حبيبي قلبي معاك

[غذاء القلوب]

قلبي معاك





أتحــــــدى العااالم كله وأنا وياااااااااااااك .. وأقول للدينا بحالها إن أنا بهوااااااااااااااااااااااك

إنت حبيبى وقلبى وعمرى و .....

يا عم يا عم إيه الرومانسية دى ؟؟

ما تسبينى أكمل الأغنية واسرح فى كلماتها الجمييلة إيه الرزالة دى !

مين ده بقى اللى تتحدى العالم وإنتى معاه يا سعيده هانم ؟!

:heart: حبيبـــى :heart:

حبيبك !!!

آآآه أصلك متعرفيش يعنى إيه (( حـــــ :heart: ــــب )) .. آآآه يآآنى يا نااااس

مش عارفة الناس اللى عايشة من غير ما تحب وتتحب دى عايشة إزاااى ؟؟

ده أنا لو حبيبى مكلمنيش يوم واحد .. أفضل أعييط طول اليوم ,, ربنا يخليه ليا ولا

يحرمنى منه أبدااا .. ما تقولي آميين ؟

لأ مش هقول !

شكلك كده غيرانة مني وبتحسديني على السعادة اللى أنا فيها .. هو في واحدة ف سعادتي

دلوقتـــــي يا نااااس ... بصى أنا مش عايزة أعكر مزاجى وعايزة أفضل في المود ده

على الأقل لحد أما أقابل حبيبي تاني .. فبعد إذنك بقى !

طيب ممكن أتكلم معاكي شوية ؟

؟ وتفتحيلي قلبك في الشوية دول ؟؟ صدقيني مش هاخد

من وقتك كتير ولو كلامي معجبكيش يا ستي يبقى ولا كأنى قولت حاجة وروحى كملي الأغنية

والألبوم كله كمان ..

طب إنجزي عشان ورايا محاضرة كمان نص ساعة ..

حاضر يا عم المجتهد ,,, ممكن أسألك سؤال ؟

إنتي علطول سعيدة ومبسوطة بالشكل ده ؟ ولا فى أوقات بتيجى عليكي بتبقي مكتئبة

ومهمومة ؟؟ .. وممكن زى ما قولتلك تفتحيلى قلبــك وتجاوبى عليا بصراحة ؟ : )

إممممم بصراحة أنا كتيررررر أوووى أكون سعيدة بالشكل ده خصوصاً مع حبيبي !!

لكن ساعات أكترررررررررر برده ببقى مخنوقة

من نفسي ومن الدنيــا كلها .. وبيجيلى يأس من كل حاجة فى الحياة فجأة كده!

طب مفكرتيش فى يوم من الأيام ده بيحصلك ليه ؟؟

لأ بصراحة .. وبعدين عادى الناس كلها مخنوقة ومش طايقة نفسها !

بس أكيد فى سبب !

ممكن يكون السبب إن حبيبى يزعل مني أو أضايقه .. أو لما نتخانق مع بعض .. أو لما

أحس إنه جرحني : ( تقدري تقولي دي الأسباب الرئيسية

طب سؤال تاني معلش ... إنتى بتحبي ليه ؟؟ ودخّلتى نفسك فى علاقة عاطفية ليه ؟؟

الإجابة بسيطة جداا على فكرة ... لأنى محتاجة حد يهتم بيا ويحس بيا ويخلينى سعيدة

ومبسوطة .. محتاجة حد يحبنى وأحبه .. محتاجة حد يسأل عليا ويكون حنين عليا ..

بإختصــار .. أنا عايزة ألاقي اللي أنا مش موجود في حياتي دي .. وهو ده يا ستـي الحــب !

طيب يا جميل يا ترى إنتي فعلاً لقيتي ده كله أما حبيتي وإتحبيتي ؟؟

على فكرة أسألتك كترت .. بس هجاوبك عشان يمكن أكون محتاجة أتكلم مع حد .. هو

بصراحة مفيش حاجة كاملة .. بتعدى عليا أوقات ببقى طايرة من الفرحة بس للأسف مش

بتدوم : ( وبتيجى بعدها أوقات ببقى هموووت من الإكتئاب والخنقة وببقى كارهة نفسى

أووي !! بس نفسـي أعيش علطول مبسوطة وسعيدة وفرحانة من قلبــي

يعنى إنتي كان هدفك إنك تدورى على السعادة والإهتمام والرعاية

وكل ده تمثل _ بالنسبة لك _ فى " العلاقة العاطفية دي" .. لكن بالرغم من كده برضو

ملقتيش الحاجات اللي إنتي بتدوري عليها .. بل حياتك فيها مشاكل ومش صافيه أبداً ...

صح ولاأنا غلطانة ؟!


بصراحة .... صــح !

إنتي عارفة إن الإنسان مننا عمره ما هيحس بالسعادة إلا وهو قريب من ربنا وربنا راضي عنه ؟؟

أكيد طبعاً

طب تفتكري ربنا راضي عنك وبيحبـــك ؟؟!

مش عارفة !! إنتى بتقولي إن اللى ربنا بيحبه بيخليه سعيد ومبسوط علطول .. لكن أنا مممممممممم

,, حتى لو كنت سعيدة أمامك دلوقتى .. إنما أنا فعلاً مش سعيدة : ( يبقى كده ربنا

مش بيحبني ومش راضى عنى ولا إيه ؟؟

حبيبة قلبي .. تفتكري ربنا راضي عن علاقتك بالشخص ده ؟؟ تفتكري لما ربنا ينظر لكم

وإنتوا مع بعض .. بتكون نظرة سخط ولا نظرة رضا ؟؟

تفتكري لما بتكلميه وتخليه يمسك إيدك ويلمسك ده كله يرضي ربنــا ولا لأ ؟

إنتى غالية أووووووووووووووى ليه ترخصي نفسك للدرجة دي ؟؟

أرخص نفسي إزاى يعني ؟!

أولاً يا قمر .. أنا بحبك في الله وعشان بحبك خايفة عليكي .. فكلامي ده

هيكون عشان خوفي عليكي وسامحيني لو كنت شديدة معاكي .. لكن والله

ده من خوفي عليكي لأنك أختي وحبيبتي والله ..

بصي يا حبيبة قلبي .. إحنا لو عندنا شجرة تفاح مثلاً وفي تفاح واقع على

الأرض وفى تفاح فى الشجرة فوووق مش أى حد يوصله بسهولة !

التفاح اللي على الأرض ده أي حد بياخده وياكله ...

لأنه" سهل الوصول ليه ورخيص " !

أما التفاح اللي فوق الشجرة ده مش أى حد بيوصله ولا أى حد بياكله ...

لأنه " بيتعب عشان يوصله وغالى فى نظره "

كذلك البنــات .. إحنا التفاح ده ,, في مننا اللي فوق الشجر ودي اللى

محافظة على نفسها وحياءها وحجابها وصاينة نفسها من أي حد يقولها كلمة

مش كويسة وصاينة نفسها عن العلاقات العاطفية دى !

أما اللي واقعين على الأرض دول .. فدى البنت اللى رخصت نفسها وسمحت

لأى حد معدي إنه يكلمها ويحب فيها ويضحك عليها وياكل بعقلها حلاوة

وطحينية كمان !

إنتي رخصتى نفسك يوم ما سمحتي للشخص ده إنه يكلمك .. رخصتي

نفسك يوم ما خلتيه يلمسك .. رخصتى نفسك يوم ما أوهمتى نفسك إنك

بتحبيه وإنه بيحبك !

لكنه فى الحقيقة إنتي لا تساوي عنده أي شئ !!

لأ طبعاااا ده بيحبنى جداااااااااا ومستعد يعمل أى حاجة عشانى !

تفتكرى ؟؟؟

أكيييييييييد

طيب تفتكرى الشخص ده لو شاف أخته مع شاب فى الجامعة وماشيين

وماسكين إيد بعض وعاملين يحبّوا فى بعض .. هيعمل إيه ؟؟

ردى هيعمل إيه ؟!!

هااا .... مممممممممممممممممم !!!!

ردي ولا معندكيش إجابة !

دى هتبقى محظوظة لو ممشيتش من الجامعة على نقالة وسوّد عيشتها

وعيشة كيس الجوافة اللى كانت قاعدة معاه !

عارفة ليــه " لأن أخته أغلى عنده منك "

عــارفة ليييه ؟؟ " لأنه بيتسلى بيكى وإنتي بالنسبة له مجرد لعبة هيلعب بيها

شوية لحد أما يزهق ويرميها ويشوف غيرها "

إنتي تعرفي إن الشباب كلهم يستحيييييييييييييييل يتجوزوا واحدة مشيوا معاها قبل كده ؟!!

وقت أما بييجوا يتجوزوا بيدوروا على البنت المحترمة اللي مش بتكلم ولاد ولا بتصاحب !

عشان ساعتها بقى إنتهى وقت " اللعب والتسلية " وجه وقت " الجد " !

ليه سمحتى لنفسك إنك تكونى لعبة فى إيده !! ليه رخصتي نفسك للدرجة دي ؟؟

فوووووقى إنتى أغلى من كده !

لو كان بيحبك كان خاااف عليكي من عذاب ربنا اللي هيحطك فيه لو إستمريتى معاه !

إنتي بحياءك وعفتك أغلى من 1000 بنت بتكلم ولاد وبتصاحب ده وده !

ليه تسمحيله يكلمك وربنا حرّم كده ؟

ليه تسمحيله يلمسك وربنا حرّم كده ؟

ليه تسمحى لنفسك انك تخرجى معاه وربنا حرّم كده ؟

ليه مش بتفكري إذا كان ربنا راضي عنك ولا لأ ؟؟ واللي إنتي بتعمليه ده يرضي ربنا ولا يغضبه ؟

إنتى من غير ربنا هتضيعـــــــي !! إحنا منسواش حاجة من غير رضى ربنا علينا !

إوعي تبيعي رضى ربنا بسبب واحد بيتسلى بيكي حبة وهيرميكي !

إوعي تبيعي حياءك وعفتك بسبب كلمتين حب عايزة تسمعيهم وشوية مشاعر وأحاسيس مزيفة عايزة تحسيهم !

والله السعااااااااااادة كل السعاااااااااااااادة فى طاعة ربنا وفى القرب منه والإلتزام بأوامره

ربنا لما أمرنا إننا منكلمش ولاد ولا نصاحب .. ده عمره ما كان تضييق علينا أبدااا

ربنا لما يأمرنا بحاجة يبقى هي دي عين الخير لينا ولو خالفناها نستاهل اللي يجرالنا بقى !

متستعجليش رزقك يا حبيبتى بالحرام ... إصبـــري إصبــــــــري إصبـــــــــــري

إنتى تقدري تكلميه ووالدك موجود فى البيت أو أخوكي ؟

بصراحة لالالالا

تقدري تخرجي معاه والجيران شايفينك ؟

لالالا

طب ليه خايفة طالما مش بتعملي حاجة غلط أو حرام ؟؟

لو مش غلط أو حرام عايزاكي تكلميه قصاد والدك ووالدتك وعيلتك كلها وتعرفيهم بيه كمان

وتقوليلهم ده " حبيـبى " !!

ليه جعلتى ربنــــــــــا أهون الناظرين ليكِ ؟!!!

قدرتي على غضب ربنا هان عليكي غضبه ؟؟

مهانش عليكِ نفسك اللي بتعذبيها دى ؟؟

مهانش عليكِ قلبك اللي كل شوية يتجرح بسببه ؟؟

مهانش عليكِ كرامتك اللي بتهينيها بإيديكي ؟؟

فووووووقي يا حبيبتى ... كفاية أوووي الأيام اللي عشتيها بعيدة عن ربنا !

قضي الباقي من عمرك بقى فى طاعة الله .. عشان تدوقي السعادة اللي بجد اللي بتدوري عليها

طب أسيبه إزاي أنا قولتلك مقدرش يومي يعدي من غيره !

حبيبتي إستعيني بالله والجأي ليه أووووووى وتضرعي بالدعاء ليه إنه يعينك إنتِ

ملكيش غييييره .. هو في الأول هيبقى صعب عليكي أنا عارفة ,, لكن هتبقى

فترة وهتعدي

إصبري وجاهدي نفسك عشان خاطر ربنا ..

عارفة إنتِ لو كنتي صادقة مع ربنا فى إنك فعلاً عايزة تسبيه علشااانه هو

وبسسس

لو صادقة مع ربنا في إنك فعلاً عايزة تتوبي ليه وتقضي الباقي من عمرك في طاعته

لو صادقة مع ربنا فى إنك فعلاااا مش عايزة غير رضاه ومش شاغلك الناس

ولا شاغلك أي حد في الدنيا دي كلها

بس لازم تقدمي حاجات تدل على صدقك ... لازم ربنا يرى منك أدلة على

الكلام ده كله

أول حاجة يا ست الكل إنك تقطعي أى حاجة كانت بينكم

شريحة الموبايل تتكسر ... مفيش حاجة إسمها هقفل الموبايل لأن الشيطان

هيلعب لعبته في المنطقة دي وهو عارف نقطة ضعفك كويس وعارف يدخلك

منين .. فأنا عايزاكي تقفلي كل مداخل الشيطان

إقفلي الأكونت بتاعك على الفيس لو بتكلميه عليه .. مش تعملى بلوك وبس

! لأ تقفلى الأكونت كله عشان برضو خطوات الشيطان اللي قولتلك عليها

.. عشان كل ما هتدخلي هتفتكري أيامكم سوا وتتمني لو ترجع !

والتمني هنا في حد ذاته هيبقى معصية وإحنا مش ناقصيين

لو ياهو برضو نفس الحكاية ... بإختصار تقطعي أي وسيلة إتصال ما بينكم نهاااااائي

ثانياً يا ست البنات .. أى حاجة تفكرك بيه ,, عايزة ميكنش ليها مكان

في حياتك ..

يعنى لو جايب لك هدايا ... يبقى توزيعها أو ترميها او تقطيعها

مش هتستخسرى فى ربنا شوية هدايا يعنى

لو مكان كنتوا بتروحوه سوا يبقى متروحيهوش تانى _ مؤقتاً _

مكان عارفة إنه ممكن يكون موجود فيه يبقى متتواجديش فيه نهاائي

وهكذا أى حاجة بقى تشوفي إنها ممكن تفكرك بيه أو تخليكي تحني لأيام زمان !

دي الخطوات العملية اللي عايزاكي تاخديها .. طبعاً بقى بجانب الروشتة

الإيمانية دى

1_ تصلي ركعتين توبـــــة لله .. تنوي فيها إنك تتوبي من الذنب ده وتعاهدي

ربنا إنك مش هترجعيله تاااني أبدااا

2_ دعااااااااء ثم دعااااااااء ثم دعاااااااء بإن ربنا يثبتك ويهديكِ ويصرف عنك ِ

كل شر وسوء ... وكمان تدعي ربنا إنه ينسيهولك لأن دي أهم حاجة

3_ تواظبي على الصلاة والصدقة والنوافل .. لأن الحاجات دى كلها بتمثل

ليكى حصن منيع من الوقوع فى المعاصي إن شاء الله ,, وتواظبي على أي

حاجة تقربك من ربنا اكتررررر واكتررررر

4_ تحبــــــــــــي ربنا .... آآآآه تحبييه

إنتى عارفة سبب إنك وقعتي في الذنب ده إيه ؟؟؟

إنك مكنتيش بتحبى ربنا الحب اللى المفروض يتحب

هوضحلك أكتر ... أحد السلف كان بيقول

" إن المحب لمن يحب مطيع "

يعنى إنتى لو بتحبي حد وحبه متمكن في قلبك ... لو أمرك بحاجة هتنفذيها

ولا لأ ؟

لو أمرك تبعدي عن شئ معين هتقولى سمعاً وطاعة ولاهتترددى ؟

فلما تحبي ربنا بجد ومن قلبك خلاااااااااص كل مشاكلك تتحل )

أصل الحب بيعمل المعجزات ... حب ربنا لو تمكن من قلبك هتعملي أى

حاجة علشانه ومش هيهمك أى مخلوق فى الدنياااا كلهااااا

5_ تعلقى قلبك بربنا وبسسسسس

علطوووول تدعى ربنا بإنه ميعلقش قلبك غير بيه وبس

لأن قلبك لو كان متعلق بالله بجد ... مكنتيش أقبلتى على الذنب ده

أنا عارفة إنك نفسك تلاقي الحب والحنان والسعادة ...

وده اللي خلاكي تقعي في المعصية دي .. لو كان قلبك بقى متعلق بالله

خلااااااااااص هتستغني بالله عن أي حاجة تانية لأن ربنا هيعوضك بكل اللي

بتتمنيه لأنك آثرتيه على هواكي وشهواتك

فحبـى ربنا وعلقي قلبك بيه ... قربي منه وإنتى هتلاقي كل السعاااادة بقربه

وهتلاقي كل الحنان منه

6_ تجاهدي نفسك وشهواتك ... إعملى لنفسك جدول للطاعات .. وإلزمي

نفسك بفعل الخير دايماً لأن نفسك إن لم تشغليها بالحق شغلتك بالباطل

وهما أول اسبوعين اللي هتحسي فيهم إن الأمر صعب .. لكن جاهدي

نفسك فيهم ........

عشان خاطر حبيبك اللي بجـــــد

مطوية للنشر في الجامعات



http://up-10.com/upfile012/Cxe61033.jpg

http://up-10.com/upfile012/Pgi61167.jpg


-------------
ملف للطباعة

New Folder - Download - 4shared
جزى الله خيرا جميع من شارك في الموضوع
وندعوكم جميعا للمساهمة معنا في الأجر بنشره سواء ع المنتديات أو الطباعة أو بوستات ع الفيس
ويمكن أخذ مقطع مميز ونشره فقط
:rose:

[عاشق متيم]

موضوع جميل
تسلمى على الطرح
ينقل للقسم العام

[حالمة باميرى]

الحب مش كلمة بنقولها وبس الحب مشاعر صادقة
واحساس باالامان والمودة
بارك اللة فيكى على ما طرحتى

[توحد ارواح]

اللهم اجعلنا ممن يستمعون القول فيتبعون احسنه
طرح رائع
مشكوره وجزيتى خيرا
بانتظار المزيد المميز
منوره المنتدى والقسم يا قمر

[sara2014]

صراحة ما قصرتي

[Stop Ana Eltop]

توبيك اكثر من رائع

تسلمى

[الآمير العآشق]

كلماآت كتير حلوووه
وموضوع اكتر من راآئع
دمتي متالقهـ

[روكا روكا]

تسلم ايدك موضوع اكثر من رائع
والحب شىء جميل فعلا

[ابراهيم دياب]

طرح رائع ورومانسية راقية

دمتى بكل ود وتقدير ولاننحرم جديد ابداعك