قصقوصة ورق (رباعيه متجددة)

[ويبقى الأثر]

عجبى على البنى أدمين
دوام الحال من المحال
ساعات بالهم مخنوقين
وساعات مرتاحين البال

[طبيب الهوى]

يا وِلد عَمي مِنك عَجَباشي


تَوَك للحين بِحُبي مَتِدراشي


وكيف هتقابل بوي ولا منواشي


حاساك بتهرب من تَمَن الغواشي


لو إحساسي صوح هَقتِلَك بالرشاشي



هذيان قلمي المجنون

[ويبقى الأثر]

قول يارب وخد قرار
قول يارب بجد هتلاقيه
حلى بالرضا طعم المرار
واياك فى مره تقوله يارب ليه

[ويبقى الأثر]

لو مش حسيت قيمتها فى اديك
لما تضيع متجيش تقول ياريت
وبلاش كلمة لو بالله عليك
مش راح تنفع تداوى ماجنيت

[جبل عالي]

تعبت والله ويانا الحروف

بيها بنبكي وبيها بنضحك

وجواها بنستخبى من الخوف

ولايبقى منها الا كلمة المعروف

[طبيب الهوى]

وحشني المكان والورقة والقَلَمْ


وحشني رسم الحُب بالنَغَمْ


مش عارف ليه قلقان حزين


اللهُم أبعد عني النِقَمْ


هذيان قلمي المجنون


أبو عصام

[ويبقى الأثر]

وحشنى القسم وخواطره
فزوره ولمه تجمعنا
وحرف بينا بنتقاسمه
واحساسكم لينا يشبعنا

[ويبقى الأثر]

فى قلوب مهما عملت بتستحملك
تلاقيها دايما جمبك ترشدك
كلك بعيوبك عندها غالى
ولو لحظه بعدت عنها تحنلك

[ويبقى الأثر]

هنعيش فى الدنيا ونتعلم
نفرح ساعه وساعه نتألم
ناخد عبره من إمبارح
ونعدى الصعب ولانسلم

[عاشق لعنة الحب]

دوام الحال من المحال والا ميبقاش الانسان انسان