حلمنتيشى وحلمنتوش ..تابع مسابقه حلمنتيشى

[صمتى كلام]

حلمنتيشى
.
صوتك يعلى تعمل ظيطه

يبقى مكنانك خرم فى حيطه

اخدو فلوسى سبولى حديده

بس انا عندى فكره جديده
.
حلمنتيشى
.
..
...
حلمنتشيى ...وحلمنتوش

بكره عايزكم تبقو وحوش

احنا هننزل نعمل ثوره

اوعو تخافو من الخرطوش

ولما الشرطه تضرب غاز

حط كمامه وماتشموش
.
..
...
حلمنتيشى خضنا معارك

بس اخيرا شيلنا مبارك

ثوره بجد حقيقى تمام

ربك سهل ربك بارك
.
..
...
مسك العسكر ساب العسكر

عملو المجلس حلو المجلس

انتخابات استفتاء شعبنا طيب

لا ده غباء
.
الكرسى فاضى احكم ياقاضى

مرسى شفيق قاضى جريئ
.
مرسى هيحكم الله اكبر

كل الشعب خرج بيكبر
.
مرسى هيحكم
.
لسه هيحكم

روحت منادى حلمنتيشى وحلمنتوش

احنا هنخرج نعمل ثوره

شيلنا مرسى رجعنا وحوش
.
رجع العسكر حظر تجول

هى الدايره هتخلص امتى

انا مش عارف انا مش فكر

ادى الشعب لما يقرر
.
انا عايز اكل وانا عايز ألبس وانا عايز اصرف

حلمنتشى هنعمل ايه

نعمل ثوره تانى ياحج لا يابيه
..
يبقى هنسكت لامش نسكت نسكت ليه
.
ياعم ...حلمتش.... الحق شوف

اللى هيخرج تانى فى مضاهره

هيبقى خروف او ارهابى او مخطوف

اوعى ياحج فى يوم تتهان

اوعى تقول انا من الاخوان

ألبس طرحه

ونام فى البيت زى النسوان
.
حلمنتيشى وحلمنتوش

مش اخوان

[جبل عالي]

ايه يابني ده ؟؟؟؟؟؟؟؟

بجد هيا دي الحالة اللي صبحنا فيها

لاعارفين فين الصح ولا عارفين مين الغلط

كله بقا لخبطة وحاجة فشوووووش


صح والله لسانك بس ده حال مانسكتلوش


برافو صمتي حقيقة مرسومة

بكلمات حلمنتيشية صح



موفق ان شاء الله دايما

ويارب من الحال ده بقا نفوووق

[فارس الكلمة]

صمتى كلام
هنا كلامك كان كلام
حقيقى وواقع مش كلام
وصفت الحالة فى أحلى كلام
ذكرت مرسى وقبله مبارك السلام
موفق صمت بعد ذكرك للكلام
مررت بك فعجبنى الكلام
تقبل مرورى والسلام

[صمتى كلام]

اقتباس المشاركة الأصلية كتبت بواسطة جبل عالى ايه يابني ده ؟؟؟؟؟؟؟؟ بجد هيا دي الحالة اللي صبحنا فيها لاعارفين فين الصح ولا عارفين مين الغلط كله بقا لخبطة وحاجة فشوووووش صح والله لسانك بس ده حال مانسكتلوش برافو صمتي حقيقة مرسومة ...................... بكلمات حلمنتيشية صح موفق ان شاء الله دايما ويارب من الحال ده بقا نفوووق

...............
سيدتى
حبل عالى
نورتنى
وادى حال البلد
ربنا يستر على الناس الغلابه اللى مش عارفه تعيش
وللى مش لاقين غطا فى البرد

[صمتى كلام]

اقتباس المشاركة الأصلية كتبت بواسطة فارس الكلمة صمتى كلام هنا كلامك كان كلام حقيقى وواقع مش كلام وصفت الحالة فى أحلى كلام ذكرت مرسى وقبله مبارك السلام موفق صمت بعد ذكرك للكلام مررت بك فعجبنى الكلام تقبل مرورى والسلام

...............
فارس الكلمه نروتنى كثرا
انت ايضا لك طله خاصه
لا تغيب ابدا

[العاشق الذى لم يتب]

شوف ياصحبى
خيرالكلام ماقل ودل
المصريين ليهم ربنا
لازم الكل ينادى وهو ساجد
يارب
علك بالظالمين
أنصرناعليهم نصرمبين
شكرا لك اخى
جليل وعظيم
هو الطرح
قبل أن يكون العظيم الحلمنتيشى
بالتوفيق لك
تحياتى

[صمتى كلام]

اقتباس المشاركة الأصلية كتبت بواسطة الرجل المتواضع شوف ياصحبى خيرالكلام ماقل ودل المصريين ليهم ربنا لازم الكل ينادى وهو ساجد يارب علك بالظالمين أنصرناعليهم نصرمبين شكرا لك اخى جليل وعظيم هو الطرح قبل أن يكون العظيم الحلمنتيشى بالتوفيق لك تحياتى

................
اكيد لازم ندعى
فى الوقت الصعب ده
نورتنى يا رفعت

[أحمد الجمل]

الله الله الله
راااائع أنت أخي الفاضل
ورائع ما جاد به قلمك
سلمت وسلمت يمينك
تحيتي ومودتي
وتمنياتي لك بالتوفيق كله
دمت في حفظ الله

[صمتى كلام]

اقتباس المشاركة الأصلية كتبت بواسطة أحمـــ الجمل ـــد الله الله الله راااائع أنت أخي الفاضل ورائع ما جاد به قلمك سلمت وسلمت يمينك تحيتي ومودتي وتمنياتي لك بالتوفيق كله دمت في حفظ الله

...................
صديقى احمد الجمل
نروتنى ياغالى
لا تغيب