ساعدونى !!!

مش عارفه ديه مشكله ولا ابتلاء من ربنا

معايا اختى عايشه معايا ف البيت هيا اكبر منى ومش عارفه ليه هيا زعلانه منى

ومخصمانى ولا بتكلمنى وكل حاجه مش عاوزنى اعملها ولا شغل ولا اى حاجه تانى
وتعبت مش عارفه ارضيها ازاى وبقولها الخصام حرام اكتر من تلات ايام
امال 5 سنين ربنا هيعمل فيكى ايه
ومصره ع خصامها مع اننا عايشين ف بيت واحد ولما تطلب منى حاجه بعملهلها
ةترجع تخصمنى تانى
ولا بترضى تعملى اى حاجه بطلبها منها

ساعدونى اعملها ايه
ولا اعمل ايه عشان تتغير ف معاملتها معايا


شكرا لاصحاب المنتدى انهم سابوا مساحه للغير المسجلين للفضفضه


ولكم جزييل الشكر وجزاكم ربى كل الخير

[دمعه حائره]

حاولى تكلميها بهدوء وتعرفى منها ايه مزعلها
مش يمكن فيه سبب وبيتكرر منك
او يمكن هى نفسيا مدايقه ومعتزله الناس
فى النهايه دى اختك استحميلها لحد ماربنا يهدى نفسيتها من ناحيتك

[شاعرة الرومانسيه]

طالما الخصام مستمر

يبقى السبب مستمر

حاولى تعرفى الى مزعلها واصبرى عليها

دى مهما كان اختك

وربنا يهدى الأمور بينكم يارب

[αЛαstoOorα]

عندها كام سنة ؟ وآنتى عندك كام سنة؟

والوالد والوالدة موجودين ولا ؟

[همسه دموع]

انتى اكيد عرفه سبب الخصام
ونصيحه بجد حولى تصلحيها انتى بعد الاخوات وربى مهتلقى حد
ربنا يصلح حالك

[MuSlem]

أخيتى الفاضله إسمحى لى أن أطرح بعض التساؤلات وانتظر إجابتها فى أقرب وقت إن شاء الله
- هل تداوم أختك على الصلاة والفروض اليومية ؟
- هل تعانى من أية أمراض تشتكى منها كآلام فى البطن أو القدم ؟

[۩۩ elMagic ۩۩]

انتى مجيبتيش سيرة والدك ووالدتك !
لو موجودين خليهم يتدخلوا ويشوفوا اختك مالها
يمكن فيها حاجه مش طبيعيه وبالتالي هتكون محتاجه مساعده
بس عمتا انتى هاوديها واعمليلها اللى عايزاه وحاولي تكسبيها
لغاية ما قلبها يصفى من ناحيتك ..

[انجي_1]

هي بتعمل كده ليه معاكي ؟؟؟؟
ايه السبب يعني ؟؟؟؟؟؟
على فكرة دي حجات بتحصل بين الاخوات فعلا
ربنا يعين اي حد عندو اخوات من النوع ده
وربنا معاكي
لو كانت اختك الكبيرة استحمليها عشان هي الاكبر
وليكي الاجر والثواب

[زهرة الياسمين]

انا كنت فاكرة ان الحالة دي مش بتحصل غير بين الصحاب
انصدمت معقولة حتى الاخوات ممكن يحصل بينهم كدة؟
ربنا يصبرك

[-esraa-]

هي يمكن طبيعتها كده يعني بتعاملك انتِ لوحدك ولا كل الناس بتعاملهم بنفس الطريقة ؟
لو انتِ لوحدك فحاولي تقعدي معاها وتفضفضوا لبعض وقوليلها لو صادر منك حاجة تضايقها وغيره
ربنا يصلح الحال ..