مقتطفات من حنين وعتاب .. مساحة للجميع

[طبيب الهوى]

اهي دُنيا وعايشين فيها


ومش عارفين نمشي عليها


لو صاحِب مبدأ مش هَتجاريها


عشان الفهلوي نِن عينيها


قالوا العيب في النظام مش فينا


عملنا ثورة وللتحرير مشينا


شيلنا النظام والإخوان ركبوا علينا


ماتوا اولادنا وبنارهم انكوينا


واحنا لا روحنا ولا جينا


اخص يا دُنيا اخص


ليه ماشية بالعكس


ونازلة فينا كَنس


ومنَعتي الفول والعدس


شكلنا احنا شعب نحس



هذيان قلمي المجنون



أبو عصام

[ويبقى الأثر]

بعتب كتير على احلامى
بفتح ببانها فى منامى
واستنى كتير انى اشوفه
ليه بس من بابا حرمانى

[ويبقى الأثر]

بحن لحضن اديك الدافيه
لبسمتك وضحكتك الصافيه
نفسى ف لحظه واحده بجد
اشوفك دى نظره منك شافيه

[الرحــاال المٌتَمرد]

أشكرك جبل لـ منح رواد واحه العاميه هذه المساحه


أنا طيــر فـ الســما مَكســور جناحٌــه
أنا قلب وحيـد سابوا حَبَيبٌه و راحوا
هجــروا في عِــز ما هو مِحتاج لٌهم
لَكِــن هٌما عاشــواا بَــعـدٌه و إرتاحوا

لا هــو عــارف هٌما الغــلط ولآآ هـــوه
يِضحك قٌدامهٌم لَكِنٌه مَجروح مِن جوا
تِغيب أيام وهو لساه يا ولداه علي حالٌه
ضَعيف مَكسور و دايماً يتظاهر بـ القِوه

جوايا صوت الأنين و الحٌززن راكِبني
بَتعذب مِن الحَنين و الصَبر غــــالبــني
يسيبونا ليه بَــعد مـــا حبيناهٌم و حَبونا
مَجروح يا أنا والحٌزن حالف ما يسيني


شَجــر الفٌــراق طــراح دايــماً بيطعـمـنــا
عٌمرٌه ما داق أفـراح والفرح نِسِي وينَّا
إنسي بأه و إرتااااح و إتحدي أحزانَّـا
ما كفايه علينا جراح حبايبنا ناسيينــَّا

خارج حدود العقل ~

[جبل عالي]

غايبة القلوب الطيبة وتايهة عننا

سيبانا نحن لذكرى حلوة حنينة

ضحكة ولمة وليالي دافية

ضاعت ياخسارة من كام سنة

[جبل عالي]

باعتب على ....

صمت القلوب الطيبة ... وعلو صوت القسوة

[جبل عالي]

ساكتة ليه ياحروف الكلام ؟؟

انطقي وصحي فينا اللي نام

لفي الكون يمين ولا شمال

علمينا من تاني معنى الإبتسام

[يحيى الفضلي السودان]

الحمد لله ان من فينا بسماحة الخلق والبعد عن المكايدات والمزايدات
خير عبادي الخطاؤون التوابون هذة هي سماحة ما نربوا اليه

[جبل عالي]

فاكرين ... لما كنا صغيرين

والدنيا أقرب من أطراف الإيدين

خوفنا كان من خيالات موهومين

وحلم بشوية أمل يبقا حقايق ملموسين

كنا اقرب من الدموع جوه العينين

حبايب ماشيين وإيدينا المشبوكين

من بكره ولا من بعده محناش خايفين

واعمارنا بتجري منا واحنا مبسوطين


فجأة السكة راحت ... والضحكة ماتت

والخيال بقا غول بياكل فينا وهو ساكت

[ويبقى الأثر]

نفسى افرح بس ولو ليومين
ساعات بعمل نفسى ناسيه الحزن الدفين
واقعد العب كأنى طفله بضفرتين
بس ساعتها تبقا الضحكه طالعه مره
لان جواك اصلا مخنوق حزين
ماهو يافالح حد يحلى الملح بالسكر بالزمه ده شغل عاقلين ؟