إحنا بنشترى رآجل ..!

[رآقيہ بأخلاقـى]

بسم الله الرحمن الرحيم السلام عليكم ورحمة الله وبركاته فى البداية عايزة اعرض عليكم شوية طلبات من اللى بتتطلب من العريس اللى بيتخبط فى نفوخوا ويفكر يتجوز اليكم القليل من الطلبات ... بس احنا بنشترى رآجل احنا بنشترى راجل بس الفرش والنجف والنيش وفرش اوضتين والاجهزه الكهربائيه عليك شوف يا ابني احنا بنشتري راجل بس الشبكه لازم تكون مش اقل من 8 الاف جنيه شوف احنا بنشتري راجل بس الفرح ولبس العروسه والكوافير والحاجه الساقعه والجاتوه عليك شوف يا ابني احنا بنشتري راجل بس الشقه لازم تكون اقل حاجه تلات اوض وتكون قريبه شوف يا ابني احنا بنشتـ ........ بس يا ابـا أنا هشترى دماغى ومش هتجوز أصلا ويتصدم ابنه من الحاجات المطلوبة منه وفى الاخر احنا بنشترى راجل ويقرر الشاب انه ميتجوزش وتتوالى البلاوى السودة على الشاب من شرب مخدرات او الفرجة على الافلام الاباحيه او انه يقوم بعملية انتحارية ويتجوز من واحدة قد جدته دة غير بقى العدد الكبير فى العنوسة والبنات اللى قاعدة جنب اهاليها بسبب الطلبات المبالغ فيها من الاهالى على اساس انه هيتجوز الكونتيسا معرفش مين او الاميرة ديانا سؤالى لشباب لو انت شاب ميسور الحال ومقدم على الزواج واطلب منك كل الحاجات دى هتوافق بيها ؟ طيب لو انت حالك على قدك ومش متيسره معاك هتعمل ايه ؟ ولو قررت انك متتجوزش بسبب كل طلبات اهل العروسة ممكن تنحرف وتعمل حاجة من اللى ذكرتها دى ؟ ولو انت مكان ابو العروسه هتطلب نفس الطلبات دى ولا هتبسطها على العريس؟ وسؤال للبنات لو اهلك طلبوا كل دة من العريس اللى متقدم ليكى هيكون موقفك ايه مع اهلك ؟ هتكونى موافقه على اللى بيقولوا وهتقولى هما ادرى بصلحتى ؟ ولا هتقولى انا موافقه عليه حتى لو هنتجوز على حصيرة وقله ؟ منتظرة اجابتكم وبعتذر عن الاطاله

[معذب القلب]

بصراحه الى بشوفه ان البنت بتوافق اهلها لانه بيصب بصالحها وحاجه كمان فى البنت انها بتبص لجوازه اختها وصحبتها وجارتها انما بالنسبه لللاهل بيعملو بالعرف المتبادل رغم ان المفروض الى عنده بنت يسترها ولو باقل الاشياء ولكن يختار الرجل بمعنى كلمه بنشترى راجل يكون على خلق ودين يعلمون ان ابنتهم لو عاشت معه على حصيره وقله ستصبح فى جنه بهما انما الباقى شكليات ايه يعنى نيش مليان على الفاضى وبياكلو بكام طبق وكام معلقه وفى الاخر بيتباع بردو لما العيال تكبر ويحتاجو اماكن اوسع بعد مطلع بوظ اهله فى تجميعه يبيعه برخص التراب عشان يشترى حجات اخرى اهم وافيد ايه يعنى دولاب مليان هدوم سورى حريمى كصيره بال5 و6 شنط ويحاصره ان لبست مرتين فى الاسبوع يبقى زى الفل حجات كتير هايفه ده بالنسبه للى مش لاقى اما ميسور الحال فبيدور على الى من طبقته عشان ميتعيرش بالفقيره وكمان لازم تكون على مستوى معين واكيد هيوافق انه يشيل الليله كلها وكل الحجات الكثيره دى لانها تعتبر رفهيات ليه نقول الطبقه دى 30 مليون مثلا و35 مليون فتاه وشاب يجوزو زيجات باقل الاشياء والعريس يدخل مديون ويفضل لغايه ميموت مديون وعياله يسدو بعد منه ويطلعو مديونين و35 مليون مش لاقى حتى الافلام الاباحيه ياما المخدرات يعنوسه يفتاه تفكر تنتحر يايتوجهو للاعمال والعياذ بالله قالو زمان يمخلف البنات يشايل الهم للمامات يبقى يجب على الاهل ان يهتدو بالله ويرضو بالقليل والفتاه بنفس الطريقه خذوهم فقراء يغنيكم الله والغناء ليس بالمال فقط انما براحه البال والذريه الصالحه
موضوع مميز منك بصراحه تستاهلى تقيمى

[فتحى عيسى]

طرح رائع وقيم جدا أحييكِ عليه
بطبيعة الحال لازم يكون هناك مسؤلية مشتركة واعتقد إن الشاب اللي عاوز يتجوز بيكون عامل حسابه طبعا مش بالشكل اللي وصفتيه الا ما ندر لكن امكانياتة بتبقي محدودة والحقيقة الأهل
لازم يكونوا حريصين علي بنتهم بشكل يحافظ علي شكلها الإجتماعي المعتدل وعلي فكرة كل الطلبات بتبقي حسب الوضع الإجتماعي لكل أسرة
والأهم من ده كله يقولوا لو معرفش قيمة بنتهم وصرف الغالي والنفيس عليها مش هنديهاله
وديه فكرة غير منطقية ولا مقبولة
وللعلم احنا بنشتري راجل حقيقة وفعلا ناس عندهم ستر بنتهم بالصورة الملائمة المناسبة
كتير وجدا اللي ماشيين بالمنطق ده وانا أشجع علي ستر البنت أهم من طلباتها المستفزة
من الأهل والمبالغ فيها
بصراحة الجواز قبل ما يكون طلبات مسؤلية ومن رأي تحملها لازم يبدأ من لحظة القدوم عليه
بشكل أو اخر وعلي قد إمكانياتة
شكرا علي مجهودك المميز
سلمتِ والنبض
مودتي وإحترامي

[Lamees]

كل شاب بيتقدم لفتاة لطلب يديها
بيكون عارف انه مطلوب منه كذا وكذا
في حدود المتعارف عليه حولهم
والبنت كذلك بتكون عارفة هي عايزة ايه
او ممكن توافق علي ايه
بس لو البنت عايزة الشاب اكيد
بتتنازل شوي عن احلامها
وكمان لو الاهل بيراعوا الظروف المعيشية الغالية
بيساعدوا العريس وبيشيلوا معاه كتير والله
وفي امثلة كتير شفتها حواليا
زي انها تتنازل عن الشبكة
وتكتفي بدبلة فقط وكمان مش لازم الشقة تكون تمليك
ممكن تقبل بيها اجار ويطلعوا السلم واحدة واحدة
مش كل الناس زي بعضها

طرح جميل وربنا يوفق الجميع

[ساحر الأحزان]

انا شايف انى امشى على قد امكانياتى

حتى ولو بسيطة

واعرفهم كل شىء

على شان نكون على نور

من الاول

[جرحني زماني]

كل شاب بيتقدم لبنت واهلها بيكون مستعد لطلباتهم
وبيكون عامل حسابه ع كده ببساطه يعني هو عارف انه العروسه محتاجه طلبات

جهاز ومهر
وبيت وعفش
بس ضمن المعقول برضه
يعني ضمن الامكانيات
فالعريس قبل ما يروح يخطب يوضح لاهل العروسه امكانياته وظروفه

[SiLver Spectra]

انا دخت من خلفيتك
ربنا يهديكي
ابقي حطي تنبيه للناس اللي بدوخ بسرعة بعد كدا

موضوع احنا بنشتري راجل ..الكلمة بحد ذاتها و ان اعتبرناها تعبير مجازي لكن الكلمة سيئة ..بتحسسك ان الجواز بيع و شرا و بضاعة
و دا طبعا امر بعتبره سيء

فمستغربه من الاديات اللي بعد كدا في ايه اذا كان هو بيقولك احنا بنشتري ؟
فكري فيها تاني =))

[رآقيہ بأخلاقـى]

اقتباس المشاركة الأصلية كتبت بواسطة معذب القلب بصراحه الى بشوفه ان البنت بتوافق اهلها لانه بيصب بصالحها وحاجه كمان فى البنت انها بتبص لجوازه اختها وصحبتها وجارتها انما بالنسبه لللاهل بيعملو بالعرف المتبادل رغم ان المفروض الى عنده بنت يسترها ولو باقل الاشياء ولكن يختار الرجل بمعنى كلمه بنشترى راجل يكون على خلق ودين يعلمون ان ابنتهم لو عاشت معه على حصيره وقله ستصبح فى جنه بهما انما الباقى شكليات ايه يعنى نيش مليان على الفاضى وبياكلو بكام طبق وكام معلقه وفى الاخر بيتباع بردو لما العيال تكبر ويحتاجو اماكن اوسع بعد مطلع بوظ اهله فى تجميعه يبيعه برخص التراب عشان يشترى حجات اخرى اهم وافيد ايه يعنى دولاب مليان هدوم سورى حريمى كصيره بال5 و6 شنط ويحاصره ان لبست مرتين فى الاسبوع يبقى زى الفل حجات كتير هايفه ده بالنسبه للى مش لاقى اما ميسور الحال فبيدور على الى من طبقته عشان ميتعيرش بالفقيره وكمان لازم تكون على مستوى معين واكيد هيوافق انه يشيل الليله كلها وكل الحجات الكثيره دى لانها تعتبر رفهيات ليه نقول الطبقه دى 30 مليون مثلا و35 مليون فتاه وشاب يجوزو زيجات باقل الاشياء والعريس يدخل مديون ويفضل لغايه ميموت مديون وعياله يسدو بعد منه ويطلعو مديونين و35 مليون مش لاقى حتى الافلام الاباحيه ياما المخدرات يعنوسه يفتاه تفكر تنتحر يايتوجهو للاعمال والعياذ بالله قالو زمان يمخلف البنات يشايل الهم للمامات يبقى يجب على الاهل ان يهتدو بالله ويرضو بالقليل والفتاه بنفس الطريقه خذوهم فقراء يغنيكم الله والغناء ليس بالمال فقط انما براحه البال والذريه الصالحه موضوع مميز منك بصراحه تستاهلى تقيمى

والله انت قولت حاجات كتير بتحصل
يعنى نيش بيكون مليان على آخره ومش بيستخدموا منه حاجه
غير لما يجلهم ضيوف ودة كل كام سنه كدة
ودولاب لازم يكون فيه معرفش كام عبايه وكام طقم خروج
وحاجات كتير مالهاش لازمة بس شكليات ومنظر عشان تكون زى فلانه جارتنا
ازاى يعنى بنتى تبقى اقل منهم
طيب فى مثل بيقول كل برغوت على قد دمه
والمفروض الاهل يخفوا من طلباتهم ويراعو ظروف الشباب
بس والله فى اهالى مفترية وبتطلب مطالب مبالغ فيها
المثل بيقول يا واخد القرد على ماله بكره يروح المال ويفضل القرد على حاله
يعنى ايه الفلوس وايه كل المطالب دى مع انهم المفروض يدورو على راحة بنتهم
والراحة مش بالنيش وبالعفش
ربنا يهدى ويصلح حال الجميع
نورت وشاكرة لرد حضرتك وتقييمك

[رآقيہ بأخلاقـى]

اقتباس المشاركة الأصلية كتبت بواسطة فتحى عيسى طرح رائع وقيم جدا أحييكِ عليه بطبيعة الحال لازم يكون هناك مسؤلية مشتركة واعتقد إن الشاب اللي عاوز يتجوز بيكون عامل حسابه طبعا مش بالشكل اللي وصفتيه الا ما ندر لكن امكانياتة بتبقي محدودة والحقيقة الأهل لازم يكونوا حريصين علي بنتهم بشكل يحافظ علي شكلها الإجتماعي المعتدل وعلي فكرة كل الطلبات بتبقي حسب الوضع الإجتماعي لكل أسرة والأهم من ده كله يقولوا لو معرفش قيمة بنتهم وصرف الغالي والنفيس عليها مش هنديهاله وديه فكرة غير منطقية ولا مقبولة وللعلم احنا بنشتري راجل حقيقة وفعلا ناس عندهم ستر بنتهم بالصورة الملائمة المناسبة كتير وجدا اللي ماشيين بالمنطق ده وانا أشجع علي ستر البنت أهم من طلباتها المستفزة من الأهل والمبالغ فيها بصراحة الجواز قبل ما يكون طلبات مسؤلية ومن رأي تحملها لازم يبدأ من لحظة القدوم عليه بشكل أو اخر وعلي قد إمكانياتة شكرا علي مجهودك المميز سلمتِ والنبض مودتي وإحترامي

بيقولوا خدوهم فقراء يغنيكم الله
يعنى لو اتقسمت الطلبات دى على الطرفين هيحصل ايه
الله يرحمك يا بابا عمل كدة فى جوزات اخواتى
وعلى فكرة مش زى ما انت قولت الطلبات بتكون على حسب الوضع الاجتماعى ولا حاجة
فى ناس بتبقى فقيرة وبتكح تراب ومع ذلك بتطلع فيها على الاخر
هيجرى ايه لو الاب قال للشاب اللى تقدر عليه اعمله
وواحدة واحدة انت وهى تكملوا اللى ناقص
بس مين بيعمل كدة فى الزمن دة مفكرين انهم كدة بيأمنوا مستقبل بنتهم
ميعرفوش ان ممكن بعد ما العريس يجيب كل دة
يطلع انسان مش كويس اصلا
شاكرة متابعتك وردك اخى
نورت

[رآقيہ بأخلاقـى]

اقتباس المشاركة الأصلية كتبت بواسطة ro♥ony كل شاب بيتقدم لفتاة لطلب يديها بيكون عارف انه مطلوب منه كذا وكذا في حدود المتعارف عليه حولهم والبنت كذلك بتكون عارفة هي عايزة ايه او ممكن توافق علي ايه بس لو البنت عايزة الشاب اكيد بتتنازل شوي عن احلامها وكمان لو الاهل بيراعوا الظروف المعيشية الغالية بيساعدوا العريس وبيشيلوا معاه كتير والله وفي امثلة كتير شفتها حواليا زي انها تتنازل عن الشبكة وتكتفي بدبلة فقط وكمان مش لازم الشقة تكون تمليك ممكن تقبل بيها اجار ويطلعوا السلم واحدة واحدة مش كل الناس زي بعضها طرح جميل وربنا يوفق الجميع

هو دة اللى انا بقولو ليه منقدمش شوية تنازلات
المهم بنتى تكون سعيدة ومش الحاجات دى هى اللى هتسعدها
مش شوية كوبايات على شوية لبس وطقم صالون مدهب والكلام دة
انا مش بقول ان كلهم كدة عارفة ان فى ناس بتتنازل عن حاجات
وبتحاول تساعد العريس على قد ما تقدر
بس بردك فى ناس مفترية بتكون عايزة تمص دم اللى متقدم لبنتهم
نورتينى رونى وشكرآ لمشاركتك