كلاكيت .... عامي

[جبل عالي]

كلاكيت ولقلمي ويايا حوار ------------ عجيب أمرك ياقلمي يا صاحبي يضحك قلبك ترقص وياه حروفك تعصى الفرحة تصرخ قبلها سطورك وصفحة حياتك تنتهي ويا سكوتك جاوبني ياقلم ليه البشر نسيت قلوبها وازاي بترقص على السطور حروفها رغم الحزن والبكا على شفايفها رد القلم وقالي :: عجيب أمر البشر ولا العجيب أمري انا؟؟ شاغل بالك بحالهم وناسي أحوالي لو يوم ينجرح قلبك يقولولك وانا مالي وانت يا ضلالي لو يوم سمعت صوت دمعهم بتتحرق تجري عليهم تضمهم وتنسى ماجرالي عارف ليه كلهم نسيوك وراحوا أصلك ياقلبي ساذج وعبيط و..ضلالي بتبيعلهم حبك وهما مش راضيين طب بالذمة وترجع تشتكي أحوالك!! يبقا مين اللي عجيب هم برضو ولا انت يا ....... قلبي ياخالي ؟؟ سيبك بئا من حكاويهم واسمعني شاور على سكة بعيد وإندهلي اكون لك ضل ورفيق وتكون لي لاعايزين منهم صدق ولا حتى لوم شبعنا بئا كفايانا شك وهموم رمونا فى بحورهم ياما ولا نعرف فيها عوم وخلصت المسألة واتقفل الستار شاهدة علينا السما إننا لايوم خنا ولا زرعنا دمار لكن الحكاية مقرفة تتعاد ليل ونهار عايزينا لعبة فى إيديهم أستر ياستار تكونش ياقلب غبي ولا حمار ؟؟ غاوي تتعبني وأنا عقلي خلاص إحتار اقفل عليك بابك وإنهي بئا الحوار كلاكيت .... يامشاهديننا دي نهاية .... وإنزلوا بالستار (هذيان عامي ......أوخالي) جبل عالي

[ويبقى الأثر]

هذيان قلب بالحب مليان
مخنوق من معاملة الخلان
يزرع ورد يحصد شوك
مابيلاقى منهم غير الخذلان


اكيد حواليكى كتير يحبوكى
زى مابتحبيهم ويتمنولك الخير
ربنا يسعد قلبك حبيبتى
ويحقق لك كل ماتتمنيه

[فتحى عيسى]

مش قادرة ع الحاصل زهقتي من قلمك
ونازلة تلطيش فيه
ذنبه ايه
إذا كان ده راسمالك
وطبعك هيفضل
علي ما هو عليه
أحييكِ علي هذا التجلي الوارف بالحرف الجميل
والحس العالي وهذا الحوار الفلسفي ولغتة الندية
سلمتِ والنبض
مودتي وإحترامي

[همسه دموع]

حتى القلم ياجوجو نطق معكى
احلى هذيان يا قمريه والله معه حق قلمك
عامى ولا خالى هههههههه
حددى انتى بقى
تحياتى ليكى

[العاشق الذى لم يتب]

ماأجمل هذيان قلبك وقلمك
تعبنامن كترحبهم
وعيل همهم
وبكينا من اجلهم
وهم ولاعننا سائلين
بس احسن نكون احنا المحبين
وهم اللى قاسيين
ربناامرنا نكون كده فاعلين
وكفاية الشكوى لرب العالمين
تسلمى جبل
يتعذب القلب من هجرالاحبة
ولكن ماباليد حيلة
تقبلى تحياتى وودى
ونجومى وورودى
وتقييمى الذى لايوافى جمال وجلال ماسطرت يداك
تحياتى

[أحمد الجمل]

الله الله الله
رووووووعة والله روعة
وخفة دمك ملهاش حل
عامي .. أو خالي ؟؟!!
ههههههههههه
ربنا يسعد كل أوقاتك يا جبل

[صمتى كلام]

مش عارف ارد ذهنى مش صافى
ليا عوده مره اخرى