العيب فى مين ؟

[.Lamar]

تتفرج علي الجزيره يصعب عليك طلبه اﻷزهر تتفرج علي Ontvيصعب عليك العساكر تتفرج علي لميس الحديدي يصعب عليك عمرو اديب من كام يوم شوفت الكلام دة بصراحه عجبنى جدا خصوصا الكلام عن لميس بس زى مابيقولوا الطيور على اشكالها تقع و ماجمع الا اما وفق المهم ندخل فى موضوعنا طبعا كلنا عارفين اهميه وسائل الاعلام وانها تعتبر عنصر رئيسى وفعال فى التاثير على الحياه عموما بكل مجالاتها خصوصا السياسيه ودة اللى هنتكلم عنه مدى تاثير الاعلام على الاحداث السياسيه فى مصر وياترى انت شايف ان الاعلام بينشر الحقيقه بكل مصداقيه وشفافيه ولا برضو فيه انقسام زى اللى بيحصل فى الشارع المصرى يعنى مثلا هتلاقى الاخوان بيشوفوا الجزيره عشان بتعرض اللى بيتفق مع ميولهم واتجاهاتهم واللى معارض ليهم شايف ان الجزيره قناه بتشعل الفتن وعايزه تولع البلد هتروح لمؤيدين السيسى والحكومه هتلاقيهم بيشوفوا التليفزيون المصرى والcbc وال ontv عشان بتعرض اللى بيتفق مع اتجاهاتهم السياسيه وميولهم والاخوان شايفين انها قنوات مضلله ومبتعرضش الحقيقه ياترى مين الصح ومين الغلط عن نفسى شايفة ان مفيش قناه او وسيله اعلام على مستوى مصر والدول العربيه بتعلن عن الاخبار بمصداقيه وحياديه كل واحد بيعمل لصالح جهه او فصيل معين عشان تحقق اهدافها ومصالحها و معنديش مانع تقول الجزيره وحشه بس متقولش الcbc حلوه معنديش مانع تقول دى بتعمل فتنه وبتحشد الناس ضد الحكومه بس برضو القنوات التانيه بتعمل نفس الكلام هاتلى بديل للجزيره وانا مشوفهاش هاتلى قناه بتعرض اخبار الاخوان وانا اشوفها بس ياترى العيب فى القنوات دى ولا فى الشخص اللى بيتلقى المعلومات او الاخبار منها من غير تفكير كل اللى بيعمله انه بيستقبل معلومات مش مهم بقى هى صح وله غلط طالما فى صالحى وهتظهر الفصيل اللى انا معاه بشكل كويس وتظهر اخطاء الجانب الاخر ليه لغينا دماغنا وسلمناها ليه مش بنفكر ؟؟؟ ياترى خايفين نطلع غلط ؟ ولا دة اللى اتعودنا عليه واحنا شعب مش بيحب التغيير ؟ يا ترى العيب فى القنوات ولا العيب فينا ؟

[توحد ارواح]

فعلا كلامك
الاعلام بيكون موجه عموما سواء للطرفين زى ما قلتى يا قمر
واللى بيتأثر جدا بكدا هى الطبقات البسيطه التى تنساق بسهوله
وراء القنوات دون تفكير وتنفعل بما تراه وتبنى رأيها على كدا
ولكن المفروض فعلا اننا نفكر ونقيم الموقف ومش يكون الاعلام هو اللى يوجهنا
تسلمى ع الطرح القيم يا قمر

[أحمد الجمل]

أضحك الله سنك لمار
الموضوع كله أكثر من رائع
لكن المقدمة تحفة
المشكلة بالطبع في المتلقي يا لمار
وإلا فما الفرق بينه وبين الحمار ؟
لماذا لا يحكم كل مشاهد عقله وضميره قبل عقله
ولا يسمح لهؤلاء المسوخ أن يوجهوه كيفما يشاؤون وفي الوقت الذي يريدون ؟
ولماذا لا ينزل بنفسه محايدا إلى هذه المواقع التي يصل إليها مراسلوا القنوات الفضائية ، ويرى بأم عينيه ما يحدث ؟
وساعتها سيقطع الشك باليقين
،،
موضوع أكثر من رائع لمار
تحيتي وتقديري
ودمت كما تحبين

[داليـــا]

جدًا رآئع الموضوع وطريقة طرحه رائعة لمار
ومن رأيي العيب في البعض مننا لأنهم فعلاً بيناقدوا نفسهم
ومش بيتعلموا من أخطاءهم
واللي كانوا شايفينه غلط امبارح بيشوفوه صح النهاردة ومش عارفه ليه
مش علشان بقى فيه مصداقية لأ علشان عقولهم تلفت من كتر
اللي بيشوفوه
الشخصية المحترمة السوية هي اللي مدركة تمامًا مدى فساد إعلامنا
ونفاقه وجبنه وإثارته للفتنة وأنا عن نفسي بحب أسمع الرأي والرأي الآخر
بس والله لما بشوف قنواتنا بقرف وبحس باشمئزاز واكتئاب
ومش هاقولك علشان كذابين لأ علشان على الأقل
( والأقل ده مصيبة بحد ذاته ) التناقض في كلامهم وإشعال الفتنة
وعدم احترامهم للحدث نفسه ولا لعقول المشاهدين ولعبهم بمشاعر الناس
امتناني وأكثر

[كريم*]

ان استطعت ان تخدع الناس بعض
فلن تستطيع ان تخدع الناس كل الوقت
الحق واضح وظاهر
راجعو التاريخ
افتكروا ثورة يناير بياكلوا من كنتاكى
بياخدوا فلوس من برة
لميس وعمرو وغيرهم
رجعوا كل الاوساخ مبارك وحاشيتة
فاكرين كل الفضائيات المصرية والتليفزيون الرسمى

من كانت القناة الوحيدة التى
شهد لها الجميع ..الجزيرة
العيب فيكم والحق واضح
والله لتسؤلون
كل الشكر لمار

[ساحر الأحزان]

العيب فى الى بيضلل

وبيخفى الحقائق

العيب فى الى خايف من الزهوة تروح عنة

ويبقى عادى

تزيف الحقايق مش بفيد وعدم عرض الحقيقة

يندرج تحت بند التضليل

يبقى العيب فى أنى أعرض حدث غير صحيح

وألح فى أنة الحقيقة لأن الحقيقة بتحتاج تحرى الدقة فى العرض

لما تلاقى بقى تخبط أن دة بيقول كلام ؟

ويجى غيرة يقول عكسة ؟

أو أنشر خبر ويجى غيرى يكدبة

يبقى حنصدق مين ؟

ونكدب مين

الأعلام مرأة الأمة النطاقة وتمتعة بالنزاهة والحيادية يعطية مصداقية كبيرة جدا !

ويصبح مصدر الخبر الصحيح مصدر ثقة للقارىء وللمشاهد

[ana dema]

ههههههه الاعلام دا مصيبة

[ana dema]

خليك فى نفسك ومتسدقش حد

[ana dema]

بس الاعلام المصرى بيكدب كدب

[Aya 7ekaya]

موضوع هاادف ي مر
وعجبتنى جدا المقدمه
بصى انا هتكلم بصراحه مش هتلاقى فى وقتنا الحالى اعلام محايد بنسبه 100 %
بس لما تقارنى اكيد هيكون فى تفاوت يعنى انا من الناس اللى بتتفرج على الجزيرة وبثق ف مصدفيتها لكن مش معنى كده انها صادقه ف كل حاجة لان كل قناه ليها منهجيه او هدف بتوصله والقنوات اللى هى من وجهه نظرى مضلله زى سى بى سى واون تى فى دى بعتبرها لا تصلح انها تكون منبر بيوصل صوت للناس لان منهجها التضليل والكلام ده مش كلامى يعنى لو سمعتى وابحثى عن كده على اليوتيوب لميس الحديدى كانت بتقول احنا لازم نكدب علشان نشتغل !