حقيقه ( ضمير عضو )

[morshooo]

بسم الله الرحمن الرحيم

مزاج الخير

بعد احداث توبيك

( ضمير عضو )

والكلام الكتير الى اتقال والى بيتقال عن التوبيك وفى اعضاء مبسوطه

من التوبيك وفى اعضاء ممكن تكون زعلت من التوبيك وفى اعضاء قالت

انه ( مقلب ) وفى اعضاء قالت ( التوبيك مميز )

فقررت انى اقولكم ايه قصه

( ضمير عضو )

التوبيك دا كنت ناوى اعمله من فترة كبيرة بس كنت دائما بتقابلنى مشكله

ان المنتدى هنا معروف بـ ( المجاملات ) فكنت دائما بقول لنفسى

مهما عملت مفيش عضو هيدخل ( ينتقد ) عضو تانى ولو حصل وعضو

( انتقد ) حد هيقولو دا مضايق منه وفى بينهم خلافات .

كمان كان دائما قدامى ان فى اعضاء ممكن تزعل وتضايق

ان ممكن فى اى حلقه عضو يدخل ( ينتقدة ) فكان دائما فكرة التوبيك

مأجلها ومش عايز اعرضها والكلام دا من فترة كبيرة على فكرة .

لحد من تقريبا ( 5 ايام ) لقيت رساله خاصه من

( silver flower )

وعايزانى اعمل مقلب انى استضيف عضو وينتقد الاعضاء

بينى وبينكم انا اخد كلامها وافتكرت التوبيك وفكرته

وقلبى قالى هو دا الوقت يا ( مورشو ) ولازم فكرتك تظهر للنور

وهو دا حلمك الى بتحلم بيه روح يابنى وربنا يوفقك

المهم فعلا قررت انى انزل التوبيك ولكن .

قبل ما اعرضة كان لازم اشوف ياترى الاعضاء الى دائما

واخدة على ( المجاملات والمدح ) ياترى لو شافت ( نقد )

هتعمل ايه وهيبقى رد فعلهم ايه مين هيزعل مين هيضايق

رد فعل الاعضاء عموما هيكون ايه .

موافقين على فكرة التوبيك

رافضين لان دى أهانه

طيب العضو الى هيجى اسمه ويتم انتقاده هيرد ازاى

ياترى فى التوبيك والا فى استضافه عشان يوجهة نقد للعضو

الى اصلا انتقدة طيب الضيف الى هيجى وهيوافق يكون ضيفى

هحميه ازاى يعنى لو جبته وانتقد فلان وفلان وقدمو شكوى فيه

ودخل فى خلاف والادارة شافت انه فى الشكوى غلط تانى وتالت

وقررت تحظرة ياترى اقعد اتفرج عليه ولو دا حصل ياترى الضيوف

الى بعديه هيعملو ايه هيكلمو بضمير فعلا والا هيخافو وهيكلمو من بعيد لبعيد

كل دا كان فى دماغى قبل ما انزل التوبيك بس قررت حاجا

انى هنزل التوبيك فعلا ولكن ( بهزار ) يعنى فعلا هستضيف عضو

وهبعتله اسماء اعضاء بطريقه ( عشوائيه ) ونشوف هيحصل ايه

فى الاول كات صعوبه الاختيار ان لازم استضيف عضو موثوق فيه

وفعلا بعت ( لطارق ) بس المشكله اننا كنا بنجهز لحلقه ( اجمد عضو )

بعد كدا بعت لعضوة وافتكرت انى قاصد اوقعها فى عضوة تانيه

شوفتو انا بتعب ازاى وبتفهم غلط والله .

المهم قررت انى اجيب ( محمد علاء ) لانه عضو موثوق فيه

والاعضاء تعرفه كويس وعارفه انه بيقول كلام فى محله مش بيقول

حلو يا حلو

( علاء ) وافق على طول بس قالى مش ممكن الاعضاء تزعل منى

طبعا اقتنع ان عايزين نشوف رد الفعل هيكون ايه وعرفته ان التوبيك دا

هيكون حقيقى فعلا بس عايز اشوف الاعضاء هتتقبل والا لا .

لما شوفت رد فعل الاعضاء فى التوبيك لقيت حاجا مهمه ان كتير موافق

على الفكرة ومش عيب اننا يبقا فى بينا ( نقد ) وكمان

فى معترضين واكيد رئيهم يحترم بس لقيت ان السبب مش مقنع

يعنى مثلا فى قال ان دا يعتبر تشهير مش نقد وانه هجوم على الاعضاء

بس انا لما اجى اقول ( لمورشو ) انتا مش كويس بقالك فترة ومتغير

ونشاطك مش موجود .

ياترى ( مورشو ) يزعل وليه يزعل من النقد مع العلم انه ممكن يتم انتقادة

لكن فى اى حلقه تانيه يتم ( مدحه ) .

المهم بعد الحلقه الاولى قررت انى اعمل كمان حلقه عشان اشوف الحلقه التانيه

هتنجح والا لا هيبقى فى اهتمام والا لا

اصل لو الناس اقتنعت انه ( مقلب ) يبقى مش هتهتم والا هتدخل فعلا

فلقيت رد الفعل زى ماهو وفى تفاعل من الاعضاء ودخلت تشوف مين

بيقول ايه ومين بيكلمو عليه وكانت نجمه الحلقه ( لوجى )

الى فعلا عملته صح زى ( علاء ) وكان هدفنا اننا نضايق ( عاشق )

وانا بصراحه كنت عايزة يضايق عشان اشوف لو عضو تم انتقادة

هيوصل لحد فين بس ( عاشق ) طلع رغاى على فكرة

انا مش حابب اطول اكتر من كدا بس انا قررت الاتى :

من اول الحلقه الجايه هتكون ( الحلقه الرسميه الاولى ) من

( ضمير عضو ) .

وعلى فكرة التوبيك فى الاساس ( مش مقلب ) والا ( هزار )

ولكن كان مقدمه لفكرة البرنامج ومعرفه رد فعل الاعضاء

فى النهايه بشكر

ثنائى خط الهجوم

( محمد علاء ) و ( لوجى )

على الى عملوة معايا

وبعلنها محدش يزعل منهم الى عايز يزعل يزعل منى انا

براءة يا ولاد هيصو هيصو

وعلى فكرة كلامهم كان ( هزار ) سامعه

يا ( حوراء ) و ( عاشقه الاحلام )

( وروح صامته ) و ( جبل عالى )

البنات الى بيزعلو بس شكلهم

ضيف الحلقه القادمه

















( خارج عن القانون )

قريباااااااااااااااا

[دمعه حائره]

ههههه
ده انتو عصابه وانا مش عارفه
ايوة كده اعترف وهات كل الاسامى اللى معاك
ضحكتونا ووترتونا بس كان مقلب مظبوط ودخل علينا شويه

[Lost Pearl]

ههههههههههههههههه عشان تعرف خدماتنا الفظيعة يا مورشو

ف انتظار حلقة عكاشة بقى

[حَرفُُ هجآءّ]

ههههههههههههههههههههههه
اعوذ بالله من دماغك السم
ايه ده مش بتفوت فرضه تضايق فيها الاعضاء
بس انا قبلت كلامها لان فعلا انا الفتره دى عصبيه بس مش فى المنتدى
وان كانت ردودى بتبان كده الا ان رد بيكون رد فعلا

يلا بئا اهو الحمد لله ان لوجى وضحتها عشان انا نفسى زهقت من نفسى
وسمعنى سلام انا مش عارفنى هههههههههه

واتهد بئا ربنا يهدك امورشووو

[morshooo]

انا مستنيك يا عااااااااااااااااااشق

^_^

حاسس انه هيكون اطول رد فى تاريخ المنتدى منك

وانتا قولت مش هترد تانى على فكرة على التوبيك

[دمعه حائره]

عاشق الوحيد اللى كان فاهم وانت تقاوح
لاخلاص بعد كده هانصدقه ده مكشوف عنه الحجاب

[Lost Pearl]

أسيل ردك ضحكني جدا

[morshooo]

عاشق كان بيقول مقلب عشان لو مقلب

وبيدافع عشان لو بجد

هههههههههههههه

[خارج عن القانون]

انا كــ عكاشه

مزعلتش من نقد الاء (مع انى مبعتبروش نقد ده يعتبر دلع)

بس انا قولتلهالك ع الياهوو وبقولهالك اهه مره تانيه

خاااف ع نفسك يا مورشو

من سنتين حصل حوارات كتير بسبب توبيك لحظه وفاء واللى كنت ضيف فيه

انا لا انافق ولا اجامل

انا هتكلم بضمـــــــير

[روح صامتة]

هههههههههههههههههههه
انا مزعلتش
شيل اسمي لو سمحت
اقرا ردي تاني وهتعرف :d