الحلقه الاولى من ( ضمير عضو ) مع ( Mo7aMaD 3aLa2 )

[morshooo]

بسم الله الرحمن الرحيم

اهلا بيكم جميعا

وأولى حلقات برنامج

( ضمير عضو )




البرنامج ان شاء الله هيكون مميز جدا ودا لسببين :

الاول : ان العضو هيكلم ( بضمير ) ومعتقدش ان فى عضو هيجامل فى التوبيك دا

ثانيا : ان هيتم استضافه اهم اعضاء المنتدى والمعروف عنهم الحياديه

كل عضو هيتم استضافته هنا هيكلم ( بضميرة ) وكل كلمه هتتكتب هنا

الضيف هو المسئؤل عنها .

دورى فى التوبيك هو ( اختيار الاعضاء فقط ) وكل ضيف هيكون معايا

مطلوب منه يكلم عن ( الاعضاء ) دى بضمير ودا اهم شرط من شروط البرنامج

وفى حاجا انا بقولها على طول ومقتنع بيها وهى :

ان مفيش عضو فى المنتدى لازم الجميع يكون بيحبه اكيد كلنا لينا عيوب

ومش عيب لما نلاقى عضو ينتقدنا ويقولنا هو شايفنا ازاى ممكن يكون

كلامه صح وسليم جدا وممكن يكون كلامه غلط ومفيهاش حاجا لما

ندخل نوضحله وجهة نظرة .

فعشان كدا مش عايز اى عضو يزعل لو اتقال اسمه هنا ولو زعل

من حقه ( الرد ) او يطلب بـ ( حزف اسمه ) .




ضيف حلقه النهاردة

واحد من نجوم المنتدى صريح جدا ودا سبب انى بعتله

طلب الاستضافه معانا المتميز /

Mo7aMaD 3aLa2



س / فى البدايه اهلا بيك اول ضيف فى توبيك ( ضمير عضو ) ؟

اهلاااااااا بيك يا مورشووووو

,, وطبعا دة شرف للبرنامج ان انا اكون اول ضيف =)))))

دا شرف لمصر كلها يا علاء
هزر هزر براحتك كله هيطلع فى الاخر عليك

س / مطلوب منك انك تكلم بصراحه وهتكون مسئؤل عن كل كلمه هتقولها ؟

ان شاء الله هحاول اتجنب اى نوع من انواع المجاملة
وان شاء الله اكون موفق فى اجاباتى

س / لو عضو زعل من كلامك هتغيرة والا هتعتزرله ؟

يمكن فكرة البرنامج اللى فهمتها بتلزم العضو يكون صريح
وكلمة الضمير دى على المستوى الشخصى بتكهربنى
شوية =))) ,, فـ هكون صريح لابعد الحدود ان شاء الله
وطبعا بدون ما اجرح حد




س / طيب خلينا نشوف مع بعض اول ( 3 اعضاء ) هيكونو مين ؟

1 / المراقبه العامه ( لوجى )

ههههههههههههههههههههه ملقيتش غير دى اول واحدة تجيبها ,,
لولتى طبعا ع المستوى الشخصى انسانة طيبة لابعد الحدود
وجدعة ورغاية ورخمة احيانا وغالبا بتتقمص الشخصية
البلطجبة =))))))))
بس معرفش برتاحلها ف الاخر لية !!
هى من اعز الاصدقاء ب النسبة ليا وطبعا هى عارفة دة
اما ع مستوى المنتدى فـ هى مبتعملش اى حاجة يا جماعة
كمراقبة ولازم كلنا نعترف ب الموضوع دة =)))))))))))

2 / المدير الادارى ( طارق )

طارق شخصية كويسة ,,منكرش انى معجب بـ معظم
افكارة ,, افادنا كتير بموضوعاتة القيمة ,, شخصية ذكية
وبيعرف يطبق سياستة فـ الادارة بطريقة ذكية ,, لكنة ف
النهاية بيعجز عن الوصول لقلوب الاعضاء ,, بيقابل
انتقادات كتيرة وكلها مبنية ع اسباب فعلا لغاية دلوقتى فشل فـ انة يعالجها

3 / المراقب السابق ( ماتركس )

اخويا ,, بجد انا بتشرف انى عرفت واحد زى احمد من
خلال المنتدى ,, والله البنى آدم دة ربنا وحدة اللى يعلم انى
بعزة وبحبة زى اخويا واكتر ,, وحشنى بجد جداااا
ووحشنى الرغى بتاعنا =))




س / هندخل على الاعضاء الى مالهم مناصب فى المنتدى :

1 / عاشقه للاحلام

شخصية انا مشوفتش منها حاجة وحشة ,, ولا حلوة بصراحة =))))))
مشوفتهاش =)))))))))) ,, مختفية !!
بس مش بيعجبنى اسلوب ردها وبحسها اوفر فى الرد
يعنى دايما بتقعد تهزر فى الردود ودا ممكن يلقى
عليها مسئؤليه كبيرة فى تفكير الاعضاء فى انطباعهم عنها

2 / روح صامتة

مى طبعا,, حد بحب اشوفة متواجد بصراحة ,, لكن معرفش لية منطوية جدا ومش بتندمج مع الناس
معرفش دة تكبر ولا انشغال !!
بس كتير بحس انه تكبر منها يعنى
بتمنى انها تعامل الاعضاء من مستوى منخفض
شويه لان بحسها متعاله علينا والدليل
ان مالهاش اصدقاء فى المنتدى تقريبا

3 / كوين ميرو

حد كويس بس بتمنى منها تنتشر اكتر
مش بشوفها كتير فى المنتدى مش عارف
هى زعلانه من الاعضاء بخصوص رد فعلهم السياسى والدينى
والا ايه لان فعلا معانا من زمان وملهاش اى دور
المفروض كان زمانها دلوقتى على الاقل مشرفه قسم
واحب اقولها بجد المنتدى مفيهوش خلافات طائفيه كلنا واحد




س / ودلوقتى الاعضاء الى فى الطاقم الاشرافى :

1 / بيك بوص

شخصية ليها استايل خاص
ع مستوى الاشراف بتمنى يشد حيلة شوية فـ تطوير قسم النقاش لانة قسم مهم وبصراحة اتمنى انة يتجنب الردود السطحية وهو كمشرف من المفترض ان ردة يضيف للموضوع مش مجرد اثبات حضور
والفترة الاخيرة حاسس ان ثقته بنفسه انعدمت
ودا مش فى صالحه واحب اقوله
بلاش استعجال

2 / واد حبيب

بقالة كتير لونة ازرق ,, عايزين نشوفك ف اللون الوردى بقا يا
حبيب ,, شد حيلك شوية =)))))
وياريت يخف من الحب شويه لان كلها يومين
وهنلاقيه بيحب على نفسه
حبيب شخصيه مميزة بس ليه عيوب للاسف
بتغطى على مميزاته وليه معايا موقف
مش هقوله بس اتمنى يكون اتعلم منه

3 / بحر النسيان

مشرف القسم الاسلامى يبقى شخصية محترمة
مش عارف هو رغاى ليه جدا
حتى ردودة لما بشوفها بحس بكدا ,, المفروض انت مشرف
يعنى كل رد بيحسب ليك او عليك وبطريقتة دى كل ردودة هتحسب علية ,, مش دا برضو الى كان بيطرقع يا مورشو

4 / حوراء

حوراء كنت بميزها بت العطاء ,, لكن الفترة الاخيرة اللى
اتواجدت فيها دى اللى هو من اواخر 11 كدة مشوفتش جديد ,,
هو طبيعى احيانا الواحد بتصيبة حالة خمول
لكن حوراء اعتقد انها خلاص مبقاش عندها جديد تقدمه
او بالعربى شبعت من المنتدى ودا ماثر عليها من فتره

5 / الآميرة رودى

سارة شخصية احترمها جدا واقدرها ,, وجودها مميز جدا ف قسم
الصفحات واضافت لية بصراحة
بس فوزها بشخصيه العام اعتقد ان محدش
كان متوقعه والا هى لانها مش بالقوة الى تديها
اللقب دا يمكن فى كتير يستحق اللقب




س / ودلوقتى مع الطاقم الادارى :

1 / دمعه حائرة

شمس المنتدى ,, منة شخصية كويسة جدا ,, حقيقتاً يمكن بعد
منصب الادارة انتشارها قل كتير عن الاول كانت منتشرة فـ كل
مكان ,, يعنى اتمنى ان اللوان الاحمر ميعملش جدار بينك وبين
الاعضاء لانة اذا استمر كدة مع الوقت ممكن تفقدى شعبيتك بتاعة
زمان واللى كلنا اتعودنا عليها
شغلها الادارى يمكن مش واضح لان الادارة
عايزة عضو قلبه جامد زى ما بيقولو ومنة لسه
قلبها مجمدش .

2 / ساحر الاحزان

امجد شخصية محترمة بحترمة جدا ع المستوى الشخصى ولكن
وبـ ضمير ,, نفس النقطة بتاعة منة وبحس للاسف الادارة
خطفتكوا او الكرسى بيغير =))))))
طبعا لوالشخص مش مهم عندى مش هقول الكلام دة
برضو الادارة عايزة قلب جامد يا امجد

3 / سارة ( كونتيسه )

سارونة

حد pure اوووووووووى ,, انا بستغرب ان فى حد لسة كدة فـ
الزمن بتاعنا ,, حبيبة قلبى من الاخر عشان مرغيش كتير
=)))))))))
بس فى المنتدى وعارف انها مش هتزعل
صفر على الشمال باختصار شديد =))




س / اخيرا شايف انك قولت الى فى ضميرك للاعضاء دى ؟

هو بسبب السؤال دة عدلت فـ الاجابات 150 مرة =))))))

كدة ضميرى مرتاح للاجابات

س / ايه رئيك فى البرنامج وفكرته ؟

البرنامج كويس وفكرتة جديدة واتمنى طبعا قبل ما اى حد يزعل ,, يبقى يجى يحط ضميرة مكان ضميرى =))))))

س / فى الجزء الثانى من الحوار برضو هتكلم بضمير انا شايف
انك ماشاء الله مهاجم الجميع ؟

هو مش هجوم والا حاجا بس فعلا دا
الى شايفه وباقى الاعضاء فى الجزء الثانى
اكيد هكلم عنهم بضمير ايضا
ومستنى رد فعل الاعضاء الى اكلمت عنهم
فى الحلقه دى وهتقبل كل ردودهم اكيد .




وبكدا بتخلص ( الحلقه الاولى )

انتظرونى و ( الجزء الثانى )

مع المتميز /

Mo7aMaD 3aLa2

[دمعه حائره]

يانهار اثوث ده انت ضميرك طلع صاحى بشكل يجنن
ولامروشو عمل فيك ايه يابنى حطمتنا حرام عليك
بس انا خلاص هابدأ اخد دورات فى تجميد القلب
وهاتشوف منى وش عمرك ماشوفته
اما الشغل والانتشار مش هاتكلم الا قدام المحامى بتاعى
كده بردوا اعيلاء

[morshooo]

اقتباس المشاركة الأصلية كتبت بواسطة دمعه حائره يانهار اثوث ده انت ضميرك طلع صاحى بشكل يجنن ولامروشو عمل فيك ايه يابنى حطمتنا حرام عليك بس انا خلاص هابدأ اخد دورات فى تجميد القلب وهاتشوف منى وش عمرك ماشوفته اما الشغل والانتشار مش هاتكلم الا قدام المحامى بتاعى كده بردوا اعيلاء

هو الراجل عشان قال الحق
تعملو فيه كدا
انا والا جيت جنبه والا حاجا
انا استغربت اكتر منك :d اساسا
اومال لما تشوفى الحلقه الجايه هههههه
حاسس ان علاء الجيش غيرة ونسى الاعضاء اصلا

[دمعه حائره]

ايوة علاء اتغير مابقاش علاء بتاع زمان
مش حكايه جيش لأ
ده احنا داخلين على انقلاب
وانت شريكه فى كلبش واحد امرشد

[عاشق متيم]

هو التوبيك ده حقيقى ولا مقلب ؟؟؟؟
هو حكم على الاعضاء من وجهة نظره
وطبعا مختلف معاه فى حكمه وضد الانتقاد على الملأ
حتى ولو كنت على حق ...
لو يهمك الشخص كنت تنصحه على انفراد
وانت طول الفتره اللى فاتت كنت غير متواجد فازاى بتحكم
يمكن اطول فتره ليك هى 21 يوم اللى انت قاعدهم دلوقتى
ضميرك ظلم

[عاشقة الهدوء]

حلقه توووحفه وبرنامج رائع يا أحمد
بحييك عليه أستمر عشان كل حاجه تبئه مكشوفه ؟
وكل واحد يقول ألى فى ضميره وأظن أننا فى الآخره أخوه
ومش هنعلق لبعض المشنقه ؟؟؟ وكل واحد لازم يعرف غلطه
ومسئولياته ؟؟؟ بس زى ما قولتلك فى الخباثه يا أحمد وأعتذرتلك
ولسه عند كلامى بخصوص البرنامج وأكيد فهمتنى أمورشو أساحبى
منور يامحمد ♥ ورأيك كان منطقى تماماً وأستمتعت بالحلقه معاكم وأجمل تقييم
موووفق يأحمد ومنتظرين باقى الحلقات أحترامى لكما

[morshooo]

اقتباس المشاركة الأصلية كتبت بواسطة دمعه حائره ايوة علاء اتغير مابقاش علاء بتاع زمان مش حكايه جيش لأ ده احنا داخلين على انقلاب وانت شريكه فى كلبش واحد امرشد

مانتى لو قلبك جامد ^_^
مكنش قال عليكى كدا
شعبيتك فين يا دمعه اللون الاحمر
يعمل كدا برضو :d

[morshooo]

اقتباس المشاركة الأصلية كتبت بواسطة عاشق متيم هو التوبيك ده حقيقى ولا مقلب ؟؟؟؟ هو حكم على الاعضاء من وجهة نظره وطبعا مختلف معاه فى حكمه وضد الانتقاد على الملأ حتى ولو كنت على حق ... لو يهمك الشخص كنت تنصحه على انفراد وانت طول الفتره اللى فاتت كنت غير متواجد فازاى بتحكم يمكن اطول فتره ليك هى 21 يوم اللى انت قاعدهم دلوقتى ضميرك ظلم

علاء اكيد هيرد
بس لما انتا قولت الكلام دا واسمك مش هنا
اومال هتعمل ايه الحلقه الجايه :d

[دمعه حائره]

اقتباس المشاركة الأصلية كتبت بواسطة morshooo مانتى لو قلبك جامد ^_^ مكنش قال عليكى كدا شعبيتك فين يا دمعه اللون الاحمر يعمل كدا برضو :d

هابقى انا وانت قلبنا جامد
ده حتى الاعضاء يضحكوا علينا

[Mo7aMaD 3aLa2]

اقتباس وهاتشوف منى وش عمرك ماشوفته

ههههههههههههههه اعتبر دة تهديد =)))))))
مبتهددش ومبيفرقش معايا
الا ضميرى يا جماعة اشنقونى بس ضميرى يكون مرتاح =))))))))