ذكريااااااااااااااااااااااااااااااااااات ( 2 )

[عاشق متيم]

المدرسه زمان غير دلوقتى خالص
زمان مش كان فى حاجات كتير تلهيك زى دلوقتى
انت كان كبير تتفرج على ( عبقرينو وكعبول والقط مشاكس )
على القناه الثالثة ومسلسل بكار ومازينجر وفطوطه
و سابق ولاحق والكابتن ماجد الضربه المزودجه
وبسام ضربه النمر ورعد ؛ الماتش كان بيستمر اطول من المباراه الحقيقيه
لكن دلوقتى بقى فى قنوات للكرتون 24 ساعة ؛ غير كده كل طفل معاه موبايل
وعايشين فى رفاهيه تامه
===========
المدرسه زمان

طابور رخم ؛ حاذى على اللى قدامك ( حتى ايدك على كتفه )
تحيه العلم ( ياشباب مصر يا رجال الغد ؛ الاحمر دم الشهداء ؛
الابيض رمز القدماء ؛ الاسود قلوب الاعداء ؛ حيوا معى هذا النداء
الله اكبر ؛ تحيا جمهوريه مصر العربيه ) وعلى الفصول معتدل مارش
وكان فى حاجه اسمها مجموعة ( درس بس فى المدرسه )
كان يتقبى قبل المدرسه يا بعدها ؛ والاملاء يوم الخميس
وكل واحد مخبى من اللى جنبه وحاطط كوعه على الكراسه بتاعته
وامتحانات الشهر واللى هيقل درجه هتتكمل له عصيان
والعيال تقعد تنفخ فى ايديها قبل ما تتضرب
ولما الابله تخرج توقف عيل تخين علينا واللى هيتكلم اكتب اسمه على السبوره

شويه صور



السوسته كانت بتتقطع من كل العيال



البرايا وفى اللى كان بيبرى بموس حلاقة



البرايه ام مرايه



الزمزميه تقولش مسافرين السودان
ولما حد كان يطلب انه عاوز يشرب
صاحب الزمزميه يصب له فى الغطا خايف من العدوى
كان معايا واحد فى الفصل
طول النهار عطشان وجعان وعاوز يروح التواليت
وكان فى واحد اسمه ابراهيم معاه زمزميه
يقولوا يا تشربنى يا اضربك بره



المقلمة



العده كلها ؛ المسطره والمثلث والبرجل والاستيكه والمنقله
هبقى اجيب كراسه الرسم البيانى
==============


الالوان الفلومستر



فاكرين ده



الاكلاسير بتاع البنات

==============

الاتارى




===========
اعلان الاتارى



اللعبه اللى فى الاعلان اللى على الشاشه كانت الطيارات
لسه فاكر صوت اللعبه لحد دلوقتى

============
لعبه الطيارات




=======

مسدس المايه






مسدس الخرز بيلسع وممكن يقلع عين واحد



النظارات



=============

جيرسى




==============
البلى ( محتاج موضوع لوحده )



والبلى الصينى والكبيره محدش يلعب بيها

=======================
عم شكشك ( ايه يا بابا )


ولسه فى حاجات كتير
زى ده مثلا حد فاكرها

[Reem♡A|❀]

ههههههههههههههههههههههههههههههههههههههههههه
الله أأكيد أأيـأإم حلووه اووووى
انا كنت بحب حصةة الاملآآإءء دى جدآآآآآ
بس الاكلاسير دآآ مش كأإن عندى َ
بس كـأإن فى واحد اسسود كـأإن بتاع اخوويا َ
ههههههههههههههههههههههههههههههههه

والبلى ع فكره َ بابا كـأإن بيبعتوآ دأيمـأإ من السعوديه
وكـأإن اخويـأإ بيبعوآ لصحأبو فى الشارع َ
وبشرط يلاعبهم علشان يخسرهم
ويكسب البلى تـأإنى ويبقا ضرب عصفورين بحجر
ههههههههههههههههههههههههههههههههههههههه
اه وربنـأإ ايـــــــــــآآآآآآآآآآآآآآآآآم

[Lamees]

ههههههههههههههههههههه
والله ذكريات جميلة انا كنت بحب جيرسي اوي
واعلانها كنت بغنيه طول النهار
ايام جميلة ،،

[big bốss]

فكرتتنا بايام جميله يا عادل

هههههههههههههه

المدرسه و ادواتها و الطابور

و جيرسي و الاتارى

آه :d

[Stop Ana Eltop]

ههههههههههههههههههه ياااه انت من زماان اووى على كدا

جيرسى اتغيرت دلوقتى والكتب بقت باستك هدوم مش اكلاسير

دنيا :d

[عاشق متيم]

اقتباس المشاركة الأصلية كتبت بواسطة stop ana eltop ههههههههههههههههههه ياااه انت من زماان اووى على كدا جيرسى اتغيرت دلوقتى والكتب بقت باستك هدوم مش اكلاسير دنيا :d

مش من زمان اوى ولا حاجة
هو انا جايب حاجات من الخمسينات
حاجات من اخر التسعينات ايام ما كنا فى الابتدائى

[Stop Ana Eltop]

اقتباس المشاركة الأصلية كتبت بواسطة عاشق متيم مش من زمان اوى ولا حاجة هو انا جايب حاجات من الخمسينات حاجات من اخر التسعينات ايام ما كنا فى الابتدائى

انا ماشوفتش الحاجات الى فى الخمسينات
ههههههههههههههه انا عاصرت نص الحاجات دى
يلا كانت ايام حلوه والله بس ليت الشباب يعود يوما بقن