يوم من الأيام فى يوميات الأعضاء

[ساحر الأحزان]

بسم الله الرحمن الرحيم

فى داخل كل واحد منا يوم مر بية فى حياتة هو الأيام كتير

بسى فية يوم بيفضل فى ذاكرتك

يوم بتتعرض فية لموقف

سوء ظريف وخفيف ولا بيكون دمة تقيل

مفرح ولا يوم لا ينسى

موقف ظل محفور بذاكرتك

ولم تغيرة الأيام؛

دونتة فى أجندتك بورق فية ورد وقلوب ولا ورق عادى !

سيفت الى حصل ليك وسجلتة على جهازك ؛

عقلك الباطن والظاهر بيفضل متذكر

ولا سجتلة فى صفحتك المكشوفة

باليوم والتاريخ والساعة أن لم يكن بالدقايق

بسى أين كانت حتفضل ذكرى

بتفتكرها بحياتك

ألى حابب يعرض يتفضل وألى ما حابب

برضة يتفضل يشاركنا ؛

ليس المهم الذكريات المحزنة ؛

فقط تذكر الشىء الحلو بحياتك

وألى فاتك بأيدك تنساة وأن ظل أن كان حلو أفتكرة

وأن كان وحش أنساة ؛

يوم من الأيام فى حياة الأعضاء

[ملك جبال الاحزان]

فكرة جميلة طبعا استاذ أمجد
ويارب تبقا كل الذكريات مفرحة اللى تطرح هنا

[Lamees]

دي هتبقى فضايح علني ههههههههههههه
جميل اوي الذكريات وخاصاً المفرحة منها

[روح صامتة]

*

انا فاكرة معرض الانجليزي اللي كننا عاملينه بالتعاون مع مدرستنا
ان احنا الجروب الوحيد الي مخلصش اي حاجة قبل يوم
كل الناس ركبت ولزقت وحضرت واحنا زي ما احنا
لغاية ما ف الاخر انا نزلت وجبت كل حاجة
وقبل المعرض بساعتين فرشنا القماش وركبنا الصور وكل حاجة
كان معرض مسخرة اساسا ^^
لان كان فيه حضور كتير .. احنا اتفقنا لبسنا يكون رسمي لبسنا كرافت
غير الباقيين كان شكلنا انيق .. فيه ناس كانت عاملة عن ديزني فلبسهم كله حركات
وفيه عاملين عن بيت الرعب فلابسين زي مصاصين الدماء
وفيه عملوا عن سوريا وفيه عملوا عن يوم البيتزا العالمي وفيه عملوا عن الصين
في الاخر فيه رقصة كده جماعية بتبدا بواحدة ف النص
بعدين اتنين بيعدين يزيدوا لعشرة عشرين
وممكن تلاقي ابلوات حفظوها فيدخلوا معانا ^^
انا دخلت ف اخرها بقه
واصحابي صوروني وانا باكل من ورايا :d
عشان كننا عاملين محتوى الموضوع عن دولة مصر الشقيقة ^^ )
وكننا جايبين من الاكل المصري يعني ^^
:d
كان الحوار دا من ثلاث سنين
بس كان يوم جميل بصراحة ..

[جساس]

هههههههههههه
فيه ذكريات جميله
سوف اسجل واحدة منها هنا
في يوم ما كنا في المسجد ليلة الجمعه
وكنا عاملين حلقة قرآن نقرأ سورة الكهف
وكنت حينها في ثاني او ثالث إبتدائي ومش عارف
اقرأ السور الكبيرة حدودي عند جزء عم فجاء الشيخ
وقال نقرأ سورة الكهف ،،، في تلك الليلة أنا حسيت
اني في الكهف فعلا
الشاهد في القصه هذه أنني حسبت بسرعه الشيخ
بيسمع لكل واحد مننا آيه فقمت حسبت كم قبلي من
الأشخاص ومن ثم حسبت الأيات وحاولت أن أحفظ الآية
التي سياتي عليها الدور عندي وحفظتها صم على قدر
مقدرتي في ذلك العمر لأن الشيخ كان يرد كثيرا على زملائي
ونحن كلنا من مرحلة الإبتدائي
المشكله في هذا كله أنه قبل أن يصل الدور لعندي بشخص واحد
قام الطالب اللي جنبي وفي هذه اللحظه ما عنديش الفترة الكافيه
اعيد ترتيب الأوراق لأن الدور عندي فرجعت للأية التي قبلها وكانت
اطول من الآية التي كنت مجهز نفسي اقرأها وحدث ما لم يحمد
عقباه هههههههه لخبطه وأخطاء حسيت أني وسط البحر مش عارف
من وين المخرج هههههه وهذه من ضمن الذكريات أيها الساحر هههههه
اشكرك على طرح موضوعك

[انجي_1]

يوم وفاة امي الله يرحمها
كت ف بيتي ومكنش عندي خبر انها بتحتضر
محدش قال لي كانو خايفين عليا وخبو عني انها تعبانة اوي
وانا كت عندها من يومين كانت كويسة شفتها وروحت
بس بعد يومين ماتت وانا مكنتش جنبها ولا شفتها لاخر مرة
فلما ماتت الساعة 12 الظهر ف البيت
بعتو لي ابن خالي عشان يقول لي تعالي
بس قالو له متقلش ان امها ماتت
قول لها تعالي امك تعبانة وعاوزة تشوفك بس
انا قلت له روح وانا جاية وراك
لما رحت بيتنا لقيت البيت مليان بشر والحي فيه العزاء وناس كثيرة قدام بيتنا
انا خلاص معدش في رجلين اقدر اقف عليهم اتخضيت وحسيت
لما دخلت الحي جات ست ضمتني وقالت لي ربنا يشفيها
كملت طريقي لغاية البيت وانا طالعة خلاص عرفت اني امي ماتت خالي ضمني وابتدى يعيط
انا مصدومة ودخلت بقول للستات اللي قاعدة ف بيتنا فين ماما
ماما راحت فين ومش بعيط بصرخ وبدور عليها بس
ولما دخلت الاوضة ولقيتها ممدةة ميتة جثة من غير روح
كت هجنن
المهم دي من اصعب المواقف اللي حصلت لي في حياتي
الله يرحمها يارب ويحسن اليها

[™Amiliya]

فكرة من اجمل مايكون امجد

بترجعنا لمحطات محتاجين نعيد يهكلة انفسنا معاها

تسلم ايدك

ليا عودة

[حَرفُُ هجآءّ]

فكره جميله امجد
امممم
وان شاء الله ليا عوده

[انجي_1]

موقف بقا حصل لي زماااااان وانا صغيرة
كت لسة ف ابتدائي
كت جاية من المدرسة بلعب ف الطريق وبتنطط
شوية هوباااااا وقعت عالارض وكانت وقعة يعني مؤلمة وركبتي اتجرحت كده وقعدت اعيط وسبب الوقعة دي حجر كبير كان قدامي بس مشفتوش عشان كت بلعب ومش شايفة قدامي
عملت ايه بقا ؟؟؟؟ظظ وانا بعيط قلعت جزمتي وقعدت اضرب ف الحجر واقول له ليه وقعتني يا حمار يا كلب اتفو عليك وابكي والعيال بتضحك عليا
كانت فضيحة القرن انذاك
ف دي من الطرائف الغربية العجيبة اللي كت بعملها وانا صغيرة
وعلى فكرة عادة اني اضرب اي حاجة تضربني او تتسبب لي ف الم لسة فيا الحمد لله لحد الوقتي