قولي ماما

[phalsteen]

قولي ماما
قول وزيد
قول وخلي
الليلة عيد
يا حته مني
امته اشوفك
كدة جنب مني
وبشويش اغني
يا نونة هووووه
نايمي يلا
يا حلوة نينه
من يوم ما جيتي
والبيت سعيد
الواد حمادة
سكر زيادة
زايد حلاوة
غلباوي ابني
عفريت تمالي
تاعبلي حالي
ويا خوفي يانا
يطلعلي فافي
وتعبي كله
يطلع فاشوش
اوعاك يا واد
دلعك يزيد
وتعملي فيها
حيلة ووحيد
عاوزاك رجولة
كدة واد حديد
دا انت والله
عمري الجديد

[جبل عالي]

احاسيس روووووعة بجد ماشاء الله عليكي

ربي يسعدك دايما ياجميل ونشوف لقلمك

حجات حلوة كتير


تحيتي لروحك الحلوة ولقلبك الجميل

ودعائي لك بكل السعادة

[أحمد الجمل]

أضحك الله سنك أختي الفاضلة
جميلة جدا ودمها خفيف
المهم إنك متغيريش رأيك بعد كده وتصرخي فيه بغيظ وتقوليله :
نااااااااااااااااااااااااام بقا حرام عليييييييييييييك
سلمت وسلمت أناملك

[Šeŋdeřellą]

جميل جدا ماشاء الله
واحساس اكتر من رائع
تسلم ايدكـ

[كوين ميرو]

رووووووووووعه ياقمر

اى نعم متعبين شويتين بس هما اللى بيخلو للحياه طعم ومعنى

تسلم ايدك حبيبتى كلمات جميله جدا

[Sea Pearl]

كلامك جميل اوى يا سما
حبيبتى ربنا يتمم ليك بخير
ويسعدك ويرزقك بالذرية الصالحة
وتقومى بالسلامة

[العاشق الذى لم يتب]

الله الله عليك نفرتيتى
تسلم الايادى
والحس المفعم بالامومة
قريبا ان شاءالله
ربناهيرزقك بالبيبى
وتفرحى بيه
ودمت بخير
تحياتى

[صمتى كلام]

احساس
عالى بالامومه
كلمات خفيفه وجميله
.
ربنا يسعد ايامك

[ويبقى الأثر]

جميل احساس الامومه
ربنا يسعدك حبيبتى
ويرزقك بالذريه الصالحه