جاى عليك الدور

[ويبقى الأثر]

الضلمه غطت شمـــس النور

والبسمه ع الخـــــــــد مقهوره


الحق فى زمانا صـــبح مهدور

والمركب تاهت وسط شبوره


الانسانيه فى ساقــــــــيه بتدور

والخلق بعيشتها بقت مجبوره


الطير يعافر بجناح مــــكسور

واقف قصاد دياب مســـعوره


ياترى هيصلب طوله العصفور

ولاهيمشى بـ آه جواه محفوره


كل واحد جاى عليـــــــــه الدور

ان كان فقير او حتى امبراطوره


فابلاش نظلم بعـــــــض ونجور

دى الدنيا ياناس مش مضمونه


إلحق واطلب من رب غفور

تقابل وجهه بذنوب مغفوره

[جبل عالي]

اللهم آمين آمين

«قل اللهم إني ظلمت نفسي ظلما كثيرا ولا يغفر الذنوب إلا أنت فاغفر لي من عندك مغفرة إنك أنت الغفور الرحيم»

تحيتي لقلمك النابض دوماً غاليتي

لروحك كل المودة والحب

[همسه دموع]

مكتوب علينا مش بادينا
وياريت الناس تفهم الدنيا دواره يوم ليك يوم عليك محدش دايم على حاله
تسلمى يا قمريه

[فتحى عيسى]

ألحق عمرك يابن ادم مهما طال الزمان قصير
أحييكِ علي جمال ماخطه قلمك الرائع
وإحساسك النبيل
سلمتِ والنبض
مودتي وإحترامي

[صمتى كلام]

جميله
تسلم ايدك
يارب الناس تفوق
وتعرف الحق فين

[دلوعة EGYPT]

يارب يغفر لينا ويسامحنا
بجد توبك راااااااااااائع
تسلمي ياقمر

[دمعه حائره]

يارب اغفرلنا وارحمنا وتوفنا وانت راض عنا
رائعه انتى دوما ومبدعه تسلمى قيثاره

[اشرف 2006]

اذا دعتك قدرتك على ظلم الناس ... فتذكر قدره الله عليك


فكله سلف ودين


موضوعك رائع ويصلح تماما فى هذه الايام المليئه بالظلم من كل الانواع


تقبلى تحياتى

[الأميرة رودي]

عندك حق.. صدقتي فى كل حرف يامنه
ربنا يرحمنا برحمته ويغفرلنا ياآرب
تسلمي حبيبتي.
دايما مبدعه وصاحبه كلمه هادفه وراقيه
دمتى بسعاده

[فارس الكلمة]

الدور عليك جاى جاى
لا تكابر ولا تعاند كمان

صلى وأطلب من الرحمن
مغفرة الذنوب وكل الأثام

الظلم أصبح منتشر وسايد فى كل مكان
فين العدل يا فاروق وليه أختفى من الزمان

جاى عليك الدور وحتما الدور جاى
أنهض بنفسك ومن تعول كى تفوز برضا الرحمن

قيثارة الصمت
كلماتك بسيطة جدا ولكنها جميلة جدا
سغتى فيها العامية فأنتشرت فى أرجاء المنتدى كالبرية
تقبلى مرورى ودمتِ بالخير والسعادة