
كل النشاطات واحفز الاراء عشان اخرج جيل واقف على ارض صلبه
دلوقتى عايزين القمع .. والرضوخ وامشى عدل ؟؟
كل المظاهرات اللى اتعملت مش عشان اى حاجه غير
تفعيل نشاطات الطلاب وكمان حق الناس اللى بيموت
فى المظاهرات من طلاب زمايلهم للدرجادى كمان هتكبتوا صوتنا وارادتنا
ويبقآآ الخرطوش هو الحل .....
يا متعلمين يابتوع المدارس حد يشاركنى فى الموضوع ايه رايكم .........

[Lost Pearl]

اقولك ايه بس

احنا بقينا بلد سابقة فـ كل البلاوي !!

و هم كدة من زمان مش من دلوقتي بس و لا جديد عليهم اللي بيعملوه ده

بصراحة مبقتش لاقية حاجة تتقال ع اللي بيحصل اليومين دول

ربنا ينتقم منهم ،،

تسلمي ع الموضوع القيم ..

[العاشق الذى لم يتب]

انتى طلبت من المتعلمين يردوا
ولكن بصراحة
المتعلمين مش هقول كلهم ولكن كثير منهم يخاف يقول كلمة حق
او بالاصح هيقول وهينافق
ونسى رب العالمين عارف قلبه فيه ايه
وانا عبد فقيرالى الله
ومايهمنيش اكون متعلم ولاجاهل
يهمنى اقول جيش مصر
وداخلية مصر استاحت دم المصريين
وكان قتل النفس التى حرم الله الا بالحق
لديهم هينة ورخيصة
وكل ذنب وكل نفس ارهقت وماتت غدرا
غدا عند الله ستقول بماذا قتلتنى
باى ذنب قتلت
الله اسال ان يهدى قومنا الى طريق الرشاد
شكرا لك نور
مودتى

[اميره الشعر الشجين]

فعلا فيه فقه مش محترمه وبتمارس سلطتها على الشعب ومن ضمنها الداخليه

بس هيعملو ايه الا شباب عايز يتلم ويشوف مصلحتو ويبطل مظاهرات وعملين يكسور داخل الجامعه

طب لما طلاب الجامعه يحترمو الجامعه وحرمتها الاول تبقى الداخليه تحترمها

موضوع حلو نور ونار

[فتحى عيسى]

لو تسمحي لي أنا أتحفظ علي كلمة بلطجية خصوصا ونحن ناس مثقفة نعي كلمتنا وندرك مداها
فما بالك بمن لا يحمل قسط من التعليم سؤال قبل أن أجيب حضرتك ما رأيك فيما حدث في جامعة الأزهر هل يسمي هذا تظاهر سأترك لكِ الإجابة
أستاذة نور نحن في مرحلة محرجة وللغاية والتمسك بمقولات عفي عليها الدهر مثل الشرطة بلطجية وحكم العسكر وننسي دوما كم عانينا الأمرين في فترة 25 يناير عندما تركت الشرطة مواقعها وإتهمناها بكل ما هو مقيت وأتضحت الرؤية وظهر من قتل ونهب وحرق وهرب
والشرطة بريئة من كل هذا
ثانيا ماذا نفعل مع من يحرق ويكسر ويدمر ممتلكات الثورة
أعلم جيدا إن حرم الجامعة كان مباحا أيام أمن الدولة حتي رئيس الجامعة والعمداء لا يتعين إلا بأمر ظباط أمن الدولة حتي إتحادات الطلبة
الآن الوضع إختلف كليا وكجهاز الشرطة يحرص الآن علي تغيير صورتة في عين الشعب
أخيرا وليس بآخر لابد أن نناصر الشرطة لا نعاديها في هذة المرحلة بالذات حتي تمر مصر
من أزمتها أما الوقوف علي كل تصرف يجب إتخاذه في حق كل من يرتكب جرم أو يتحدي
الشرطة ممثلة الدولة
شكرا علي طرحك الكريم
مودتي وإحترامي

[احساسى صحيح]

إن شاء الله ستكون تلك هى نهاياتهم
لقد اقتربوا من نهاياتهم عندما اقتربوا من حرم الجامعة
ليس فقط الشاب محمد رمضان
قتلوا قبله شاب فى سكن جامعة الازهر واستباحوا كل الاعراف
وسجنهم اطهر شباب واشرف شباب وجيل ومستقبل مصر القادم
إنهم لا يتعظون من الماضى ولا يتعلمون ويحفرون قبورهم بإيديهم
ليعلموا أن الثورة القادمة عليهم ,, هم من بدأوا فى اشعالها وعليهم تحمل ما عملت ايديهم
وان شباب جامعات مصر الذى شارك باكثر من 60 فى المائة منهم فى ثورة يناير
انهم هم الامل القادم لمحو الظلم وقهر الانقلاب
احيكِ اشد تحية على روعة خلقك وشفافيتك الغير معقوله
وعدم طغيان ارائك عن نطق كلمة الحق كما ارى من الكثيرين
تستحقين كل الاحترام واكثر اخت نور ربنا يعزك
تقديرى واحترامى .

[اندرسون]

انت ايه اللي منتظرو من واحد العتصب الحكم

واستحل دم ابناء الوطن انه يعاملك بكرامه وحريه وعداله

وسيبكي تقولي رايكي

انا اسف العنوان غلط


اما بنسبه لحرم الكليه هم دخلو المسجد وقتلو اللي فيه

مش هيعملو كدا في الحرم الجامعي

هم فضلهم بس الكينسه ويبئا مفيش حته ما دخلوها

[اندرسون]

اقتباس المشاركة الأصلية كتبت بواسطة اميره الشعر الشجين فعلا فيه فقه مش محترمه وبتمارس سلطتها على الشعب ومن ضمنها الداخليه بس هيعملو ايه الا شباب عايز يتلم ويشوف مصلحتو ويبطل مظاهرات وعملين يكسور داخل الجامعه طب لما طلاب الجامعه يحترمو الجامعه وحرمتها الاول تبقى الداخليه تحترمها موضوع حلو نور ونار

(فقه مش محترمه وبتمارس سلطتها ) قصدك كلها مش محترمه وبتمارس سلطتها غلط بدون غير آدمي

(شباب عايز يتلم ويشوف مصلحتو ) الشباب دا فوق 19 سنه يعني هو عارف مصلحتوه فين

لو هتلم عشان ابوس اليد واسكت علي الظالم فانا مش عايز اتلم


(طب لما طلاب الجامعه يحترمو الجامعه وحرمتها الاول تبقى الداخليه تحترمها)


في حاجه اسمها مجلس تاديب الجامعات يارب تكوني سمعتي عنها

يعني الداخليه ماليهاش حق في انها تتكلم نص

كلمه ولا تتدخل في شئون الجامعه

يارب تكوني فهمتي

[Lost Pearl]

هوضح حاجة صغيرة بس

علي فكرة انا اصحابي كانو فـ كلية هندسة امبارح و مروحة معاهم بعد ما عرفو يطلعو من هناك و اللي اعرفه هم اللي قالولهولي

مافيش طالب عمل حاجة ،، كانت في مظاهرة عادية جدا عشان البنات اللي اتحبست و كدة

و الشرطة هي اللي طلعت عليهم بالقنابل و الخرطوش ده و بكثافة شديييدة

و حتي الطالب اللي مات ده اصلا كان ضد الاضراب !! ،، و غيره من المصابين اللي ربنا يستر و يعافيهم و يعيشو و يبقو كويسين

حاولو تتأكدو من المصدر فـ الاخبار بقي

و محدش يتخانق هههههههههه

[اميره الشعر الشجين]

اقتباس المشاركة الأصلية كتبت بواسطة اندرسون (فقه مش محترمه وبتمارس سلطتها ) قصدك كلها مش محترمه وبتمارس سلطتها غلط بدون غير آدمي (شباب عايز يتلم ويشوف مصلحتو ) الشباب دا فوق 19 سنه يعني هو عارف مصلحتوه فين لو هتلم عشان ابوس اليد واسكت علي الظالم فانا مش عايز اتلم (طب لما طلاب الجامعه يحترمو الجامعه وحرمتها الاول تبقى الداخليه تحترمها) في حاجه اسمها مجلس تاديب الجامعات يارب تكوني سمعتي عنها يعني الداخليه ماليهاش حق في انها تتكلم نص كلمه ولا تتدخل في شئون الجامعه يارب تكوني فهمتي

لالالا من الاخر الشباب زودها دى حد يتزنق عايز يعمل مظاهره وبعدين لو هو فعلا عارف مصلحتو يكن بقى ويتعلم عشان يدى فرصه لبلده تتقدم وتهز عجلها شويه

اصل مش كل حاجه تستاهل مظاهره يعنى طب منا قريبى فى جامعه الازهر وبيقوليلى على الابيحصل فى شباب ربنا يحميهم هادين ومحترمين وشباب تانى عايز الولعه