عودة لبرنامج تعمل ايه لو...... في ثالث حلقاته

[براءة طفلة]

السلام عليكم
ورجعنا تاني بالحلقة التالته في برنامج تعمل ايه لو......؟
وقررنا نقلبها رعب بس بلا كوميديا بلا بتاع
ظهرت دلوقتي ظاهره جديده وهيا انتقام مورشو من الاعضاء طب احنا مش هننتقم بقي
بس اللي حصل ان مورشو خلاني حاسه اني بتفرج علي اعلان فريسكا
عماله اقله خاااااف وهو يقولي لن اخاف
معانا ومعاكم morshooo

morshooo

مشرف يوميات الأعضاء

نبدأ الحلقة:

اهلا بيك مورشو منور البرنامج واهو نرد بردوا علي بعض اللي بتعملوا في الاعضاء

اهلا بيكى وتسلمى على الدعوة

اول حاجه تحب تشرب ايه عصير دم؟؟؟؟
والا عصير التعبان؟؟؟؟؟
والا بيبسي بنكهة الخيار؟

عصير دم
هيكون ليه طعم جامد
اصلى بحب عصير الفراوله
اتفضل


تاني حاجه التورته تحب تاكل تورته علي شكل راي مقطوعه والا ايد مقطوعه؟
والا جمجمه؟
والا عين؟
والا فران؟

كله موجود بالصور

لا عايزين جمجمه
هتدى جو حلو للحلقه
مع عصير الدم
اعتقد مفيش احلا من كدا
ههههههههههه تمام اتفضل



بالهنا والشفا نخش بالأسئله بقي
تعمل ايه لو النور فجأه قطع ولقيت حد بينور شمعه (للعلم انت لوحدك في البيت)

هاخدها منه عشان اشوف هو فى ايه
اكيد لو دا حصل هجرى على اقرب
بلكونه او شباك وافتحه واشوف
فى ايه

نعمل ايه لو النور قطع عليك برده بس لقيت صوت من المطبخ بيقولك كام معلقة سكر؟؟؟؟

هسئله هو بيعملى ايه بالظبط
اصل لو شاى او قهوة او حاجا زى كدا
هقوله مش بشربهم ^^

تعمل ايه لو وانت قاعد في الشقه كلل الاسئله وانت لوحدك علي فكره
ولقيت اسراب من الفيران

ههههههههههه
دا بقى احبوووووووووش
مبحبش شكلهم اصلا
والا اشوفهم واحتمال لو كانو قدامى
اعمل انا فيها خفاش واتنطط على الحيطان

تعمل ايه لو ماشي في طريق مهجور وحسيت ان فيه خيال ماشي وراك؟؟؟؟؟؟

لا مش بخاف من الحاجات دى
عادى هشوف فى خيال فعلا والا لا


تعمل ايه لو صحيت بليل وسمعت صوت خربشه في المخده؟

هبص على المدام الاول اشوف
وضعها مستتب والا لا
يعنى يمكن بتمشى وهى نايمه والا حاجا

تعمل ايه لو سمعت فجأة صوت تكسير في الشقه؟

والا حاجا هتبقى خضه صوت التكسير الاولانيه
وبعد كدا هشوف فى ايه

تعمل ايه لو طلبت حاجه وانت قاعد في اوضتك ونسيت ان انت لوحدك ولقيت حد بيناولهالك؟

لو دا حصل احتمال
اطلب ( صافيناز )
عشان يجبوهالى هى كمان
طبعا كله هيقول ياريت احنا كمان

تعمل ايه لو المواقف اللي بتجاوب عليها دي حصلتلك فعلا؟؟؟؟

اكيد هيكون مكانى فى العباسيه
بس ياريت اخر موقف دا يحصل الاول

تعمل ايه لو سمعت حد بيكلمك بس انت مش شايفه؟؟

مش هرد عليه

تعمل ايه لو فجاه الكمبيوتر قفل من غير اي سبب والماوس علق والكيبورد علق والطرابيزه اللي قاعد عليها اتكسرت كل ده في وقت واحد؟؟؟؟؟؟؟؟

يبقى اكيد المدام معديه
عشان دائما تقولى ياااااارب
الجهاز يخرب ومايشتغلش تانى

تعمل ايه لو ماشي في حته ضلمه وشفت عيون حمرا بتراقبك؟؟؟؟؟

هو كله رعب رعب
مفيش حاجا بجد ابدا ^_^
اكيد هبص عليه واشوف فى ايه
بس اكيد هكون خايف

الفقره التانيه بقي اسئله مخيفه عامه:

1_ لو طلع لك عفريت في يوم هاتعمل ايه؟

بس هو يطلع الاول


2_ لو حسيت ان في عفريت موجود في المكان اللى انت فيه هاتعمل ايه؟

هشغل قرأن اكيد




3_ لو حد قالك انك ملبوس هاتتصرف ازاي؟

اكيد هروح اشوف الحوار دا
والى اعرفه ان فى ناس بتعالج الكلام دا



4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟

لا خيال عادى بس اكيد هكمل طالما
كدا كدا خربانه خربانه


5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟

والله ماعرف بس اكيد مش هصرخ ^_^
ممكن اجرى



6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟

هديله بكوعى



7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟

دا بيحصل عندنا فعلا هههههه
بس لا مش هخاف والا حاجا
يعنى متعود عليها



8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟

اكيد هسيبها وامشى حتى لو هقعد فى الشارع



9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟

لا مانا مش هاخد شقه كانت
ساكنه قبل كدا هههههه
احب اكون اول ساكن فيها



10_ اشتريت عربيه وطلع ان واحد كان مقتول فيها؟

لا عادى مش هتفرق
هغير الفرش وكله هيبقا تمام




11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟

هقول الحمد لله انها عدت على خير



12_ قالولك ان البيت ده مسكون تعالا ندخله هاتدخل ولا لا؟

لو معايا حد اوك
لوحدى لا والف لا



13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟

لا هاخد بعضى واطلع احسن
انا هدخل عشان اتاكد ان فعلا
فى حاجا زى كدا لكن لو طلع بجد
يبقى شكرا واشوفكم على خير



14_ احكي لنا عن موقف مع العفارين حصل لك وعمرك ماتنساه؟

ههههههههه
يابنتى وانا مربيهم فى البيت عندى



15_ شفت حد ملبوس قبل كده؟

اها شوفت وحضرت مرة
وهم بيطلعوه منه



16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟

لو ضرورى ادخل يبقى اكيد هدخل
لكن واحد معرفوش فخلاص مش ههتم



17_ تقدر تروح بيت مسكون وتقعد فيه لوحدك يوم كامل؟

وحياتك والا انا والا غيرى



18_ سمعت قبل كده اصوات خوفتك ؟ امتي ؟ وفين؟

فى مرة كنت نايم وفعلا سمعت صوت غريب فة ودانى
قومت فتحت النور وقولت اشوف فى ايه
لقيت الموبيل محطوط ومعمول ( صامت )
وعمال يرقص على الكومدينيو



19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟
وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟

اكيد هيبقى الوضع رخم طالما قتل وكدا
لكن هعمل ايه يعنى بيتى الى قاعد
فيه هههههه هسيبه واقعد فى الشارع



20_ تقدر تروح الاماكن دي بالليل لوحدك ومن غير اى وسيله اتصال بالناس :_


1_ المقابر

فى البلد عندنا بيتين
عشان تروح من دا لدا لازم تعدى على
المقابر وتمشى كمان قدامها
وكان عادى يعنى يمكن الاول
الواحد كان بيخاف ويتخيل
حاجات وهو معدى حتى لو معاه حد
لكن دلوقتى خلاص مش فارقه

2_ جبل في منطقة بعيده

مجاش فى بالى حاجا كدا
بس عادى معتقدش هرفض او هخاف

3_ تبقي في مركب في عرض البحر

المهم تكون متأمنه



21_ انت خواف بنسبه كام في الميه؟

مش عارف بس الخوف موجود فينا
عموما بنسبه كام دى معرفهاش بصراحه



22_ ايه رايك في الصوره دي





دي اخر صوره تم التقاطها في19 ديسمبر سنة 2003 في قصر هامبوتن المسكون ؟

ماشاء الله جميله ههههههههه
بس ابيض واسود ليه كنا عايزين
نشوف العفريت بالالوان

23_ ايه اكتر فيلم رعب بتحبه؟

[واد حبيب]

ايه الحلقه اللي كلها رعب دي
منور يا مروشو الحلقه المرعبه دي
في انتظار حلقات اخري

[Silver Flower]

هههههههه
حلوه الاسئله
كلها رعب برعب
استضافه جميله
اول مره بشوف احمد يستضاف ههههه
عمرها ما صارت

[موري كول]

حلقه جميله خالص ومميزه

والاسئله ماشاء الله كلها مرععععععععبه
والردود جميله وصريحه

مجهود جميل براءة طفله
تقيمي

[ساحر الأحزان]

لا مرشو

متعود على الرعب

وقلبة جامد

يعنى دى حاجة عادية

بسى هو بيخاف من الضلمة

[Reem♡A|❀]

حلووووو اووووى البرنامج ي رونـأإ
تعيششى ي بنت بلدى ي ام ققلب
هديد هههههههههههههههههه

[ღ✿جومانا✿ღ]

the best like for you!! احلى لايك علشانك يا قمر

[حَرفُُ هجآءّ]

ههههههههههههه
انتى يعنى جايبه العفريت نفسه تستضفيه
يخاف مين ياماما
ده يخوف بلد

بس حلقه جميله والاسئله وان بقرائها بفكر لو الحاجات دى حصل معايا
تقريبا كده كنت هبئا الله يرحمنى هههههههه

تسلمى يابنوته على الحلقه الجميله

[Reem♡A|❀]

هههههههههههههههههههههههههههههههههه

[حالمة باميرى]

الحلقة حلوة اوى ومرعبة بجدبس اكترحاجة عاجبتى فى اجبت

morshooo
انة مش بيخاف من العفاريت ولا الرعب
شرب عصير دم وجمجمة وفى الاخر
بيخاف من الفئران ههههههههههه
هههههههههههههههه
مشكورة يا عسل بجد حلوة الحلقة
ضحكتنى اوى بجد