الشتـــآ اللــي فـــآت

[Şα3Đ..♥]

فاكره ف نص ديسمبر تحديدا فـ الشتا اللي فات لما الدنيا كانت بتمطر والناس نايميين والجو سكات انا كنت ساعتها مستنظر قلبك علشان يحكيلي حاجات وبرغم الوقت المتاخر والبرد القارص اللي يعور انا كنت مصمم ومقرر استناكي ولو لساعات اصل انا قلبي يا عيني متبهدل ولا عارف لا ينام ولا يسهر ولو قولت يا قلبي لا استرجل يعملي من الحبه حاجات فـ فضلت قاعد وسط الضلمه مستني من ييجي الساعه سابعه مستنظر من الحلوه مكالمه وانا حاضن نفسي من الصاقعه وبرغم البرد ده واللاسعه نار قلبي احر من الجمره واللهفه داهيا ماهيش نافعه معزور ما هي دي اول مره مالهووش ف الحب ولا سابقه ولا حتي حوار من الحوارات وفجأه رساله جت كلمني حسيت ان انا قلبي اتشال او هينط وييجي يشيلني ما انا كنت فاكر انه محال انا قلت هرن وهتكلم وهقولها كل اللي ف قلبي وهقولها ان انا بتالم لما بتسيبني ابقي لوحدي وشويه كلام ف الحنيه وشويه هزار وجد شويه لكن اللي ما كان ع النيه ان قلبي اللمض اتلجم ونسيت كل اللي هيتقال وبدأت بئه تتكلم هيا وانا قلبي دودودودودم شغال وانا المحلها وتلمحلي وقضينا الليله ف استهبال ووعدتها نتقابل تاني يوم علشان عايز اقول ع حاجه بس ده طبعا كان مفهوم ومكنتش ابدا محتاجه غير اني اجيبلها هديه وكام ورده واهديها اغنيه واتكلم بحنان ورومانسيه وهخلي للدنيا دي معني ودخلنا ف قصه وحب وشوق والدنيا حلٍّفنا هتروق لكن خدعتنا خدتنا لفوق وظروفها زقتنا وقعنا وحلفت تاني لتفرقنا بعد ما كانت بتجمعنا ورجعت تاني اقعد ف الضلمه لكن الفرق ان انا دلوقتي مبقتش استني اي مكالمه ولا باخد بالي من وقتي ولا بشغل بالي بالساعه سابعه ولا اي رساله اتبعتتلي انا بس بقيت حاسس الصاقعه اكتر ف الشتا لما بعدتي ولما بييجي الدفا واتدفي او تيجي الدنيا تاني وتشتي افضل انا ف الاوضه بتاعتي واقعدت زي العاده ف سكات وبقيت اكره شهر ديسمبر علشان فكرني بحاجات وبقيت اكره الشتا الـ جاي والشتا دلوقتي واللي فات عن تجربه شخصيه

[دمعه حائره]

قصة شتا كلها ذكريات عبرت عنها بروائع الكلمات
تسلم ياسعد ابدعت

[روح صامتة]

الفكرة حسيت ناس كتير عبرت عنها
المميز بجد في كلامك المصطلحات وازاي بتركب الكلام على بعض
وبعدين شتا هيعدي وهيتغير الجو ويبقى ربيع
رفه عن نفسك ^^
تقييمي وخمس نجوم
ارق تحياتي

[a7med -3del]

موضوع كلامه حلو وكتير

فى بعض الكلمات زى هاتعور ممكن مكنتش قولتها

بصرف النظر عن اى حاجة

انت كنت مبدع بجد

تحياتى

[العاشق الذى لم يتب]

الحب تحت المطر
ياراجل تسيب روحه فى السقعة لحدالساعة سبعة
بذمتك دى حكاية نفعة
آه منه الحب أصلا بيخلى البرد نارولعة
والضلمة تبقى مليون شمعة
والأنس والفرحة مجتمعة
هو الحب وبس من غيره ماتكونش الودن سامعة
بس ليه هى تطلع قليلة ذوق كده وتسيبك مع الضايعة
ربنايخلف عليك ياأخويا سعيد ولاسيد
مابعرفش انجلش
المهم انت رائع وفنان ورسمت لينا أجمل معزوفة عاشق
أخد زيى حلاتى زمبة
آه ياصحبى الدنيا حظوظ
ربنايعوض علي وعليك
تحياتى

[جبل عالي]

كلمات جميلة وسلسة وسهلة

كعادتك بقلم وحروف راقية

تحيتي وتقديري

[Şα3Đ..♥]

اقتباس المشاركة الأصلية كتبت بواسطة دمعه حائره قصة شتا كلها ذكريات عبرت عنها بروائع الكلمات تسلم ياسعد ابدعت

متشكر جدا جدا جدا
ديما بتحرصي علي انك تكوني اول رد
تسلمي يارب علي المتابعه
ومتشكر جدا علي تقييمك