الألفاظ الوحشة والشتايم

[انجي_1]

الألفاظ الوحشة والشتايم، حاجة مزعجة جدا، للأم والأب والمدرسة، لكن ممتعة جدا للطفل. الشتايم دايما غريبة وبتلفت انتباه الطفل، خصوصا لو ما كانش بيسمعها في بيته. وبتعجبه اكتر لما يكتشف انها لها قوة تأثير على الكبار.مجرد ما ينطقها يتكسفوا ويرتبكوا او يغضبوا. والأحلى انهم بيفضلوا يكلموه...يعني بياخد اهتمام. عشان كده؛ لو عايزين طفل يبطل يستخدم لفظ وحش؛ أسرع واضمن طريقة هي ان الطفل يلاقي وشنا خالي من التعابير. ونساله "قصدك إيه؟" ، "إنت عايز تقول إيه؟"، "عايز تقول حاجة؟" ...او نستبدلها فورا بالكلمة الصح وبمنتهى الهدوء "قصدك مش نظيف؟"،"بس انا اعرف ان باباه راجل"، "إنت عارف ان الحاجة المعفنة يعني بايظة؟ قصدك إيه لما تقول على صاحبك انه بايظ؟" ...وهكذا. كده اللذه اللي في اللفظ الوحش بتروح، والطفل بيفهم ان الكلام ده مش مقبول وما لوش معنى. عادة، وعن تجربة ...اللفظ ده بيختفي بسرعة.

[-esraa-]

المفروض أول ما الطفل يشتم نصححله غلطه في وقتها مش نتفخر بكلامه!

تسلمي انجي
موفقة

[انجي_1]

صح كلامك يا اسراء

تسلمي