آه يابلد _ حصري _

[فتحى عيسى]

كانت اللقمة جارحها الشوف ...
ومعدي ...
كانت الكلمة سارقها الخوف ...
ومهدي ...
كانت العيشة ماليها السم ...
من بدري ...
كانت الضحكة في عز زعلها ...
بتنسي الهم ...
حتي النكتة يوم ماصابتها ...
عيون الغم ...
نسيت روحها ...
لما شافت بقع الدم ...
طلعت تجري من حواليها ...
وصوتها بيزعق من جواها ...
في إيه ياخلق ... في إيه ياعم ...
دول ناسي ...
ودول أهلي ...
والدم ده دمي ...
أه يابلد ...
قمنا نطفي حريق أيامنا ...
ولعنا فيها ...
نزيح أوجاع سكتنا ...
غدرنا بيها ...
نبني ...
هدمنا ...
نعلي ...
ردمنا ...
نسقي زهور الأمل ...
شربة أمل ...
سقيناها ...
حقد وغل ...
وفرقة وألم ...
آه يابلد ...
فتحي عيسي
الرياض
مساء الجمعة
13-12-2013

[دمعه حائره]

كلمات كلها حسره وألم على حال بلد بيقتلوها ولادها بأديهم
ربنا يصلح الحال ويولى من يصلح
تسلم اخى ابدعت

[جبل عالي]

وآآآه ومليووون آآآه يابلد

بضم صوتي لصوتك

بجرح القلب ونزف الدم

بقت حياتنا غم فى غم

إسترها ياااارب



حقيقي صورت واقع موجود وملموس

وبالعكس صبح بزيادة حتى بين الأهل


كل الشكر والتقدير لروعة القلم


تحيتي واحترامي

[صمتى كلام]

وانا كمان بضم صوتى لصوتكم
مصر ماشيه فى سكه ما علم بها الا ربنا
ربنا يستر
تسلم ايدك اخى

[رضا التركى]

يشرفنى أنا أيضا الإنضمام لصوتك

جرى ما جرى كلٌ يجرى نحو غايته والمراد

عوقبت اللحى وتركت الراقصات فى عصر الإستبداد

سفهاء القوم صاروا حكماء عصرهم ويظنون أنهم قوم عاد

ارتجلت فى الحديث معك وأقول (إن الله بصير بالعباد)

[فتحى عيسى]

اقتباس المشاركة الأصلية كتبت بواسطة دمعه حائره كلمات كلها حسره وألم على حال بلد بيقتلوها ولادها بأديهم ربنا يصلح الحال ويولى من يصلح تسلم اخى ابدعت

شكرا علي هذة الإطلالة العطرة بطيبها الغالي
والتفاعل النقي الحاضر دوما بشفيفه الجميل
بوركتِ
مودتي وإحترامي

[انطون سابا]

لو كان كل واحد راجع ضميره قبل مايسوق الغم لغيره كانت الدنيا بألف خير ولا اييييييييييييييييه

[فتحى عيسى]

اقتباس المشاركة الأصلية كتبت بواسطة انطون سابا لو كان كل واحد راجع ضميره قبل مايسوق الغم لغيره كانت الدنيا بألف خير ولا اييييييييييييييييه

فعلا عندك حق
منتهي الرقة منتهي الرومانسية
منتهي الادب منتهي الاخلاق
برافو
بس دخلت ليه !!!!!

[فتحى عيسى]

اقتباس المشاركة الأصلية كتبت بواسطة جبل عالى وآآآه ومليووون آآآه يابلد بضم صوتي لصوتك بجرح القلب ونزف الدم بقت حياتنا غم فى غم إسترها ياااارب حقيقي صورت واقع موجود وملموس وبالعكس صبح بزيادة حتى بين الأهل كل الشكر والتقدير لروعة القلم تحيتي واحترامي

ربنا كريم إن شاء الله ستمر هذة الحالة
وسترجع مصر أحسن مما كانت يارب
القديرة جبل عالي
شكرا علي تشريفك الغالي
وتفاعلك الراقي برقي شخصك
وذوقك الكريم
بوركتِ
مودتي وإحترامي

[ويبقى الأثر]

زى مايكون بنيجى نكحلها نعميها
زمان درسنا بالدراسات الاجتماعيه ان من اسباب نهضة مصر
الايدى العامله
للاسف دلوقت بقت ايدى مدمره
بدال مابنعمر بقينا ندمر
ربنا المستعان وقادر يصلح الاحوال
دمت ايها الراقى
ودام رقى القلم والفكر