سحلب

[big bốss]

- اعلنت الولايات المتحدت الامريكيه ( الى هى اختى ) حظر اقتصادى شامل ( يعنى مش راضيه تعملى حاجه ) على دولة مصر ( الى هى انا ) بسبب امتناع مصر عن شراء متطلباتها البناتيه الكثيره التى لا تنتهى و هى الشكولاته لذلك قررت ان تعلن الحرب و تعاملنى بالمثل . - و من شويه كنت أشعر ببروده غير عاديه و نفسي جات على السحلب و طلبت منها تعملى كوباية سحلب زى دى كدا رفضت الرضوغ لطلبى و تمسكت بقرار الامم المتحده ( الى هى امى ) بتطبيق حظر شامل على مصر و لكن بعد محايلات عديده و واعطائها وعود كثيره اننى سأشترى الشكولاته رفضت ايضآ و لكنها سمحت لى فقط بأءن تعطينى طريقه عمل السحلب و بالفعل قررت ان اعمل السحلب بنفسي و اخلف وعودى لها فضحكت ضحكه شريره فيها دهاء و قالت لى كنت متوقعه ذالك و انا طيب علنياتى مكنتيش عارف هتعمل ايه ؟ المهم عملت السحلب زى ما قلتلى و قلبته و قلبته و شقلبته وحطيته فى الكوبيه لقيت حاجه غريبه مش لاقى تفسير لها لقيت ميه شبه بيضه و كتل كتل كدا زى العجين عباره عن السحلب متماسكه مع بعضها و كل حاجه فى ناحيه الميه لوحدها و السحلب لوحده شبيها بالكتل الى فوق السحلب دى مش عارف ليه و مش شربت سحلب حتى الان الله الامر من قبل و من بعد

[واد حبيب]

هههههههههههههههههه
انت اللي مش مسيتر يا نور
لزم تشد عليها شويه علشان تعملك كل حاجه
وانت خلي جيبك علطول مفتوح وبلاش بخل يا جاج
في راجل في الدنيا مش بيعرف يعمل سحلب
يا عم انا دلوقتي قربت اكون ست بيت
ههههههههههههه

[Lost Pearl]

انا داخلة اشمت فيك يا نور هههههههههههه



عشان المفروض حضرتك مترفضش طلب لاخواتك ،، امال انت اخوهم الكبير علي ايه

تاخد منهم سحلب بس يعني

يللا بالشفا ،، بس مش مصدقة انت ازاي بوظته كدة هههههههههههههههههه

ده انا اخواتي الصبيان بيعملو سحلب احسن مني مية مرة

قول لاختك آلاء بتقولك جدعة

[الأميرة رودي]

ههههههه كلكعت السحلب يانور
يااما الميه بتاعتك أو الحليب لم يغلي بعد :d
يا أما انت مش قلبته كويس

وحاول تسايس أمورك مع الولآيات المتحده الآمريكيه عشان دي لما بتقلب
بتبهدل الدنيا

[big bốss]

اقتباس المشاركة الأصلية كتبت بواسطة واد حبيب هههههههههههههههههه انت اللي مش مسيتر يا نور لزم تشد عليها شويه علشان تعملك كل حاجه وانت خلي جيبك علطول مفتوح وبلاش بخل يا جاج في راجل في الدنيا مش بيعرف يعمل سحلب يا عم انا دلوقتي قربت اكون ست بيت ههههههههههههه

ههههههههههههههههه

ضحكتنى يا واد حبيب

بقيت ست بيت

عامل حسابك انك هتغسل و تطبخ و احتمال تخلف بيبيات

ما هو بنات الايام دى رجاله

[big bốss]

اقتباس المشاركة الأصلية كتبت بواسطة lost pearl انا داخلة اشمت فيك يا نور هههههههههههه عشان المفروض حضرتك مترفضش طلب لاخواتك ،، امال انت اخوهم الكبير علي ايه تاخد منهم سحلب بس يعني يللا بالشفا ،، بس مش مصدقة انت ازاي بوظته كدة هههههههههههههههههه ده انا اخواتي الصبيان بيعملو سحلب احسن مني مية مرة قول لاختك آلاء بتقولك جدعة

هههههههههههه

بعيد عنك الجو برد فالواحد خاب خالص

ما اتعلمت خلاص محفظتى مع اختى من هنا و رايح

و هى الى تدينى مصاريفى

[big bốss]

اقتباس المشاركة الأصلية كتبت بواسطة الأميرة رودي ههههههه كلكعت السحلب يانور يااما الميه بتاعتك أو الحليب لم يغلي بعد :d يا أما انت مش قلبته كويس وحاول تسايس أمورك مع الولآيات المتحده الآمريكيه عشان دي لما بتقلب بتبهدل الدنيا

هو فعلآ كلكعت منى السحلب

احتمال الميه مش سخنت كويس

آه الولايات المتحده بهدلتنى احنا مش قدها

توبه من دى النوبه

[ساحر الأحزان]

اعتمد على نفسك

وبطل كسل بقى

لحد امتى حتفضل حزين

وتدارى سحلب السنين

[big bốss]

اقتباس المشاركة الأصلية كتبت بواسطة ساحر الأحزان اعتمد على نفسك وبطل كسل بقى لحد امتى حتفضل حزين وتدارى سحلب السنين

هههههههههههههههههه

يخرب عقلك يا امجد ضحكتنى بسحلب السنين

هنعتمد على نفسنا حاضر

[Reem♡A|❀]

سحلب سحلب سحلب يا نور
مش عارفةة والله اى الرجاله دى
امال هتتعلم امته ’ امال لما تتجوز مين هيسحلب مرأإتك وولادك كمان