هل دي حقيقة؟

[™Amiliya]

حصلت حاجة غريبة يمكن بسمعها عنها في التلفزيون او البرامج

لكن اول مرة تحصلي

صديقتي امل بعيدة عني مكانا هي قريبة مني جدا لانها صديقة طفولة
ومدرسة وجيرة
كبرنا سوى كل خزعبلاتنا وحياتنا كانت تشبه بعض وردة فعلنا احيانا

لما سافرت وسيبت مصر حاجات كتير اتحرمت منها معاها ومع صحبتي التانية نيفين كل حاجة كانت تحملها معنى الصداقات معاهم

بقينا نختصر كلامنا ع تلفونات او اسكايب او ايميلات جوامد لا حركة فيها
لكنها تغني عن اي شيء

سافرت من مدة بسبب شغلها وانقطع بينا الاتصال لمدة شهرين
وانشغلت انا في دراستي ومواعيد كليتي القاتلة

امبارح وانا فاتحة صورنا سوى وبضحك ع حاجات كنت بنقولها
وقلت في نفسي معقولة
امل نسيتني ومش مفتقداني ؟
ودعيت ربنا تكون بخير وقررت اتصل عليها بكرة

ونمت ... رن المنبه ع صلاة القيام وقمت صليت وكررت دعائي لانها جوايا اوي

واول مرة في الليل كدا ابص ع الموبايل مسكتو لقيت رسالة من رقم غريب بفتحها لقيتها امل بعتالي تقول

مفتقداكي ياايم انا وحيدة من غيرك

والله العظيم الذي جل جلاله
اتخضيت خضة وقعدت اراجع الموبايل ليكون انا بعتلها رسالة
مع اني متاكدة لان رصيدي مفيش اساسا
وكل الي جاي عليا اني مذهولة ومعرفتش انام وقعدت افتح الرسالة واقراها تاني وعاشر

طولت عليكم في الموقف

بس السؤال :-

هل فعلا زي مبيقولو لو انت بتفكر في حد اوي ممكن تلاقيه قدامك؟
او تلاقيه بيكلمك؟

هل دي حقيقة ولا اسمها ايه؟

/

ايميليا

[فتحى عيسى]

ربنا رب قلوب سبحانه وتعالي يعلم ما في النفوس
ويعطي كل صاحب نية علي قدرها
لاشئ بعيد القلوب تتآلف حتي من بعيد
أحييكِ وطريقة سردك وقلمك الجميل
سلمتِ والنبض
مودتي وإحترامي

[™Amiliya]

اقتباس المشاركة الأصلية كتبت بواسطة فتحى عيسى ربنا رب قلوب سبحانه وتعالي يعلم ما في النفوس ويعطي كل صاحب نية علي قدرها لاشئ بعيد القلوب تتآلف حتي من بعيد أحييكِ وطريقة سردك وقلمك الجميل سلمتِ والنبض مودتي وإحترامي

فعلا تآلف قلوب في الحظة الي بفكر فيها هي بتفكر فيا
الحب بين الاصدقاء عمق جدا استاذي

نورتني بطيب ردك وتواجدك الاجمل

[دمعه حائره]

ايوة حقيقه وبتحصل معايا وكمان حتى لو حد اتوفى بجيلى فى المنام
ده ترابط روحى لما بتكون العلاقه مخلصه والحب حقيقى
ربنا يخليكوا لبعض

[Lamees]

فعلاً ده حقيقة ايمي
الارواح الطيبة تتآلف
وانتي لما دعيتي كأنك بعتلها رسالة
وهي حست بيكي لانكم متبادلين الشعور بصدق
وعشان كده جاتلك رسالة
ربنا يجمعكم على خير

[انجي_1]

بتحصل اوي
سعات بتكوني بتفكري ف شخص معين تلاقيه رن عليكي او بعت لك رسالة ف نفس الوقت
انا حصلت لي بجد وفهماكي
ربنا يقربكم من بعض يارب
ولا يحرمكم من بعض ابدا

[جبل عالي]

فعلا بتحصل يا إيمي صدقي اللي حصل

وده عشان أرواحكم صادقة ونقية

فشعورك وصل لها بطريق أو بآخر

عموما عن نفسي بأؤمن بيها فعلا وبتحصل كتير

معايا ..... ربنا يخليكم لبعض وتفضل الروح دي بينكم


تسلمي للحظتك النقية والتي شاركتينا إياها معك


تحيتي لروحك الراقية

[™Amiliya]

اقتباس المشاركة الأصلية كتبت بواسطة دمعه حائره ايوة حقيقه وبتحصل معايا وكمان حتى لو حد اتوفى بجيلى فى المنام ده ترابط روحى لما بتكون العلاقه مخلصه والحب حقيقى ربنا يخليكوا لبعض

فعلا حتى دايما بشوف جدي وجدتي باستمرار واحس بوجودهم معايا

يخليكي يامنونة

[™Amiliya]

اقتباس المشاركة الأصلية كتبت بواسطة ro♥ony فعلاً ده حقيقة ايمي الارواح الطيبة تتآلف وانتي لما دعيتي كأنك بعتلها رسالة وهي حست بيكي لانكم متبادلين الشعور بصدق وعشان كده جاتلك رسالة ربنا يجمعكم على خير

فعلا تبادل الشعور والروح الوحدة هي الي جمعت قلوبنا سوى

نورتيني روني بردك الحلو

[™Amiliya]

اقتباس المشاركة الأصلية كتبت بواسطة انجي_1 بتحصل اوي سعات بتكوني بتفكري ف شخص معين تلاقيه رن عليكي او بعت لك رسالة ف نفس الوقت انا حصلت لي بجد وفهماكي ربنا يقربكم من بعض يارب ولا يحرمكم من بعض ابدا

جميل ان في حد زي ههههه نورتيني ياعسل