عارفين ليه بنحب محمد مرسي ؟؟

[حلمى اكون شهيدة]

عارفين ليه بنحب محمد مرسي ؟؟
انا اقولك ببساطة .. محمد مرسي مواطن مصري ابن بلد بجد نشأ في ريف مصري قرية العدوة محافظة الشرقية مركز الحسانية يعني راجل حاسس بالشعب لانه اتربي وسط الشعب و عارف مشاكلهم و همومهم .. محمد مرسي دكتور في جامعة الزقازيق كلية الهندسة يعني راجل متعلم تعليم عالي جدا و فاهم غير دراساته في امريكا و جامعاتها .. محمد مرسي راجل متدين بجد يعرف ربنا بجد مش تاجر دين زي ما اتهمه المتخلفين .. محمد مرسي اصبح رئيس مصر بالانتخابات الديموقراطية الحرة و النزيهة و لم يغتصب السلطة كما فعل الخونة .. محمد مرسي لم يتقاضي اي جنيه طوال عام من حكمه بدليل تقرير الجهاز المركزي للمحاسبات .. محمد مرسي كان يسكن شقة بالايجار .. اخته ماتت في احدي مستشفيات الحكومة و لم تتعالج علي نفقة الدولة خارج مصر .. محمد مرسي لم ينتفع احد من اسرته من قريب او من بعيد بمنصبه .. محمد مرسي كان يريد ان تمتلك مصر ارادتها و قرارها و ان تتحرر من التبعية الغربية و ان تنتج مصر سلاحها و دواءها و غذاءها .. محمد مرسي كان عاوز يحافظ ع البنات اللي كلاب السيسي حابسينهم دلوقت ..
الكلام دا ارتجالي و طالع م القلب و الاكيد انه هيوصل للقلب برضو ..
بكل فخر .. محمد مرسي هو رئيسي و رئيس كل الاحرار

[The MaSster]

تعديل بسيط

قرية العدوة محافظة الشرقية مركز ههيا


شكرا على موضوعك

[نسيت اسمي]

المغرب كله بيحترم هذا الرجل

شكرا على موضوعك الحلو

[رآقيہ بأخلاقـى]

انا بقى هقولك انا بكره مرسى ليه
عشان دة راجل خاين للوطن
وانتمائة لجماعته وبس ومكانش انتمائه للشعب كله
كان بيبع فى الوطن حته لحماس وحته لامريكا
استبب فى ازمة سولار عشان كان بيهرب السولار للاهل والعشيره
استخدم ملشيات من جماعته لفض اعتصام الاتحادية
قتل وسحل واتلوثت ايده بدماء الشباب
استكبر انه يسمع للشعب ويلبى طلباتهم وتكبر وتعالى عليهم
كان بينفذ اوامر المرشد ومكانش بيسمع للشعب
طبخ دستور فى كام ساعه وشربوا لينا بالتزوير
زى ما جه بالتزوير
استخدم البلطجية لتصفية اعدائة واى حد يعارضه
قال وهو لسه رئيس ان قائمة الاغتيالات لم تبدء بعد
فى رئيس يهدد شعبه !!
وكتييييييييييييييييير اوى من جرايمة وبلاويه
لما افتكر حاجة تانى هاجى اقولك عليها
ربنا يحشرك مع من تحبى

[كريم*]

حشرنى الله
مع محمد مرسى رئيسى ورئيس كل الاحرار
شكراً لكِ اختى

[الآمير العآشق]

كلام كتير حلووو
وموضوع غايه ف الروعه والجمال
دمتي متالقهـ

[حالمة باميرى]

انا مقولش بكرة او احب مين
ومعرفش مين الظالم ومين المظلوم يعرفة ربنا طبعا وادرى منى ومنك
بس الى شفتة فى عصر الرئيس مرسى انة سلبى مكنش بيفكر فى شعبة
او يحاول يعرف يكسب الشعب ازاى
وزنبهم اية الى بيموتوا فى الشرطة والجيش العساكر دول شباب بيادوا خدمتهم
وهما ميعرفوش يخرجوا فى مظاهرة غير عشان يقتلوا او يخربوا لية طيب
وهو كان قبل ما يطلع قرار يستشيربديع احنا مختارين رئيس يعرف القرار الصح مش يروح يقول لجماعتة الاول
بشكرك اختى

[الريان]

شكرا علي الطرح الرائع لكن اسمحيلي ان ارد عليكي ونقولك ليه محمد مرسي وقع

كان في قصه اتخلصت في مقوله ( أكلت يوم ان أكل الثور الابيض )

وانا هلخص ليكي الحكايه في صوره وقت الثوره
في الوقت الي كان بيموت الشباب في الميادين كان الاخوان
بيتاجروا بدمهم عشان ياخدوا مكاسب ليهم



الفرق بين العبد والحر
الحر ,,, يدافع عن الفكرة ولا يهمه من قالها
العبد ,,,يدافع علي من قالها ولا يهمه آي فكرة
,,,,

محمد مرسي كانسان زيه زي اي حد ليه وعليه اشياء تخصه وتخص نفسه بس

لكن محمد مرسي كرئيس جمهوريه بموجب ترشحه اصحب عليه التزام لصالح الناس
بدايه من ترشحه وقال ان في برنامج النهضة وان في مشاريع واستثمارات هتتعمل في مصر بمبالغ ماليه

وبعد ما نجح خرج علينا خيرط الشاطر وقال ان ما فيش مشروع اسمه النهضة

ودي اول سقطه للراجل الي بتقولي عليه ملتزم وبيعرف الدين هو ما سمعش عن حديث رسول الله صلي الله عليه وسلم ايات المنافق ثلاث وهاخد منه بس
اذا حدث كذب

طيب بلاش ده هو ما يعرفش ان في نص صريح بيقول بتحريم الخمورر
بعد فتره حكمه بشهور نزل منشوور عليه
زيادة الضرائب علي الخمور ده بدل ما يلغيها الراجل الملتزم وكلنا كنه وراه

وفي احداث كثير وكثير وكثير وكلها موثقه بالادله والمواثيق والفديوهات

من وقت المرشحين بتوع الحزب الوطني الي كانو بيفضوا ليهم المساحه عشان ينزلوا وينجحوا في مقابل صفقات بتتعمل لصالح الجماعه حتي لو علي حساب مصر

لغايه لما قال البلتاجي رجعوا محمد مرسي والي بيحصل في سيناء هينتهي تاني يوم

لما جماعه تختار نفسها حتي لو علي حساب الكل هو ده الفرق
وللاسف هما الي اختاروا ازاي الشعب يعاملهم لان دي كانت معاملتهم

ومع كل ده انا ضدد القتل وضد التهميش وضد ان فصيل يجنب لان مصر للجميع

لكن في حديث لرسول الله صلي الله عليه وسلم فيما معناه اول اهل النار ثلاثه

منهم حافظ قران ومنهم شهيد ومنهم رجل علم

واسئل الله انه ما يكون منهم وانه يتوب قبل موته

تحياتي لجميع

[Reem♡A|❀]

بإختصار وبالبلدى كدهه طالمـأإ حضرتك
مفتخرهه اووى بيه كده
وحاسس بالشععب |~
بيموتوآآ فى الناس لى َ
ذنبهم ايه لو فعلا راجل بجد زى ما بتقولى
مكنش فكر هو عاوز ايه
كان فكر
ششششششششششششششششعب مصصر
عاووز ايه
مش هو حاسس بيهم ’ يعنى هو دلوقتى مرتاح لما جماعته بيدمرو ككل يوم حاجةة
مبسوط هو كده اصله حاسس بينا لا فعلا حاسس اوى
كان حببنا فيه ’ من ققلبى بدعى ع كل حد له يد
فى مووت كل واحد اتحرم من دنيته علشانا وعلشان مالوش ذنب
كله ذنبه انه كان نفسه يعيش مرتاح مش وسط دم × دم

[زمن الغربة]

موضوع زي الفل
شكرا

بحبك يا دكتور مرسي
اختلفت معاك اه نعم
لاني كنت شايفة قراراتك غير ثورية
بس كنت متفهمة انك بتحارب دولة عميقة

بعزلك وسجنك وابادة جماعية لمناصريك
جعلو منك بطل بعيون كل حر على وجه الارض
فك الله اسرك

"ليعلم أبناءنا أن أباءهم وأجدادهم كانوا رجالاً، لا يقبلون
الضيم ولا ينزلون أبداً على رأي الفسدة ولا يعطون
الدنية أبداً من وطنهم أو شرعيتهم أو دينهم"