زي الفريك منحبش شريك

[فتحى عيسى]

ليه في كل مكان نروح فيه
نحب نشتغل لوحدنا
عاملين زي الفريك منحبش شريك
حتي لو كان ابن امنا
عايزين نبقي احنا وبس اللي فوق
والباقي بعدنا
بنبقي في نفس المكان والقسم في حضن القسم
وكله ريس في مكانه
ولا حد عاجبه اللي جنبه
ولا حتي بيزوره ولو برو عتب
وكل ميعمل حد فينا حاجة ناخد فكرتها
أو شبيهتها وندورها بمعرفتنا المهم ميبقوش احسن مننا
مع ان المصلحة واحدة والهدف المفروض يكون واحد
ده فعلا لو بنحب المكان مش بنحب نفسنا
ياتري دية غيرة ولا شطارة ولا عباطة ماشية تجر خيبتها
ولا تركيبه هباب ملهاش كتالوج ولا تفسير ولا أسباب
نفسي أعرف إمتي هنفهم بعضينا
فتحي عيسي

[جبل عالي]

على رسلك أخي الكريم ... على رسلك

فما نجده حتى وإن كان نوع من الأنانية ومن فرض الذات

دون الآخرين .... وإنتهاك حقوق الغير في الظهور أو المشاركة

فلندع أفكارهم جانباً ... ولنتبارى بروح التميز والرقي

ولنخضع أدواتنا في خلق تلك الروح المنافسة حتى وإن

نافسونا بشراسة ... فثق أن أصحاب الفكر وأصحاب القريحة

النافذة لن ينضب معينهم ذات يوم ... حتى وإن أشعلوها نارا


أخي الكريم .. لرسالتك معانٍ أراها بأم عيني

وأعاني منها كثيراً ... حتى وصل الحال لتمني المغادرة

ولكن .... تستوقفني بعض الأقلام هنا وهناك

بفكرها وبروحها وبدقة لفظها وصائب رأيها

وثاقبة أبصارها ..... فتجعلني ألوي عن قراري وأرتد

أحييك على طرحك الثاقب والهادف هنا

ولتكن رسالة لنا أجمعين

تحيتي واحترامي لك

[ساحر الأحزان]

هو حد لاقى الفريك الايام دى اخ فتحى دة شاحح من السوق

بسى دة اسمة حب نفس وطمع

لازم نتحلى بحب الغير برضة

[حالمة باميرى]

الطبيعى دلوقتى كل انسان بيدور على مصلحتة حتى لو على
حساب غيرة المهم يكون هو الاهم
ربنا يهدينا

[فتحى عيسى]

اقتباس المشاركة الأصلية كتبت بواسطة جبل عالى على رسلك أخي الكريم ... على رسلك فما نجده حتى وإن كان نوع من الأنانية ومن فرض الذات دون الآخرين .... وإنتهاك حقوق الغير في الظهور أو المشاركة فلندع أفكارهم جانباً ... ولنتبارى بروح التميز والرقي ولنخضع أدواتنا في خلق تلك الروح المنافسة حتى وإن نافسونا بشراسة ... فثق أن أصحاب الفكر وأصحاب القريحة النافذة لن ينضب معينهم ذات يوم ... حتى وإن أشعلوها نارا أخي الكريم .. لرسالتك معانٍ أراها بأم عيني وأعاني منها كثيراً ... حتى وصل الحال لتمني المغادرة ولكن .... تستوقفني بعض الأقلام هنا وهناك بفكرها وبروحها وبدقة لفظها وصائب رأيها وثاقبة أبصارها ..... فتجعلني ألوي عن قراري وأرتد أحييك على طرحك الثاقب والهادف هنا ولتكن رسالة لنا أجمعين تحيتي واحترامي لك

أيوه جبتي من الآخر صاحب الفكر المتجدد الواعي بكلمه وهدفه لا بتفرق معاه
ماشي في دربه ولا همه بس علي فكره ده بيأثر حتي علي إنتاجه علي الاقل في
اماكن بعينها ومن الجائز ان تدفعه لغيرها كما تفضلتي
القديرة جبل عالي
رائعة القراءة والحضور والحرف الحاضر
بمداده النقي العارف مواطن الجمال
أشكرك
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة ساحر الأحزان هو حد لاقى الفريك الايام دى اخ فتحى دة شاحح من السوق بسى دة اسمة حب نفس وطمع لازم نتحلى بحب الغير برضة

ياريت نحب نفسنا ومنضرهاش
لإن اللي بيحب نفسه
بيخاف عليها من أذية الناس
فبيتعامل بأحسن معاملة
وبيحبب فيه خلقه
أشكرك اخي الرائع ساحر الاحزان
علي تشريفك الراقي
وتفاعلك الكريم
مودتي وإحترامي

[همسه دموع]

غريبه جدا بجد انك بتسأل
هو حضرتك مكنتش تعرف اننا فى دنيا المصالح والنفوس غياره
انا سعات كمان بحس ان الغلط كمان ممكن يتقلد مجرد بس انه يكون موجود
تسلم على طرحك
تحياتى واحترامى الشديد لقلمك

[فتحى عيسى]

اقتباس المشاركة الأصلية كتبت بواسطة ملٱك ٱلروِحً الطبيعى دلوقتى كل انسان بيدور على مصلحتة حتى لو على حساب غيرة المهم يكون هو الاهم ربنا يهدينا

طبعا ماهو لازم اشوف مصلحتي وأمشي معاها لإن ده طبيعي جدا
ومقبول جدا ولكن يبقي غريب وقبيح لما مصلحتي تبقي علي كتاف غيري
او تسبب له ضرر او تاخد انتاجه تسرقه او تحوره
دية متسماش مصلحة دية تسمي أنانية وحقارة نفس صحيح بقت عادية
النهاردة بس برضه فيه ناس مازالت بتعرف حدها كويس جدا
أشكرك وتشريفك الكريم
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة عاشقه للاحلام غريبه جدا بجد انك بتسأل هو حضرتك مكنتش تعرف اننا فى دنيا المصالح والنفوس غياره انا سعات كمان بحس ان الغلط كمان ممكن يتقلد مجرد بس انه يكون موجود تسلم على طرحك تحياتى واحترامى الشديد لقلمك

الغريب فعلا إني مسألش لإني لو سبت الحبل علي الغارب وقبلت بكل تصرف عايب
أو كل حركة مش كريمة أو كل فعل ميدخلش العقل وسكت وكأني مش موجود هأكد إني قبلته ورضيت بيه
من وقت للتاني لازم ملاحظة ملاحقة إشارة تحذير أي فعل يوجه
مش يمكن نقدر نغير ولو فعل صغير
أشكرك علي تشريفك الكريم
وتفاعلك الراقي
بوركتِ
مودتي وإحترامي