اتعلمت

[دمعه حائره]

اتعلمت

*********

كنت فاكرة الدنيا سهلة

طلعت زى غابة واسعة

واللى كانوا كل ناسي

سابوا قلبى كتير يقاسي

واتخدعت

لما قالوا عيننا ليكي

كل اللى فات والجاي ليكى

بس انتى يدوب تشاورى

وفـ ثانية هايكون بين ايديكى

واكتشفت

إنى كنت عايشة كدبة

بين إيديهم شكلى لعبة

بس كنت حقيقي ساذجة

لما لـ وعودهم سمعت

واتصدمت

فضلت تبكى كتير عيونى

من اللى خانوا وظلمونى

واللى بأرخص تمن

بعد ما اشترتهم باعونى

اتظلمت

بس عادى ماهى دنيا

مهما تاخد منها فانية

اللى هايبقى فيها عملك

وكل حرف بيه نطقت

واتعلمت

خدت وقت

آهـ تعبت بس فوقت

أيوة كان الدرس صعب

بس فى الآخر فهمت

دمعه حائره

24-12-2013

[جساس]

كلام جميل
لتسلسل حياتي
فكانت أول خطوه التعليم
وآخرها التعليم ولكن التعليم
في البداية كان هواية وفي الأخير روايه
تسلمي دمعه

[فتحى عيسى]

يعيش المتعلم ولا يتعلم يدوب شكة دبوس اللي جي الله بيه أعلم
كل درس بينتهي بيبدأ درس جديد المهم مننكسر نفضل حديد
أحييكِ وجمال هذا النص
معني ومبني وإيقاع
رائعة أنتِ بل أكثر
مودتي وإحترامي

[Lamees]

وهكذا هي الحياة نعيش فيها
وكل يوم درس بنتعلمه فيها

جميل دمعة
ابعد الله عنكِ الحزن
روني ..~

[فرانكو.هدوء ملك]

ي عيني ع الصبر
تغطسي تغطسي وتنزلي برآئعه جديده
يتوجها مكنون دمعه حائره
كلمات جميله وتنسيق اجمل .. امتعتينا
تحياتي لشخصك وقلمك

[Lost Pearl]

الله عليكي لما بتكتبي بجد كلماتك سهلة و توصل على طول

أن شاء الله ربنا يبعد عنك اي حد بيتعبك أو يضايقك

انتي تستاهلي كل خير اصلا

تسلمي كمان مرة ع القصيدة ،،

[احساسى صحيح]

على رأى المثل
إللى يعيش ياما يشوف
وإللى يلف يشوف أكتر
والتعليم مش ببلاش لا بد من خسائر
حتى نستطيع بعدها جنى المكاسب
مقطوعه حلوة وواقعيه عجبنى إحساسك فيها
تقبلى تقديرى وأحترامى ..

[أحمد الجمل]

اتعلمت
*********
كنت فاكرة الدنيا سهلة
طلعت زى غابة واسعة
واللى كانوا كل ناسي
سابوا قلبى كتير يقاسي


واتخدعت
لما قالوا عيننا ليكي
اللي راح والجاي ليكى
بس شاوري يدوب تشاورى
وفجأة هايكون بين ايديكى


واكتشفت
إنى كنت عايشة كدبة
بين إيديهم شكلى لعبة
بس كنت حقيقي ساذجة
لما لـ وعودهم سمعت


واتصدمت
وابتدت تبكي عيونى
من و ع اللي بيظلمونى
واللى باعني رخيص وياما
اشتريتهم ويبيعوني


اتظلمت
بس عادى ماهى دنيا
مهما تاخد منها فانية
اللى يفضل فيها فعلك
والحروف اللي نطقت


واتعلمت
خدت وقت
آهـ تعبت بس فوقت
أيوة كان الدرس صعب
بس فى الآخر فهمت

*****************

الله عليكي الله عليكي الله عليكي
روعة روعة روعة
أسلوب جديد وحرفية عالية جدا ومهارة فائق في ضبط الإيقاع
بجد عجبتني جدااااااا
واستفزتني لدرجة اني جبيت أشخبط فيها شوية
سلمتِ وسلمت أناملك
وسلم قلبك ولسانك

[ساحر الأحزان]

دوما التجارب يا منة

بتصقل خبرتنا

بتلك الحياة

المهم ان نتعلم من دروس الحياة

دروسا مستفاد

تفيدنا فيما بعد

كلمات جميلة منك

دمتى بخير

[Šeŋdeřellą]

اقتباس واتعلمت خدت وقت آهـ تعبت بس فوقت أيوة كان الدرس صعب بس فى الآخر فهمت

حقيقي روعة بجد
مش لاقية كلام اعبر بيه عن اعجابي بقصيدتك المعبرة جدا
بتعبر عن حاجات واحاسيس كتير اوي جوانا بنعيشها
ودايما بنتعلم ولسه هنتعلم اكتر بكتير من اللي اتعلمناه
مهما طولت التجارب

تسلم ايدكـ
بانتظار روائعك دومآ حبيبتي