قصقوصة ورق (رباعيه متجددة)

[ويبقى الأثر]

بلغنا يارب رمضان
مجتمعين اهل وخلان
واهدينا و بارك لمتنا
واحفظلى اخواتى كمان

[حكاية حب]

كل سنه وحضراتكم بخير

[د/ عبد الله]

بنتقاسم في أوجاعنا سكون الروح
وفي القسمة دي بنلاقي كل شئ مسموح
مهياش عادلة ولا فيها قوانين سارية
بتخفّ منّا أوجاعنا...والسكون مفتوح

[ويبقى الأثر]

عجبى على زمن غطته الالوان
والاصل صبح له نسخ بالمليان
لاعارف تفرق بين الصوره وبين الاصل
ولاعارف تقول الحق لانك جبان

[ويبقى الأثر]

البوم صور هيا حياتنا
صوره قديمه فيها ذكرياتنا
وصوره لحاضر مليان رتوش
مش واضحه فيها ابتسامتنا

[ويبقى الأثر]

ببعد لكن عارفه
بعند ومش خايفه
انى اكيد هرجع
لعيونك الدافيه

تلومنى بنظراتك
وتدبحنى أهاتك
وتقولى انا مسامحك
وارد انا اسفه

[همس الكناريا]

الصمت في القلب صداه ..
والعين نطق شفاه ..
والجسد روح تهواه ..
والوجه احمر واخجلاه والقلب ينبض أواه ..



همس الكناريا

[صمتى كلام]

ليا هنا قصقوصة راجع اشوف الأحبة
واقول بصوت عالى البعد عنكم غربة
تعبان من الدنيا نفسي اخد هدنة
حاسس براحه هنا بره الحياة صعبة

[ويبقى الأثر]

ياريت يرجع الزمان ويعود
والقلوب الصافيه بحبها تجود
من غير خداع وزيف ووعود
وإن اختلفنا بالود نعود