ماما قالتلى..

[ويبقى الأثر]

مَاما قَالتلى

كَبرى قَلبك سَامــــحِى النْاس
خَليه أبْيــــض زَى الْـــمـَـاس
مَهما يِحاولو يِطَفوا مَلامحِك
الــكُره يَابنــتى مِن الوسْواس

**********************

كَلامك أُمى فُوق الـــــــرَاس
لَكن تِرضى أبْقا مَــــــــدَاس
انَـا دَلوعْــتِك مِنه حَبيبــــــتك
هَيقولوا ضَعيفه سَهله تِنـدَاس

**********************

يَابنتى الطِيبه هِى أسَـــــاس
القوه بقَلبك تِديكى حَمــــاس
لَو يُوم الكُره إتْمَلْك مِـــــنــك
هَيضَيع فِيكى أجْمل إحسَاس

**********************

لازِم يِدوقُوا يَاأُمى الكَـــــاس
البَادى أظْلم والراس بِالـراس
سَامحت كتِيروسمعت نَصيحْتك
كُل اللى نَابنى وجَع مَايِنــــقَاس

***********************
أصْبرى هَتشُوفى مِين رَاح يحْتاس
القَلب الطَيب ولا الخَنَــــــــاس
ربنَا يهْديكى ويرَيح قَلبـِــــك
واشُوفك بِعينى ف السْما نِبراس

[فتحى عيسى]

والله من غير متفكري ولا تعندي ولا تكبري علي نفسك عندها حق ونص وصدق اللي منك إيشحال بقي لو كنت أغلي وأعز الناس أمك
رأئعة المعني والحس والإيقاع
أحييكِ وجمال قلمك
سلمتِ والنبض
مودتي وإحترامي

[جبل عالي]

اسمعي كلامها ده كله إحساس

خارج من القلب وماليه إخلاص

وانسي أي نفوس جواها وسواس

عايزة الحق يابنتي طيبة القلب

تمنها كبير مايقدر عليه كل الناس






جميلة الكلمات وجميلة النصيحة

وردك عليها للأسف هو الحقيقة


تسلمي غاليتي لروعة الإحساس والوصف

[همسه دموع]

جميله تسلمى وربنا يخاليها ليكى يارب

[SiLver Spectra]

مع اني مش من رواد القسم بس الكلمات عجبتني

[Arco Baleno]

ما شاء الله تبارك الله حقيقي احساس عالي وفن كتابي متميز مبدعه وقلمك مميز

[صمتى كلام]

اسمعى كلام ماما احسن
الشعب المصرى طيب بطبعه
بس الاغبياء فقط من يظنون ان الطيبه دى غباء
وعند الحاجه يظهر الشعب المصرى مثل المارد الجبار الذى تخشى منه امريكا
وكل دول العالم
.......
لا لن ننسلخ من طيبتنا مهما حدث الا اذا مس الوطن سوء لاقدر الله
تسلم قيثاره

[Islam Hagras]

كلمات جميلة
ولها معانى عظيمة

سيبك من اللى فات
خليكى صامدة فى كل الأوقات

تحياتى على فنك الراقى ..

[دلوعة EGYPT]

كلااااااااااااااااام بيجنن بجد
سلمت الاياااااااااااااااادي على الطرح الرااااااااااااااااااائع

[فارس الكلمة]

قيثارة الصمت
فعلا حوار راقى جدا من أمة واعية
توصى البنت فيه بكل المعانى السامية
راق لى الحوار كثيراً وضاع منى الرد على الكلمات
أحيانا يعجز القلم ولا يجيد العبارات
فالمرور فى ساحة الجمال جمال
والفائدة كثيرة فى كل حال
هنا رأيت حوار متناسق بين الأثنتين
الأم توصى البنت بالتحلى بأخلاق الدين
والبنت تنساغ لكلام أمها
سلمت يداك
وتقبلى مرورى