مكرونه بالبشاميل عمايل ايدي وتصويري :).t.m.

[موري كول]

السلام عليكم ازيكو ؟!! اول امبارح كنا عند بيت تيته متجمعين ومعزومين علي الغدا كمان ووقفين مع بعض في المطبخ بنطبخ ونحضر الغدا لقيت كل طلبات المكرونه جاهزه فـ صممت لازم اعمل مكرونه بشاميل واستنيت لما خلصو هما علشان ادخل انا اعملها علي رواقه واصورها كمان تعالو نشوف الطريقه اول حاجه بعملها البشاميل واسيبه يبرد دي صوره ليه واللي فيه دي ورقه لورا بجيب 3 معالق زبده في طاسه واول لما تسيح وتسخن خالص احط عليهم 3 معالق دقيق واقلبهم علي بعض لغايه ما الدقيق يصفر ويبقي لونه دهبي شويه كده انزل عليه اللبن واستمر في التقليب بمضرب سيلك يدوي لغايه القوام ما يبقي مناسب كده واحط ملح وفلفل وفص حبهان ومرقه دجاج ورقه لورا لو لقيته لسه تقيل شويه بزوده لبن او مايه واستمر في التقليب شويه لغاية ما يغلي 5 دقايق كده علي نار هاديه واسيبه علي جنب يبرد بعد كده بعصج اللحمه بجيب بصله وابشرها في طاسه تانيه واشوحها مع مكعب زبده لغاية ما تصفر وانزل عليها اللحمه المفرومه وبعد شويه احط طماطم مبشوره صغير والفلفل والملح وبهارات اللحمه واسيبها علي نار هاديه تستوي مع نفسها بعد كده هروح اسلق المكرونه الاقلام او علي حسب ما تسموها // // طبعا بجيب حله علي النار واحط فيها مايه واحط في المايه رشه زيت صغيره ولما تغلي احط فيها المكرونه واسيبها تتسلق مع التقليب علي فترات كده وبعدين لما تستوي اصفيها بئا تبقي جاهزه عندي بعد كده بجيب الصنيه اللي هعمل فيها او السرفيس انا عملتها في صنيه علشان السرافيس اللي عند تيته بصراحه كانت مشغوله بس عادي يعني مش فارقه وبدهن الصينيه سمنه وارشها بالبقسماط الناعم علشان مش تلزق وابدأ احط طبقة البشاميل وبعدين المكرونه وبعدين اللحمه وبعدين مكرونه تاني وبشاميل وبعد كده بيضه فوق اخر حاجه وطبعا الجبنه الموتزاريلا // // وادخلها الفرن علي درجه حراره 200 وبسسس الشكل الاخير مش صورته غير صوره بس

[Lost Pearl]

اممم بحبها هههههههه

تسلم ايديكي يا جميلة ،، بالهنا و الشفا عليكو بقي

احسنتي

[Lamees]

وصفة سهلو وجميلة يا جميلة

تسلم الأيادي

[اميره الشعر الشجين]

ياعينى ياعينى طب كنتى اعزمينى بس انا اصلا مش بحبها بس شكلها يهبل من ايديكى مورى

[Reem♡A|❀]

فين البيبسى يا بت مش انا قولتل فى الاهدآآءء ان بحب البشـأإميل معع البيبسى ولا مافيش كلمةة بتتسمع فى المنتدى دآآ : ))

[موري كول]

امشي امشي روحي العبي بعيد يا بطه انا قولتلك اصلا غمازه مش تاخد ولا فتفوته منها

[اميره الشعر الشجين]

اقتباس المشاركة الأصلية كتبت بواسطة غُمـأإزههٌ : $ فين البيبسى يا بت مش انا قولتل فى الاهدآآءء ان بحب البشـأإميل معع البيبسى ولا مافيش كلمةة بتتسمع فى المنتدى دآآ : ))

اقتباس المشاركة الأصلية كتبت بواسطة موري كول امشي امشي روحي العبي بعيد يا بطه انا قولتلك اصلا غمازه مش تاخد ولا فتفوته منها

طب انا هسيب المكرونه لغمازه بس عيزه البيبسى

[موري كول]

اقتباس المشاركة الأصلية كتبت بواسطة اميره الشعر الشجين طب انا هسيب المكرونه لغمازه بس عيزه البيبسى

علشان خاطرك بس يا اميره بس مش تدي البت دي حاجه

[سارة بنت مصر]

الله عليكى يامروه بجد تصويرك جميل

وجوعتينا تسلمى

[Reem♡A|❀]

اقتباس المشاركة الأصلية كتبت بواسطة موري كول امشي امشي روحي العبي بعيد يا بطه انا قولتلك اصلا غمازه مش تاخد ولا فتفوته منها

أسحبيهههـأإ بسرعهه أحسنلك ي مورى