(ملك جبال الاحزان) في فسحة سماوية

[™Amiliya]

ضيفنا النهاردة في الفسحة السماوية شخصية مليئة بالحيوية والنشاط والضحكة شخصية ذواقة ومحترمة ومهذبة معايا ومعاكم ملك جبال الاحزان اهلا بك .... معنا اهلا بيكى أيمى 1- التفاؤل في حياتنا يشبه المطر ياتي بزخاته يرزقنا خير واكثر - مارايك بالتفاؤل؟ متفائلا بس مش دآيمآ لانى بخاف اتفائل وميحصلش الحاجه اللى متوقعها فا بتفائل بحظر / 2-لكل باب في حياتنا مفتاح له حجم وله ربما لون ماهي مفاتيح حياتك وابوابها؟ مفتاحى الوحيد اللى بعتمد عليه حب الناس اللى حواليه المفتاح ده ممكن يفتحلى اى باب عايز اوصله / 3-تقوم الكلمات في نفوس البعض كعامل السحر اين تاخذك الكلمات والمعاني ؟ انا من الناس اللى مش بعيش فى الخيال كتير مبتأثرش بسهولة بالكلمات بس يوم ما اتأثر بتقب فضيحة هههههه لان بعيش الدور اوى اقفل على نفسى ومردش على التليفون وحالتى تبقا كرب / 4- هل تخاف الموت ام الحياة بين البشر؟ وماذا يعني لك القبر حين تغمض عينيك؟ انا بحب الحياه واوقات كتير بفضل الموت بس انا نفسى اجمع اكبر ايجابيات فى حياتى علشان لما ادخل القبر واقابل ربنا مكونش خايف ماذا يعنى القبر ؟ بداية الحساب على كل اللى مريت بيه فى حياتى ونهاية حجات كتير اوى وحشه فى الدنيا / 5- مقولة قراتها ذات مرة تقول ( لا تتنازلو عن الاصدقاء السعداء فالسعادةعدوة ) ويقال ( ان كان لك صديق يعشق المطر فتمسك به) مارايك؟ انا بقا بحب اكون القاعده بتاعت المقولة الاولى بحب اكون عنصر السعادة انانى شوية انا عارف بس تانى مقولة من وجهة نظرى مش شايفهة قاعدة مشمعنا المطر ما ممكن يكون بيحب الصيف ويكون احسن المقولة الاولى حبيتها اكتر / 6- يقوم بعض الناس في حياتنا بدور الطبيب النفساني الذي نخبره بما يجولداخلنا بدون ساتر ، هل لديكِ هذا الصديق ومارايك في ان الاسرار وجدت لتبقىمدفونة؟ للاسف معنديش الصديق ده لان اقرب صحاب ليا خايبين هههههه وكمان انا مش من الناس اللى بحب حد يشخصنى ممكن تكون قعدت فضفضة لا أكثر اما الاسرار انا بكره حاجه اسمها اسرار بحب الوضوح دايما والاسرار بتولد الالغاز وانا مبحبش اكون موجود فى مكان فيه الغاز / 7- هل صحيح ان الانسان ياخذ شكل المكان وطابعه ام ان الاماكن في حياتنا مجرد جماد لا يعبر عنا ولا تعبر له؟ مش كل الاماكن ومش كل الناس لان في ناس بتحب البحر جدا وبتعتبر البحر اهم صديق ليها وبيبعدها عن الدنيا كلها عكسى تماما بحس ان البحر اكبر مكان غدار وببعد عنه دايما يعنى بشوفها حسب كل شخص وبالنسبالى مجرد جماد مبيأثرش التأثير االلى بيغير طابع الشخص / 8- اين تجد نفسك اكثر في فصول السنة وكيف تصفك الفصول؟ انا بحب الصيف جدا ومكنتش بفضل الستا وبعد اللى حصل الايام ديه من الشتا لو شوفته تانى هزعله كيف تصفنى ممكن ابدع الشتا بيقول عليا رخم والشتا اللى احنا فيه ده مقلش حاجه عليه لحد دلوقتى لانه مشفنيش خرجت من البيت خالص الصيف بيقول عليه مشاغب ميدو مشاكل الربيع بيقول هادى الخريف بقا والله ما اعرف اللى اعرفه ان بيقع فيه ورق الشجر بس مشوفتش الجو بتاعه بيبقا عامل ازاى ده / 9- للاحلام والامنيات الحظ الاكبر في تفاؤلنا بالحياة حين نرسمها او نؤجلها نبقى مدونين فيها وفي انتظار اكتمالها هل احلامك وامنياتك يعطيانك حق التفاؤل ام تجد ان مع الاحداث الحالية لا حلم يكتمل؟ انا بطلت احلم وديه حااجه اكيد غريبه بس ديه حقيقة انا حلمت بحجات كتير اوى صغيرة فى حياتى وعندى المؤهلات اللى تخلينى احصل عليها ومن غير اى تعب بس للاسف مأخدتهاش بسبب الفساد اللى فى بلدنا مرة على مرة مبقتش احلام لانى بخاف احلم حلم حتى لو بسي وميتحققش بتبقى صعبه اوى / 10- اضحك تضحك لك الدنيا وجاور السعيد تسعد امثال نقولها لكن هل نؤمن بها؟ الامثال المصرية كتير وكلها عن واقع بس انا مش بركز معاها الصراحة ولا بؤمن بقا ان بؤمن بالمجهود مفيش حاجه بتيجى من الهوا حتى لو كانت السعاده / 11- بين تفاصيل الوجه تجاعيد الزمن بماذا تتخيل قد تتاثر تجاعيدك؟ مش عارف بس لو وشى هيتأثر بالزمن اللى عيشته فى الـ 20 سنه دول بس مش هيبقا ليا وش كمان 4 سنين / 12- هناك كتاب نقراه وكتاب يقرأنا مارايك مادور الكتاب في يومك؟ الصراحة انا مش من معجبين الكتاب وده سبب فشلى فى الدراسة قرأت كتابين فقط فى حياتى (احلام المستغانمى و أحسان عبد القدوس (تقريبا) ) بس بس بشوف ناس كتير بتتأثر بالكتب بطريقه كبيرة وانا عن نفسى مبحبش كدة الصراحة / 13- الخير من الله والشر من البشر وتفائلو بالخير تجدوه ( مارايك) فكرت فيها كتير بس من وجهة نظرى ان الخير او الشر بيبقى الانسان سبب لا اكثر وكل واحد وربنا بيديله اللى بيستحقه / 14- التغير مطلوب والله لا يغير مابقوم حتى يغيرو مابانفسهم ع مر الزمن ماذا غيرت وماذا ابقيت في نفسك ؟ عمرى ما غيرت فى نفسى اى حاجه مش علشان انا ملاك ومفييش عيوب لا اكيد فيا بس معنديش القدرة ان اغير فى نفسى او يمكن ملاقتش الحاجه اللى تستاهل ان ااغير من نفسى ليها / 15- الحلم واليقظة والفغلة يجمعهم شيء مشترك ماهو من وجهة نظرك؟ لا الحقيقة مش عارف ايه المشترك بينهم !! 16-لاقرب لنفسك ولماذا الاخ -الصديق الاخ الاهم الصديق الاقرب بحكم السن والفضايح اللى بينا وكدة يعنى المراة –المال اكيد مش المال لان المال بيروح ويجى نقول المرأة الحب -الا حب الحب اكيد لان مفيش اى شخص يقدر يبعد نفسه عن الحب من حب الاخوه الصداقه حب الحبيب ايآ كان الشمس - القمر الشمس بحب النهار اكتر واكيد هتستغربونى بس انا بحب النهار عن الليل جدا علشان كدة انا مش قريب من القمر البيت - الحديقة معندناش حديقة وبقالى كتير والله مروحتش حديقة الحيوان البيت اكيد لانى لازق فيه دايما / 17- .كيف تتخيل ملامحك وروحك بعد 10 سنوات قادمة وقبل 5 سنوات كيف كنت ؟ قبل خمس سنوات كنت عايش احلى حياه فا ملامحى كانت عاديه وبعد 10 سنوات معتقدتش ان هبوظ هبقا عادى يعنى هيبقا عندى 30 سنه هبقا زى القمر زى ما انا كدة / 18- تبقى الحياة هي نافذة شرعت لنبقى او نرحل مالذي يبقينا احياء ومالذي قد يميت الحياة؟ اللى يبقينا احبابنا واصدقائنا اللى من غيرهم اى حياه بتبقى مملة لان محدش يقدر يعيش لوحده فترة طويلة واللى يموتها الغدر وقت الغدر الواحد بيحس ان حياته توقفت تماما ووقتها بيتمنى النهاية بنفسه لحياته ويارب ما حد يوصل للطريق ده / 19-امامك بابين احدهما المستقبل والاخر اليوم ايهمها تطرق وماذا تتوقع خلف الباببين؟ كنت نفسى تقولى بدل اليوم يبقا باب الماضى بس لو البابين دول اختار اكيد المستقبل لانى تعبت من اليوم حاسس انى مضغوط جدا وبحاول بقدر الامكان اطلع نفسى من الضغوط ديه / 20 ستذهب في فسحة سماوية لك حق الرفقة اختار رفقتك ؟ اللى اتمنى يكون معايا بره المنتدى اقرب صديق ليا فى حياتى كل المصايب بتاعتنا مع بعض لو بنت تبقى اقرب صديقه ليا بردوا وهى معايا فى الكلية / وقبل ان نغادر هل انت شخصية متفائلة؟ سعات وسعات بس وقت التفائل بيبقا تفائلى عالى جداا شكرا لروحك شكرآ ليكى وللاستضافه فى برنامجك الجميل

انتظروني وضيف جديد قريبا

شكرا لمتابعتكم

[ملك جبال الاحزان]

اتشرفت بالاستضافه الجميلة
فى برنامجك ايمى تسلمى ويارب يعجبك الناس بقا
واكون ضيف خفيف عليكم جميعآ
شكرا

[Lamees]

وما اجملها من فسحة مع روح مرحة
ميدو من الشخصيات الجميلة الخدومة
اجابات ميدو رائعة ولذيذة
كنت رائع ومعبر جداً
ربنا يسعدك بحياتك ويحقق امنياتك

كل الشكر ايمي على مجهودك الرائع
دائماً متميز بروحك واخلاقك
كوني بخير ..~

[Śลяą..ღ]

8


الخريف بقا والله ما اعرف اللى اعرفه ان بيقع فيه ورق الشجر بس
مشوفتش الجو بتاعه بيبقا عامل ازاى ده

.........





ههههه
ليه انت معشتوش قبل كدا
عَ العموم
حلقة جميلة واستضافة احلى
كانت فسحة حلوة

مجهود جميل منك
منتظرين الحلقة الجايه

[دلوعة EGYPT]

حلقه رااااااااااااااااائعه
واجابات جميله بجد من ضيف راااااااااااااائع
يسلموووووو ياقمرايه عل الحلقات ^^

[ana dema]

اقتباس المشاركة الأصلية كتبت بواسطة ملك جبال الاحزان اتشرفت بالاستضافه الجميلة فى برنامجك ايمى تسلمى ويارب يعجبك الناس بقا واكون ضيف خفيف عليكم جميعآ شكرا

بجد يحيا الجيش المصرى الحر من غير السيسى

[ana dema]

هانت يا ام الدنيا خلاص متزعليش

[™Amiliya]

اقتباس المشاركة الأصلية كتبت بواسطة ملك جبال الاحزان اتشرفت بالاستضافه الجميلة فى برنامجك ايمى تسلمى ويارب يعجبك الناس بقا واكون ضيف خفيف عليكم جميعآ شكرا

انا اسعد بالاستضافة ميدو

نورتني جدا

[۩۩ elMagic ۩۩]

طيب يلا يا حلو
الفسحه خلصت
اتطلع بسرعه إلحق الحصه الرابعه هتبدأ
حلوه الحلقه
وإجابات تمام التمام
منور يا واد يا محمود
تسلمي يا جميل لمجهودكـ
يدوم النشاط بقآ ,,

[انجي_1]

فسحة جميلة
وضيف دمه عسل
بالتوفيق يا صديقي