جاتلي عقدة نفسية ^ـــــــ^

[Lamees]

اول ما ربنا كرمنا كده وبقى عندنا عربية
طبعاً بيسوقها اخويا الكبير وفي يوم بقى
صمم انه يعلمني السواقة وكان ضاربة في دماغه اوي
المهم انا ماليش في حوار السواقة ده
وافقت اروح معاه وخدنا كام عيل معانا كده من العيال نفسحهم معانا
طبعاً احنا عندنا قريب مننا مطار هليكوبتر
رحنا هناك مفيش عربيات وبراحتي بقى
اول درس تلقيته صح
ونجحت فعلاً اني ادور العربية
واعمل المعجزة الكبرى ان العربية تتحرك
من على الأرض اصلاً وتمشي
فعلاً مشيت بالعربية على الأول
ولفيت بيها
انتهى الدرس الأول بسلام وسكينة
وكنت فرحانة
دخلنا على الدرس التاني
وهو اني اخذ الغيار التاني بدون ما تتوقف العربية
قشطة دخلنا على التقيل ههههههههههههه
شغلت العربية وخدت الأول وطلعت وفي ثواني فصلت الأول
واخذت التاني وطلعت لحد كده مفيش مشكلة خالص
المشكلة بقى وانا بلف بعدت قوي عن حدود المطار
وخرجت عنه وبقدرة قادر لقيت قدامي حجر كبير اوي
عامل زي صناديق القمامة الكبيرة
ظهر امتى ده الله اعلم
طبعاً ارتبكت ونسيت كل التعليمات
وسبت ايدي ورجلي من على كل حاجة
وسبت العربية لبست في الحجر
تتوقف العربية ومعها قلبي توقف
حاولت استوعب المصيبة اللي عملتها
المهم ماذا كان ردة فعل اخي
ليلتنا فل ولا حاجة باين كده
طبعاً بما ان دي كانت رغبة اخويا مقدرش يتكلم معايا
والغريبة انه كان بيضحك ههههههههههههههه
المصيبة بقى ازاي هنرجع بالعربية بالشكل ده
وكان يوم جمعة وكل ورش تصليح العربيات قافلة
وخصوصاً السمكرة
المصيبة الكبرى في المبلغ اللي هتتكلفه العربية
حاولنا نلملم على قد ما قدرنا المصيبة
وشغلنا العربية من تاني والحمد لله انها دارت
وكنا نعرف سمكري رحناله البيت وخدناه الورشة
وقلناله اشتغل مينفعش العربية دي
ترجع البيت بالشكل ده
الراجل الله يستره وافق وابتدى يرد الخبطات اللي فيها
واشترينا اكصدام جديد وهكذا
انا رجعت البيت ولا من شاف ولا من دري
وكنت مقضياها موبيلات معاه اطمن على العربية
واخويا طلعت عينه بس لما سألوا عليه قلت عند اصحابه وكده
اتكلف الموضوع 2000 جنيه المهم ربنا كرمنا انا واخويا ولمينا الموضوع
قبل محد يعرف حاجة المهم بعدها بكام شهر اقنعناهم انهم يبعوها ويغيروها
وحصل الحمد لله
دلوقت بقى انا جاتلي عقدة نفسية من تعلم السواقة
ومش بفكر خايفة اركب عربية تاني وخصوصاً عربيتنا
لان الخبطة في العربية دي مش هتتكلف 2000 جنية
ده ممكن تبيعني اللي ورايا كله ههههههههههههه
وطبعاً عشان اتعلم في المرور مش هينفع اركب مع حد غريب
قولولي بقى اعمل ايه

[واد حبيب]

طيب اوعي تتعلمي السواقه اصل كده انتي علي خراب
ههههههههههه
ربنا يكرمك كده وتتعلمي السواقه بس خالي قلب جامد شويه

[morshooo]

انا بقول اخوكى يعلمك السواقه فى الشقه الاول

بعد كدا تنزلو تكسرو فى اى حاجا ^_^

واخوكى ماشفش الحجر هو كمان ليه كان قاعد سرحان

بس يله احسن برضو انكم دفعتو المبلغ دا

وبعدين منين دخلتى فى حجر ووصل للأكصدام

دا عمود بقا مش حجر

[فارس الكلمة]

بلاش تتعلمى وريحى نفسك
أو أدفعى فى المرور وطلعى الرخصة
أو أنسى موضوع السواقة
أختارى اللى يريحك
وفى الاخر تقبل مرورى

[Lamees]

اقتباس المشاركة الأصلية كتبت بواسطة واد حبيب طيب اوعي تتعلمي السواقه اصل كده انتي علي خراب ههههههههههه ربنا يكرمك كده وتتعلمي السواقه بس خالي قلب جامد شويه

واي خراب انت بتقول فيها
بس هو استجدع معايا ومدفعتش المبلغ لوحدي
وقلب جامد ده اجيبه منين ^ــــــــ^

[Lamees]

اقتباس المشاركة الأصلية كتبت بواسطة morshooo انا بقول اخوكى يعلمك السواقه فى الشقه الاول بعد كدا تنزلو تكسرو فى اى حاجا ^_^ واخوكى ماشفش الحجر هو كمان ليه كان قاعد سرحان بس يله احسن برضو انكم دفعتو المبلغ دا وبعدين منين دخلتى فى حجر ووصل للأكصدام دا عمود بقا مش حجر

تفتكر ممكن العربية تلف في الشقة
هو شاف الحجر وياريته ما شاف
قعد يقولي انتي رايحة فين خلي بالك لفي بسرعة
وانا كنت بلف الدريكسيون وكاني بلف البسكوته في الشاي
قمت بقى لبست العربية في الحجر
وانا مالي بقى على رأي وردة
وبعدين بقولك حجر كبير وعالي
جاب الاكصدام واللي اتشددلوا كمان ^ــــــ^

[Lamees]

اقتباس المشاركة الأصلية كتبت بواسطة فارس الكلمة بلاش تتعلمى وريحى نفسك أو أدفعى فى المرور وطلعى الرخصة أو أنسى موضوع السواقة أختارى اللى يريحك وفى الاخر تقبل مرورى

ما انا لازم اتعلم محدش يضمن الظروف
واني ممكن احتاج اخرج بالعربية لوحدي
لازم يكون في حد تاني بيسوق في البيت
شكراً لمرورك

[فارس الكلمة]

خلاص هات لك سواق خصوصى والعربية عندك
منها ما توجعى رأسك من التعليم
ومنها البطالة تقل واحد
وأنا عارف لكِ سواق درجة أولى ممتاز

[واد حبيب]

اقتباس المشاركة الأصلية كتبت بواسطة ro♥ony واي خراب انت بتقول فيها بس هو استجدع معايا ومدفعتش المبلغ لوحدي وقلب جامد ده اجيبه منين ^ــــــــ^

ما انتي لو عملتها تاني هتدفعي المبلغ لوحدك
عوزه قلب جامد في السوبر ماركه في قلوب جامده كتير
ههههههههههههههههههههههههه

[دمعه حائره]

هههههه
عادى يارونى بتحصل لكل اللى بيتعلم وهاتبقى اشطر واحده بعد كده
اسألينى انا ياما عملت انبهارات
بلاش تفرحى فينا الولاد