تابع صوره فى رباعيه 2013

[صمتى كلام]

بدايه عمرى تشوفها فى الصوره
.
فرحانه برغيفى والفرحه مكسوره
.
جوه العيون نظره بتطل وبحسره
.
اللقمه ببلعها بالعافيه ومحشوره
.

.
ماسك بايدى النار...ومش قادر اتألم
.
جوايا كتير اسرار...ومش قادر اتكلم
.
يعدى عليا الليل.تجرى الدموع مواويل
.
بحر الحياه قلاب واحنا طلاب لسه بنتعلم
.

.
واقفه فى وش الريح صامده وعندى ايمان
.
ومهما بشوف من الدنيا عارفه ان فى حنان
.
تشوفنى اصعب عليك لا حول ولا قوه
.
مااسالش غير هوه ربك رحيم رحمن
.

.
ربك ينزل رحمته والناس بتمناعها
.
ناس تحب الشر وياريت هينفاعها
.
مسلم قصاد مسلم وكانها تقاليد
.
النار بينهم تقيد وانت واقف تولعها
.

.
اوضه واربع حيطان ولا حتى ليها باب
.
ولا حتى فين سجان يقولى ايه الاسباب
.
انا خايف وشايف بس مش شايف
.
الخوف بيصنع جبان.وساعات يعلم الارهاب
.


...
تحيه لجبل عالى

[جبل عالي]

الله الله الله

ايوة ده الكلام ياصمتي .... وعايز تحرمنا منه ؟؟

حقيقة الله ينور عليك احساس راقي وقوي جدا

فى انتظار الأصدقاء ان شاء الله

وحقيقة وفقت جدا ماشاء الله

تحيتي لك وتقديري

[أحمد الجمل]

الله عليك أخي الفاضل
روعة روعة روعة
انت فين يابني وحارمنا من حاجاتك الحلوة دي ؟
سلمت وسلمت يمينك
وتقبل وافر احترامي وتقديري
وكل الود

[ساحر الأحزان]

رباعية جميلة

لواقع مكسور

فى أفعال تحتاج

ألى الأصلاح

عرضت الصورة بواقعية

بالتوفيق ليك

[Reem♡A|❀]

وحياةة ربنا تُحفففه بجد خصوصـاً دى
أأول اتنين رووووووووووووووعه