عيد ميلادى (دوله)

[صمتى كلام]

وانا...مولود.. قالو ده واد خيال
وله نصيب فى الغيب متشال
.
طلع النصيب مكتوب......... حظى يكون مقلوب
عكس اللى كان متقال
.
قالو رزقى كتير ..وشكلى كمان محظوظ
20سنه وكبير. وتشوفنى تقول ده عجوز
.
دنيا وفيها العجب
.
فى ناس مولوده....... بمعالق دهب
وناس علشان جنيه تمون من التعب
.
وناس فى الحزن غرقانه من غيرما تعرف سبب
دنيا وفيها العجب................ وكل شئ بيجوز
.
وانا لسه فى اللفه
.
ابويا شلنى وأذن فى....... ودنى
وواحده جايه تبخرنى وتحسدنى
.
وناس رايحين وناس جايين
وواحده شاليتنى فى غربال
.
وهزيتنى شمال ويمين
وناس بتجهز الفته
.
وناس بتفرق الفطره
وعيال بتجرى فكل حته
.
وناس بتشاور على عينونى
اصلهم كانو زمان حلوين
.
وانا بصرخ على الاخر وبتألم
بس هما مش فاهمين
.
وكبرت شويه وبقت اسحف واشب
واول حاجه اتعلمته اشتم ..واسب
.
دوله قول لعمك ياحمار
دوله ....تف على خالو
كانو واخدين الكلام بهزار
كبرت و فضل الكلام على حاله
.
كبرت شويه كمان
وعرفت كام شارع وحاره
ولعبت فى كل مكان
وشربت مره سيجاره
.
وبدات سن الشقاوه
ولعبت ماريو واتارى
وحدفت واحد بطوبه
وعورت عيل جارى
.
ودونى كت تاب ...احفظلى كام سوره
وفى يوم رجعت البيت واديه مكسوره
.
امى شافتنى جالها ذهول
وقالت بصوت عالى مالك يا عدوله
الشيخ ضربنى قالت اقعد هنا جنبى
بلاش ...كت تاب
هنوديك سنه اولى
.
خلاص دخلت المدرسه .وقاعد فى تخته كويسه
وعرفت كلم صاحب ..........لكن جيوبهم مفلسه
.
ودخلت أبله سماح كانت اول مدرسه.......................هذا الاسم حقيقى
واول درس اخدته مش فاكره
لو كنت فاكر مكنتش سبت المدرسه ........................كملت الابتدائيه بس
.
ورجعت تانى للشارع وشوفت شغلانه
كنت الحياه صعبه وظروفى .......تعبانه
.
واشتغلت كتير هنا وهناك
عجلاتى كبابجى وسباك
.
ورغم المشاكل والهموم
عمرى ما نسيت نفسى فى يوم
.
علمت نفسى كل شئ
اقراء واكتب واكون جرئ
.
وفى يوم بعد صلاة العصر
فتحت الجهاز بدور على حاجه نقصانى
دخلت منتدى بنات مصر
حبيتكم وحلفت ما هسيبكم
ومعاكم هبداء عمر ى من تانى
.
الكلام ده كله حقيقى
لسه كاتبها دلوقتى
5..12...20013

[جبل عالي]

الله الله الله الله الله

ايه القريحة الفذة دي ؟؟؟؟


لالالا حقيقي روووووعة واكثر من رووعة

كتبت قصة حياة بشكل سلس ورائع فعلا

تستحق كل تقييم وكل تقدير

[جبل عالي]

كل سنة وانت بكل الخير يااااارب

[أحمد الجمل]

الله الله الله
روعة روعة روعة
أبدعت والله أخي الفاضل
سلمت وسلمت يمينك
وتقبل وافر احترامي وتقديري
ودمت بكل الود

[ويبقى الأثر]

جميله كتير
ومنتدى بنات مصر
اتشرف بانضمام قلم جميل زى قلمك صمتى كلام
يدوم الابداع والتميز

[احساسى صحيح]

حقا انا شخصيا ليا عظيم الشرف
انى عرفت شخص مثلك
كلمات حقيقيه نابعه من قلب صادق
دمت ودام وجود بيننا
تقبل وافر الاحترام والتقدير

[صمتى كلام]

اقتباس المشاركة الأصلية كتبت بواسطة جبل عالى الله الله الله الله الله ايه القريحة الفذة دي ؟؟؟؟ لالالا حقيقي روووووعة واكثر من رووعة كتبت قصة حياة بشكل سلس ورائع فعلا تستحق كل تقييم وكل تقدير

...................
سيدتى جبل عالى
يسعدنى وجودك
على الدوام
وشكرا لكلامك الراقى
والتقيم الجميل

[صمتى كلام]

اقتباس المشاركة الأصلية كتبت بواسطة جبل عالى كل سنة وانت بكل الخير يااااارب

...............
وانتى ايضا
ولكن عيد ميلادى لسه شويه عليه
انا شهر 3
شكرا لكى

[صمتى كلام]

اقتباس المشاركة الأصلية كتبت بواسطة أحمـــ الجمل ـــد الله الله الله روعة روعة روعة أبدعت والله أخي الفاضل سلمت وسلمت يمينك وتقبل وافر احترامي وتقديري ودمت بكل الود

............
اخى
احمد الجمل
هذا بعض ما عندكم
نورتنى
استاذى

[صمتى كلام]

اقتباس المشاركة الأصلية كتبت بواسطة قيثارة الصمت جميله كتير ومنتدى بنات مصر اتشرف بانضمام قلم جميل زى قلمك صمتى كلام يدوم الابداع والتميز

.................
سيدتى
قيثاره الصمت
يسعدنى مرورك الطيب العطر
انا اللى ليا الشرف
دمتى بكل خير