سؤال للبنات و سؤال للشباب

[big bốss]

- سؤال للبنات

هل تغسلين قدم زوجك كل يوم حين يعود من العمل ؟ و ليه ؟








سؤال للشباب


- لو زوجتك طلبت انك تغسل قدمها هتغسلها ولا ؟ و ليه ؟





و سؤال عام

هل هناك اختلاف فى الحالتين و لا متساويين ؟

- الموقف دا فيه كثير من الناس بترفض تعمله بدافع الكبرياء او الكرامه

و كل انسان و له مبرره فعايز اعرف وجهة نظركم أيه فى الموضوع دا

لان الرجل مثل المراه فى الكرامه و الكبرياء لا فرق الا لو كان فيه فكر

مورث فى عقولنا غلط بيصنع الفرق دا من لا شىء .

[توحد ارواح]

لا مش كدا الموضوع
فعلا فى نظرة مجتمع و عادات وتقاليد اتعودنا عليها
وفيه كمان المنطق والدين الاهم
يعنى ديننا قال لو كان السجود مشروع لاحد من المخلوقين
لامرت الزوجه ان تسجد لزوجها ليؤكد حقوقه على زوجته
يعنى من الاخر طاعة الزوج واجبه ف كل الاحوال الا معصية الخالق طبعا
لان الزوج هو من يدخل زوجته الجنه
النقطه التانيه ان الزوج برده يعمل كدا لا طبعا
ولكن من باب الموده والرحمه والعشرة له ان يساعدها ف بعض الامور فقط
شكرا ع الطرح المميز يدوم المجهود الرائع
دمت بحفظ الرحمن

[اشرف 2006]

سؤال للشباب


- لو زوجتك طلبت انك تغسل قدمها هتغسلها ولا ؟ و ليه ؟


لو زوجتى وبحبها واتجوزتها عن حب حقيقى اه اعملها اللى هى عايزاه ايه المانع

واعملها اكتر من كده كمان طالما فيه ود وتفاهم وتقدير بينا .. مفيش حساسيه

او كبرياء او كرامه بين الراجل وزوجته طالما بيحبوا بعض واختاروا بعض


تقبل تحياتى

[Stop Ana Eltop]

- سؤال للبنات

هل تغسلين قدم زوجك كل يوم حين يعود من العمل ؟ و ليه ؟

لاء مابغسلهاش
عشان لسه متجوزتش ^_^

[big bốss]

اقتباس المشاركة الأصلية كتبت بواسطة توحد ارواح لا مش كدا الموضوع فعلا فى نظرة مجتمع و عادات وتقاليد اتعودنا عليها وفيه كمان المنطق والدين الاهم يعنى ديننا قال لو كان السجود مشروع لاحد من المخلوقين لامرت الزوجه ان تسجد لزوجها ليؤكد حقوقه على زوجته يعنى من الاخر طاعة الزوج واجبه ف كل الاحوال الا معصية الخالق طبعا لان الزوج هو من يدخل زوجته الجنه النقطه التانيه ان الزوج برده يعمل كدا لا طبعا ولكن من باب الموده والرحمه والعشرة له ان يساعدها ف بعض الامور فقط شكرا ع الطرح المميز يدوم المجهود الرائع دمت بحفظ الرحمن

هو الشرع و الدين وضع للزوج مكانه كبيره

و لازم الزوجه تطيعه فى كل حاجه ما لم يطلب شرآ او ضرآ او مخالفة رب العباد

من مضمون ردك ان مفيش اعتراض على الفعل دا

بالنسبه للمرآه او الرجل


تمام شكرآ ندى

[big bốss]

اقتباس المشاركة الأصلية كتبت بواسطة اشرف 2006 سؤال للشباب - لو زوجتك طلبت انك تغسل قدمها هتغسلها ولا ؟ و ليه ؟ لو زوجتى وبحبها واتجوزتها عن حب حقيقى اه اعملها اللى هى عايزاه ايه المانع واعملها اكتر من كده كمان طالما فيه ود وتفاهم وتقدير بينا .. مفيش حساسيه او كبرياء او كرامه بين الراجل وزوجته طالما بيحبوا بعض واختاروا بعض تقبل تحياتى

تمام بس انت ربطة الفعل دا بالحب و التفاهم

يعنى لو مفيش دول يبقى مفيش تفاهم و تديها على دماغها :d

شكرآ يا طهطاوى نورتى

[big bốss]

اقتباس المشاركة الأصلية كتبت بواسطة stop ana eltop - سؤال للبنات هل تغسلين قدم زوجك كل يوم حين يعود من العمل ؟ و ليه ؟ لاء مابغسلهاش عشان لسه متجوزتش ^_^

دى مش اجابه

احنا بنتكلم على المبدأ

[Stop Ana Eltop]

المبدأ

عادى جداا لما اغسلها هو جوزى يعنى دا بيزود من قيمتى مش بيقللها
غسيل الرجلين مش هيقلل الكرامه بالعكس هيزودها

[انجي_1]

اه اغسل رجلين زوجي بكل فرح وبكل فخر
عادي جدا مفهاش حاجة
دي حاجة تحسس الراجل ان زوجته ب تحبه ومهتمة بيه وبيكون اظن ف غاية السعادة
انا هكون سعيدة اوي وانا بغسل رجلين زوجي اما يجي من الشغل
ده حبيبي وزوجي وكل حياتي
عنيا ادهاله مش اغسل رجليه بس

بالنسبة له هو لو حب يعمل كده يعني يغسل رجليا
انا هقبل انه يساعدني ف حالة وحدة بس
اني اكون مريضة وطريحة الفراش ومش اقدر اقوم
غير كده مسمحش ابدا

وشكرا على الموضوع الجميل

[رآقيہ بأخلاقـى]

وليه لا عادى لما اغسل رجلين جوزى
طالما دينى امرنى بكدة يبقى اكيد دة مش تقليل من شأنى
ولا اهانة لكرامتى او كبريائى بالعكس انا هبقى زوجة عارفة حقوق زوجها
وبترضى ربها وطالما هو مش بيأمرنى بحاجة تعصى او تغضب ربنا
يبقى مافيهاش اى مشكلة اصلا دينا كرم المرأة واعطاها مكانة عالية
يبقى مش غسيل رجل جوزى هى اللى هتقلل من مكانتى او من شأنى
ولا فيها اهانة لكرامتى

بشكرك على طرحك الرائع
ودى واحترآمى ‘