مقتطفات من حنين وعتاب .. مساحة للجميع

[جبل عالي]

السلام عليكم ورحمة الله



بداخل كل منا حنين وعتاب لأشخاص لمعاني

لأحداث ... لأماكن ... هنا نسجل

لحظات الحنين والعتاب بحروفكم وأقلامكم



حنين لبلدي وعتب على غياب صبح يسكنها

ياأم الولاد ياحنينة ....

ياراسية بقلوبنا الطيبة

بعيدة عني بقيتي ...

رغم انك بقلبي قريبة

ياخضرة يازينة ...

ياكل الحكاية ونور المعرفة

عيونك شكولي ...

عن الجروح والآلام النازفة

ولما تعبتي عليا جُرتي ...

وانتهيتي معايا بمعضلة

وتاهت منك ومني حقايق ..

وضلمة صبحت حدودنا الفاصلة






تقبلوا تحياتي وتقديري

جبل عالي

[حَرفُُ هجآءّ]

لحظة حنين
للى كانوا قريبين
للى هيفضلوا فى القلب ساكنين

مساحة جميلة جبل
تقييمى المتواضع +5 ستارز

[ويبقى الأثر]

بحن للبسمه الصافيه
مش اللى طالعه بالعافيه
بسمه تلاقيها مهمومه
مجامله بس مش شافيه


راقية الحرف والنبض
جبل عالى
موضوع رائع ومساحه رائعه كروعتك
يثبت ويقيم

[جبل عالي]

ليه الليالي الحلوة قصيرة ؟؟

والعمر بيجري لسكة متعفرة !!

ملحقش أفرح ..ألاقي الحياة

شوية أحلام متبعترة





نورتوا المساحة كلكم ويارب دايما

مع بعض نفرح سوا ونحزن برضو سوا

لأجل يهون علينا الألم طول محنا مع بعض

مهما الأيام تجرحنا ولا تعز علينا الدوا

[ويبقى الأثر]

بعتب ع الاخ اللى بيقتل أخوه
بحجة شرع أو وطن أوزى مابيفهموه
مااحنا كنا عايشين بربنا كلنا موحدين
لااخوانجى ولا سيسى ولاولا ياهوو

[جبل عالي]

باحن لحضن أمي في ليلة شتا

وكلمة حلوة وابتسامة فيها الشفا

[جبل عالي]

عتبي على كل حروف الكلام

سيبانا ليه نشوه فيكي معنى السلام

منك كانت البداية وباسم الرحمن

نرجع لروحنا ولايكون عليكي الملام

[طبيب الهوى]

احنا بنحب ليه


عشان اسمه ايه


نَنوس عين أمه


كبر واخضر شَنبه


اختار عروسة حلاوة


تشوفوها تقولوا بقلاوة


وهي دماغها طراوة


ونقوله اما براوة


عيال خلفوا عيال


بالذمة يربوا اجيال


حرام ولا حلال


اب وام اطفال


فينك يا وهبىَ


بنت سلطح بابا


صوتت وقالت يابا


وسي السيد وامينة


بئوا نجوم سيما


راح الحب راح


وزاد الالم والجراح


حليم وفريد اشباح


وغنىَ الليثي وانشراح


وكفاية كده يا جبل


قبل البت ما تنهبل


ضل راجل ولا الخبل


ومحدش يقول جبت الكلام ده منين


ولا يقول ايه اللي بين القوسين


مفيش احلى من الهذيان


في عالم كله جنان



هذيان قلمي المجنون



أبو عصام

[طبيب الهوى]

الفَقر للفَقير نِبراس

يزهو بِه الناس

وَلِلغَني عليه حُراس

وفي الأخير ينداس


هذيان قلمي المجنون

[طبيب الهوى]

احنا بتوع العامية


شعار الطلبة في الامتحانات الرسمية


نام واتغطىَ بالبطانية


تطلع الأول علىَ الجمهورية


لا تقول بامية ولا ملوخية


مفيش أطعم من الفول والطعمية


الأكلة المفضلة لملوك العامية



هذيان قلمي المجنون



أبو عصام