ظاهره منح الاوسمه

[big bốss]

ظاهرة منح الاوسمه - طبعآ اى مشرف قسم مسئول انه يكرم المميزين فى قسمه بكل عداله بس بنقع فى مشكلتين لما نكرم اول حاجه اما نكرم كل الاعضاء و الى اتكرم مش يتكرم تانى حتى لو كان نشيط و نكرم غيره . طبعآ الطريقة دى مميزاتها : انك هتكرم كل الاعضاء بس هتظلم الاعضاء النشيطه نشاط مستمر غير منقطع و دى ظلم . الحاجه التانيه اننا نكرم النشيطين فى القسم حتى لو اتعاد تكريمه طالم نشاطه دائم و مستمر بس بالطريقه دى هنظلم العضو الجديد الى لسه داخل ينشط طبعآ انا بتكلم بشكل عام على كل الاقسام و هذكر كمثال : عضو نشيط فى قسم نشاط دائم و المفروض يتكرم و لكن اتكرم قبل كدا و لكن يقال له : انت عندك اوسمه كتير او انت اتكرمت قبل كدا ما المفروض التكريم بيكون درجات مش يقف عند حد واحد فأنتم ايه رايكم هل نمشى بمبدأ منح الاوسمه مين مخدش مين عليه الدور ؟ و لا مبدأ الى يستحق يأخد ؟

[الأميرة رودي]

اللى يستحق ياخد
بس تكريما للآخرين برده شوف النشيط عندك فى الوقت ده ويتكرم ( الآولويه للنشيط اللى لسه متكرمش )
لان التكريمات بتكون على حسب مجهود العضو فى فتره معينه
و لو عضو أخد وسام واتنين ف القسم ومازال بنشاطه يتكرم تاني وتالت طالما محافظ على مستواه

[ايمان طلعت]

صباح الخير
طبعا المفروض تمشى بمبدأ من يستحق
فاذا منحت وسام لمن لا يستحق فهذا ظلم للعضو الناشط واهمال العضو الناشط من التكريم او التعليق يقلل من نشاطه لان هذا يسبب له احباط

فالتكريم يكون لمن يستحق سواء كان عضو جديد او قديم حتى لو كُرم كذا مرة
وهذا للمساواه بين الاعضاء

تحياتى

[انجي_1]

اكيد اللي يستحق هو اللي ياخذ
معلش العدل حلو
وكل واحد ياخد على قد مجهوده
الطريقة دي هتخلي الناس تنشط وتسعى انها تدخل لقائمة المستحقين
وانتو ادرى طبعا

[جبل عالي]

جميل التساؤل وجميل الموضوع لأن بصراحة فعلا موضوع محير

طبعا مبدأ العدل على قد مانقدر مطلوب

بس في نقطة أنا أخدت بالي منها لما باحط نفسي مكان عضو جديد

وألاقي عضو أقدم مني واتكرم قبل كده كذا مرة ولا زال مكتسح برضو

مع ان كعضو جديد ومعرفش اوي إيه اللي يخليني ألفت النظر

فممكن نوضح ونركز على ان التكريم له أسباب وقوية

وتكرار التكريم له أسباب برضو ومننساش الى جانب ذلك

نراعي الأعضاء اللي لسه بيحاولوا ينشطوا ويتقدموا

بيكون حافز ليهم جميل جدا والله وبنقدر نحببهم فى التميز

وفي بذل المجهود أكتر وأكتر ..


لفتة حلوة منك يانور موفق يارب

[ساحر الأحزان]

طالما عضو نشيط يبقى يستحق

لان مجهودة هو الى بيفرض

طايب تعرف

انا اول وسام اخدتة فى المنتدى

بعد فترة تواجد اكبر من سنة

[Śลяą..ღ]

الى يستحق طبعا ياخذ
وممكن يتخصص حد اقصى للاوسمة فى كل قسم
مثلا الى اخذ خمسة فى قسم واحد
مش ياخد بعد كدا
مجرد اقتراح^^

[دمعه حائره]

طبيعى ان اللى يستحق وظاهر مجهوده هواللى يتكرم
ولو فيه عضو اخد وسام تميز فى قسم قبل كده
ولسه مستمر نشاطه يتكرم بشهادة
وياخد الوسام حد جديد
ماهو مش معقول هاتديهوله مرتين
واكيد التنوع بيدى حافز للجميع

[big bốss]

اقتباس المشاركة الأصلية كتبت بواسطة الأميرة رودي اللى يستحق ياخد بس تكريما للآخرين برده شوف النشيط عندك فى الوقت ده ويتكرم ( الآولويه للنشيط اللى لسه متكرمش ) لان التكريمات بتكون على حسب مجهود العضو فى فتره معينه و لو عضو أخد وسام واتنين ف القسم ومازال بنشاطه يتكرم تاني وتالت طالما محافظ على مستواه

تمام يا رودى

الاولويه بتكون على حسب مجهود العضو فتره معينه

و مفيش مشكله ان العضو لو نشاطه دايم يبقى يتكرم مره و اتنين و تلاته

[big bốss]

اقتباس المشاركة الأصلية كتبت بواسطة ايمان طلعت صباح الخير طبعا المفروض تمشى بمبدأ من يستحق فاذا منحت وسام لمن لا يستحق فهذا ظلم للعضو الناشط واهمال العضو الناشط من التكريم او التعليق يقلل من نشاطه لان هذا يسبب له احباط فالتكريم يكون لمن يستحق سواء كان عضو جديد او قديم حتى لو كُرم كذا مرة وهذا للمساواه بين الاعضاء تحياتى

صباح النور

هو دا المفروض

اما مبدأ فلان مش اخد نديله المره دى

و فلان دا عنده اوسمه كتير بلاش منه

كدا ظلم و بيعمل نفور للعضو النشيط

شكرآ لراي حضرتك