( حصري ) * انتي كنتي مراتي امته ؟؟!!!

[أحمد الجمل]

انتي كنتي مراتي امته ؟؟!!!

********************

عارف وفاهم كل كلمة بتقوليها
بس انتي مالك ..
إن كتبت ف حب ليلى
أو لعنت الشوق وأهله
أو ببيع الفرحة أو حتى اشتريها

وأيه جرالك ...

انتي كنتي مراتي امته ؟
راجعي نفسك واسأليها

واعرفي دايما حدودك
واوعي تنسي وتكسريها

غرك جمالك ..

الجمال ده أمر نسبي
فكري يا حلوة فيها

هتلاقيها كلمة حكمة
ولو عقلتي هتفهميها

اللي شايفك حلوة جدا
واللي شايفك وحشة خالص
واللي مجنون بيكي أيوة
واللي مش طايقك عليها

وخلي بالك ..

دي حياتي انا حر فيها
مش هعيشها بكيف سعادتك
أو هسلملك حياتي
وانتي يا قطة تعيشيها

متشوفي حالك ..

وانتي عندك دنيتك
عيشيها زي ما تشتهي
أو متعيشيش
لكن حياتي ملكي انا
ومش هتطوليها

**************

بقلمي
أحمـــ الجمل ـــد

[Lamees]

جميل ما طرحته هنا استاذ احمد
عامية راقية وفيها لهجة شديدة
دمت راقي كما عودتنا

[صمتى كلام]

عاميه
غايه فى الروعه
.
استاذى

.
ما هذا الجمال
.
والابداع
.
راقتنى كثيرا
.
تحياتى

[روح صامتة]

تحفة ،، عجبتني والله
تسلم
خمس نجوم

[احساسى صحيح]

هههههههههههه
والله عندك حق
اما حشريه بصحيح هههههههه
انتم هتعدوا علينا الكلام كمان
سلمت استاذ احمد وسلم لسانك
تحياتى

[ويبقى الأثر]

حروف كلها قوه وشموخ
ماشاء الله
عاميه راقيه استاذ احمد
دام نبضك الراقى
تحية شكر وتقدير

[انجي_1]

كلمات جامدة جدا
تسلم ايدك

[أحمد الجمل]

اقتباس المشاركة الأصلية كتبت بواسطة ro♥ony جميل ما طرحته هنا استاذ احمد عامية راقية وفيها لهجة شديدة دمت راقي كما عودتنا

ربنا يعزك ويرفع قدرك روني
وكل الشكر على مرورك العطر
تحيتي وتقديري
وخالص مودتي

[أحمد الجمل]

اقتباس المشاركة الأصلية كتبت بواسطة صمتى كلام عاميه غايه فى الروعه . استاذى . ما هذا الجمال . والابداع . راقتنى كثيرا . تحياتى

مرحبا يا صديقي الإرهابي الحبيب
ربنا يحفظك ويحميك
أشكرك جزيل الشكر على مرورك الأنيق الذي يسعدني كثيرا
بارك الله فيك
وشكر الله لك
ودمت في أمان الله

[أحمد الجمل]

اقتباس المشاركة الأصلية كتبت بواسطة روح صامتة تحفة ،، عجبتني والله تسلم خمس نجوم

أهلا ومرحبا أختي الفاضلة
ربنا يعزك ويرفع قدرك
وكل الشكر على تشريفك لمتصفحي
وعلى مشاركتك التي أسعدتني كثيرا
تحيتي وخالص مودتي
ودمت في حفظ الله