بيان شديد اللهجه --------- لمشرفى اليوميات

[big bốss]

السلام عليكم ورحمة الله و بركاته



( بيان شديد اللهجه )



الى جميع اعضاء بنات مصر عامتآ

و الى جموع و جماهير البيج بوص


- بعد التنكيل و التهديدات التى نالت منى و بعد الظلم الذى اتعرض اليه

بسبب انتمائى و توجهى السياسي المؤيد للقوات المسلحه المصريه

و لكن اوعدكم يا جماهيرى الغفيره لن يرهبنى هذا الاضطهاد و لا الظلم

بل سأظل ادافع عن مبادئى و قضيتى و مصريتى ضد الاعداء .

- و بعد الاضطهاد و الظلم الذى نالنى من مشرفى قسم اليوميات بصفه عامه

و من المشرفه الارهابيه ( حرف هجاء ) بصفه خاصه :d

فى التكريم الاول للقسم و الذى تم البارحه و بعد مجهودى الكبير

و بعد تعبي و سهرى فى تصميم الشهادات و الاوسمه

و اخت مركز تالت 50 مشاركه

آه يا نارى





( بالادله و المستندات توضح الفساد التقيم الاشرافى لليوميات )




الى محدش يعرفه الا قله


انى كنت مشرف لليوميات قبل ما ادخل الجيش قبل مورشو حتى


طبعآ دى بعض اعمالى ومجهودى فى القسم الفتره الى فاتت

و الى رشحتنى للمركز التالت



7 حلقات من يوميات ( مين فاكر ؟ )

7 حلقات من يوميات ( سر خطير )

8 حلقات من برنامج ( رحله فى كومبيوتر عضو )

9 حلقات من برنامج ( فضائح الاعضاء فى المطبخ )

4 حلقات من برنامج ( البرنامج الاسود )

غير اليوميات الى كنت بنزلها و غير اليوميات الى بنزلها عن مورشو

ليه يا ولاد كدا


انتم مش عارفين انكم نور عنينا ؟

و من هنا اطالب بالاتى :-




( طلبات )



- مطلوب من الاداره بأنشاء لجنة تقصى حقائق و تجمع الادله و البراهين

عن تلك المؤامره على البيج بوص

- تقديم المتورطين فى تلك الجريمه الى المحاسبه و العزل من الاشراف

الى هى حرف هجاء

اما مورشو متغرغر بيه انا عارف بيخاف


- و الموافق يتفضل برفع يده - موافقه


و عاشق متيم متضامن معايا و انا بشكره على مشاركاتى تلك المأساه

الانسانيه التى تجاوزه مأساة هجوم الحلفاء على هتلر و هزيمته


و الله الموفق ،،،،



انتهى البيان الموافق 10 \ 12 \ 2013

[morshooo]

الحمد لله انى متغرغر بيا يعنى انا برائه ^_^

بس حلو البيان والله بقالى كتير مشوفتش بيان ^_^

بص يا نور يا حبيبى انا هفعل وسوف افعل دائما

ولازم نضحى بشويه اعضاء عشان الباقى يعيش

وانتا اول ضحيه ^_^

[ملك جبال الاحزان]

الله يخربيتك هههههههههه
لا متخافش يا واد الاخوان مهما عملوا
مصر قد الدنيا وهتبقا قد الدنيا
ولا هو بيقولها ازاى
متخافش ولا تحب نعملك مظاهرة كمان انا معاك
انت عارفنى انا ضد الاخوان الى يوم يبعثون
بس عجبنى الاحصائيات اللى عملتها
للدرجة ديه انت حزين من جواك

[big bốss]

اقتباس المشاركة الأصلية كتبت بواسطة morshooo الحمد لله انى متغرغر بيا يعنى انا برائه ^_^ بس حلو البيان والله بقالى كتير مشوفتش بيان ^_^ بص يا نور يا حبيبى انا هفعل وسوف افعل دائما ولازم نضحى بشويه اعضاء عشان الباقى يعيش وانتا اول ضحيه ^_^

انت كنت طيب يا مورشو بقيت قاسى كدا

اتعلمت القساوه دى من مين

اكيد المشرف الى مربي دقن معاك عداك :d

هضحى بيا انا يا مورشو طيب ليه ؟

قاعد على قلبكم

[عاشق متيم]

اننى لا استطيع ان اتمالك نفسى
وقد فاضتت الدموع من عيناى
بسبب ذلك البيان الذى يعبر عن مدى الاسى والحزن اللذان يشعر بهم نور
وانا متضامن معك حتى اخر الطريق
واضم صوتى الى صوتك ونطالب الاداره
بعزل مورشو واسيل من الاشراف والغاء قسم اليوميات
وعمل قسم فرعى فى النقاش ننزل فيه اللى احنا عاوزينه
بسبب الاضطهاد الذى تعرضت له يا نور
===========
دا انا كتبت حلقة الف مبروك الخطوبه يا عكاشه فى 12 يوم

[big bốss]

اقتباس المشاركة الأصلية كتبت بواسطة ملك جبال الاحزان الله يخربيتك هههههههههه لا متخافش يا واد الاخوان مهما عملوا مصر قد الدنيا وهتبقا قد الدنيا ولا هو بيقولها ازاى متخافش ولا تحب نعملك مظاهرة كمان انا معاك انت عارفنى انا ضد الاخوان الى يوم يبعثون بس عجبنى الاحصائيات اللى عملتها للدرجة ديه انت حزين من جواك

دا قلبي بيتقطع من جوه يا ميدو حتى شوف

أه يا قلبي

هموت من الضحك

اه جبتلهم احصائيات و مستندات و كنت هجيب روابط المواضيع كمان :d

و بعدين يا ميدو

تعاطفكم مو كفايه

تبرع و لو بجنيه

[big bốss]

اقتباس المشاركة الأصلية كتبت بواسطة عاشق متيم اننى لا استطيع ان اتمالك نفسى وقد فاضتت الدموع من عيناى بسبب ذلك البيان الذى يعبر عن مدى الاسى والحزن اللذان يشعر بهم نور وانا متضامن معك حتى اخر الطريق واضم صوتى الى صوتك ونطالب الاداره بعزل مورشو واسيل من الاشراف والغاء قسم اليوميات وعمل قسم فرعى فى النقاش ننزل فيه اللى احنا عاوزينه بسبب الاضطهاد الذى تعرضت له يا نور =========== دا انا كتبت حلقة الف مبروك الخطوبه يا عكاشه فى 12 يوم

دا انت حالتك تصعب على الكافر 12 يوم

و اخت مركز تانى

احمد ربنا امال انا الى كل يوم فى اليوميات لغايت ما الكيبورد

اتمسح من الكتابه اخت خمسين مشاركه

تقول الجماعه دول معندهمش اطفال

جبلنا الاحباط

[ساحر الأحزان]

هما عملو فيك كدة

على شان تعرف ان الحاجة عندهم غالية

على شان كدة دى فرصة كبيرة

انك طلعت بعد المجهود دة كلمة

ب20مشاركة

انت نسيت تحط الشعار بعد البيان

وهو الله الوطن

الشعب مع اليوميات

[big bốss]

اقتباس المشاركة الأصلية كتبت بواسطة ساحر الأحزان هما عملو فيك كدة على شان تعرف ان الحاجة عندهم غالية على شان كدة دى فرصة كبيرة انك طلعت بعد المجهود دة كلمة ب20مشاركة انت نسيت تحط الشعار بعد البيان وهو الله الوطن الشعب مع اليوميات

شفت يا امجد يا خويا الى حصل

غالية مين ؟ ما المركز الاول 200 مشاركه

يعنى هما يبذروا براحتهم و عندى انا يتعلموا البخل :d

لا و المشرفه تقلى أيه انت البيج بوص برضو

بتضحك عليا

[احساسى صحيح]

هههههههههههههه
لا ولا يهمك يا بوس استمر فى نضالك الثورى
ووراك جماهير غفيره
مستعد تفوضك للقضاء على الارهابين اللى زيى
يا انا يا الانقلابين فى المنتدى ده