حروفك مالها يا قصيده

[فرانكو.هدوء ملك]

قالولك ايه ....؟ قالولك ايه يا امي عني خاين عميل؟ وصلولك كل حاجه بالتفصيل؟ ميفهموش ان العباده مش تأجيل.. واني لما بعبدك واني لما بحنلك حتي لما فرحتلك . دمعي يسيل كلام الشعر ليــه بقا مر وطعم الحرف بقى عــادم ما ياما سنين علينا تمـر ودوقــنا المـــــر والعــادم حـروفك مالها يا قصـــيدة بقت تبكـــي بدل دمعي وعامله لحـــرف فاء صيده فضــاع الفرح في سمعي قلم شعري اللى كان لونه بلون الضحكة في شفايفك صبح لونه بسـواد كــــونه ضعف خطه ومش شايفك انا الشاعر ومش شـاعر بشيء ينحـــس جــُواكِ حروف شعري لها مشاعر بحس ألمهـا في جَــــواكِ أنا والشــعر ليه تتيـــهين في قاعـة محكمة وحاكم ولو كنا نكـون مــــع مين وقاضي العدل لُه حاكم أنا وحـروفي خـــدامــك فدليـنا على الصــــالح وأعيش عمــري كخدامك لو الدولة دي تتصــالح كلام الشعر كده بقى مر وطعم الحرف بقـا عـادم كفاية بقا اللي عدى ومــر ودوقــنا المـــــر والعـــادم -------------------- كنا ننــادي باسم الشعب وكان الشعر لسان الشعب ولا كان سيسي ولا إخوان ولا كان خـاين ولا خـــــوان كنا الشعب المصري الواحد ليه اتقســم انا بيـن و بين واتحاسب واطلع مـداين وكـمان خاين في الحالتين إن جيت هنا اطلع م الدولة وإن جيت هنا أطلع م الدين كنا الشـعب وكــــنا بنرضا ولقمة هنيه تكـــفي اتنين ليه بتحاولوا الفرقة ما بينا وبعد مجاعه نكون حاقدين ثورة دي كانت ولا مساومة ما بين الدولة وبين الـدين كنا الشعب وزي ما كنــا لازم نفضـل متـماسكين لا أنا إخـواني ولا علمـاني ولا لبرالي ولا نيـاشين أنا مصـري بحـق القــرآن والسنة وبشـرع الـدين ولا طـــالب سلطة ولا قيادة ولا نفسي أحــكم سناتين أنا طلـبي من أي قيــادة كيلوا سكر ومعاه رغفـين أتعشي ويتعشـوا ولأدي وفي بيتنا نباتوا أمـنين ولا هسأل عن دخل بلادي ولا عايز منكم مـــــلاين بس سبـوني أربي ولادي على القرآن و ع الإنجيـل كنا الشعب وكنا جماعة وكلنا كنا مصــــــريين اصحوا فوقوا قوام يا جماعة كنا دي كانت من سنتين ! إحنا الشعب ومش شــماعة إحنا الدولـة وإحــــــنا الـدين

[ويبقى الأثر]

رائعه حروفك فرانكو وماتحمله من ألم وحسره
مالنا بجد
فى الاسره والبيت الواحداصبحنا منقسمين
وحالنا ده لايرضى مله ولادين
اخ بيطعن فى وطنية اخوه
واخ تانى بيشكك فى الدين
لحد أمتى؟؟؟
ده السؤال اللى محتاجين له أجابه


سلمت اخى وسلم مدادك

[ساحر الأحزان]

كلمات جميلة سعيد

وان شاء الله الى جاى

يكون افضل لينا جميعا

[أحمد الجمل]

رااااائعة يا فرانكو
أحسنت وسلمت يمينك
تحيتي وتقديري

[جبل عالي]

ماشاء الله حروف قيمة جدا جدا

واحاسيس قمة فى الرقي

كل الشكر والتقدير