فيها حاجه حلوه :)

[CAN _ 7LM]

محدش سأل نفسه لييييه فيها حاجه حلوه ^_^ لما تكون بتتخانق ف الشارع وتلاقي حد قال بعلوّ صوته " ما تصلوا عالنبي يا جماعه " ف تلاقي المشكله اتحلت ^^ لما تكون زعلاان او متدايق .. 100 % بتلاقي حد يضحكك ويخرجك م المود ده ^^ لما تكون أمك بتعملكم البانيه بقالها ساعتين وانت كل شوية تخش تسرق حته d: ويوم متقفشك تقولك " بالهنا والشفا " ^^ لما تكون رايح امتحان صعب وحاسس انك مش مزاكر .. تتصل بأعز صاحب ليك تحكيله يقولك " ياعم ما انت كده هتسقط وش " وهو من جواه بيقولك ربنا يوفقك ^^ لما تروح تتقدم لبنت وابوها وامها يطلعوا عينك والجوازة تبوظ ف تقول الحمد لله .. ف ربنا يرزقك احسن منها ^^ لما تكون عايش برا مصر وهتموت وترجع .. ولما ترجع تقعد تشتم في الاوضاع الي فيها عشان نفسك تبقى احلى بلد أو لما حد مش مصري يتكلم عليها كلام وحش ف تقوم رااازعه علقة موت ^^ لما تشوف في رمضان موائد رحمان وناس مكنتش لاقيه تاكل وتحس انك شاركت في ثواب اطعامهم ^^ لما تلاقي واحد مسيحي صاحبك بيكلمك في العيد يقولك كل سنة وانت طيب والعكس ^^ فرحتنا في كل وقت ومن غير سبب رغم كل الاحداث الي بنمر بيها في البلد ^^ وعشان كده فيها حاجه حلوه ^^ كل واحد يقولنا ايه الحاجات الحلوة اللى بيحبها فى بلده !! او اى حاجة حلوة تحصل فى حياته ويحب يفرحنا معاه !! او ذكرياتك اللى انت/ى بتحبها والحاجات اللى كنت بتعملها وانت/ى صغير!!

[جرحني زماني]

بصراحه موضوع حلووووو اووي وجميل فيهروح الوطنيه والانتماءوالحب

فيه جمال من نوع خاص
عن نفسي بحب ببلدي طيبه الناس
تعاونهم
بحب فيها غيرة الشباب ع البنات والشرف والعرض
بحب فيها لما امشي وحد يعاكس الاقي واحد بيشتمه ويقوله اتقر ربنا اعتبرها اختك
بجد

[توحد ارواح]

فعلا ورغم كل شىء
الا ان مصر بلدنا بنحبها ومش هنرضى اى حد يشتم فيها ابدا
ودايما هى اللى بتجمعنا مهما حصل
وبنشوف فيها حاجات جميله علشان احنا بنحبها
لان لو كرهناها هنكره كل حاجه فيها
بحب ف مصر ترابها ونيلها وناسها الطيبيبن
وعاوزين كلنا نحبها علشان هى احسن بلد ف الدنيا
تسلمى ع الطرح الجميل الراقى يا قمر
بانتظار المزيد من هذا الفيض الرائع
منوره القسم

[اوتار الليل]

طرح عبقرى رائع
فقد لامستى وجدان كل مصرى بطريقة سحرية
بأن جعلتيه يتذكر الروح الجميلة التى تسود بيننا ..
والأشياء التى تربينا وتعودنا عليها ..
ربنا يحافظ على مصر فهى عمرنا وأرضها عرضنا ..
تقديرى لشخصكم الكريم ولطرحكم الراقى

[كريم*]

ربى يستر وتعود الحرية
لانها لو مرجعتش يبقى
مش هتلاقى حاجة حلوة
أقولك
افتكرى رمضان اللى فات
حسيتى فية بحاجة حلوة ؟

[ابراهيم دياب]

طبعا ودى اللى مخليها ام الدنيا

شكرا على الطرح القيم

دمتى بكل تقدير